Tímarit lögfræðinga - 01.08.1983, Síða 49

hann hafði verið kynntur um land allt. Hafi Grímur aftur á móti hafið
könnun sína áður en Úlfljótur fór til Noregs, eins og fjallað er um hér
að framan, er ekki ósennilegt, að þinghald hafi getað hafist ári eftir,
að Úlfljótur kom heim eða á sumrinu 928.
1 Islendingabók 3. kafla segir, að Hrafn Hængsson hafi tekið lögsögu
næstur Úlfljóti, sem ekki verður skilið öðru vísi, en að Úlfljótur hafi
haft lögsögu á undan Hrafni. Það má geta þess til, að á þinghaldi 928
hafi verið samþykkt að setj a landinu lög eða með öðrum orðum að stofna
ríki á íslandi. Ennfremur má hugsa sér, að sá þáttur laganna, sem fjall-
aði um þingsköp og e.t.v. einhver fleiri ákvæði hafi þá þegar verið sam-
þykkt og Úlfljótur kosinn lögsögumaður. Önnur ákvæði laganna hafi
síðan verið rædd, samþykkt og sögð upp á næstu tveimur þingum. Þann-
ig má til sanns vegar færa, að Úlfljótur hafi verið lögsögumaður árin
928-930 þegar Hrafn tók við lögsögunni. E. A. fjallar ýtarlega um lög-
sögu Úlfljóts og telur ýmislegt benda til þess, að Úlfljótur muni ekki
hafa verið kosinn lögsögumaður (Skírnir 1929, 168-170).
Það orkar vart tvímælis, að Úlfljótur hefur gert þingheimi grein fyr-
ir því lagafrumvarpi, sem hann kom með frá Noregi. Hann hefur í fyrsta
lági haft framsögu í því máli og fengið frumvarpið samþykkt sem lög
með eða án breytinga. Hann hefur því sagt upp lögin þó það hafi verið
með nokkuð öðrum hætti en lögsögumenn þeir gerðu, sem tóku við lög-
sögu á eftir honum. Þó má benda á það, að breytingar hafa sjálfsagt
verið gerðar á Úlfljótslögum, sem lögsögumenn hafa ságt upp um leið
og þær voru samþykktai'.
Það er annað mál hvort Úlfljótur hefur lokið þætti sínum í þessari
fyrstu allsherjarlöggjöf á einu þingi eða fleirum. Það þætti þó áreiðan-
lega furðu sæta nú á tímum, ef tækist að setja landinu stjórnarskrá og
fleiri nauðsynleg ákvæði á einu þingi.
Tilgátan um lögsögu Úlfljóts 928-930 þarf alls ekki að brjóta í bága
við stofnun Alþingis 930. Hafi þingheimur talið þörf nánari athugunar
á ýmsum ákvæðum í frumvarpi Úlfljóts, t.d. varðandi stjórnskipun rík-
isins, er alls ekki ósennilegt, að slík lagaefni hafi verið rædd á fleiri
þingum en einu. Má þá álykta, að Alþingi hafi ekki verið að fullu sett
á fót fyrr en slík ákvæði voru útrædd og samþykkt.
Þegar Hrafn Hængsson tók við lögsögu hefur hann orðið að afla sér
þekkingar á lögunum til þess að geta verið lögsögumaðui'. Úlfljótur
vissi að sjálfsögðu betri skil á þeim en aðrir menn. Það er því líklegt,
að Hrafn hafi numið lögin af Úlfljóti þó engar sögur fari af því. Hafi
Úlfljótur sagt upp öll lögin á einu þingi og Hrafn lagt sig allan fram að
fylgjast með uppsögn hans, er ekki sennilegt, að honum hafi verið mögu-
43