Tímarit lögfræðinga - 01.11.1986, Blaðsíða 23

boð og ógilda löggerninga, en sá kafli þeirra laga ber yfirskriftina
„Um ógilda löggerninga“.
Breytingum þeim, sem lög nr. 11/1986 leiddu til, og aðdraganda
þeirra er að nokkru leyti lýst í grein Þorgeirs örlygssonar, borgardóm-
ara, í 2. hefti þessa árgangs Tímarits lögfræðinga, en verður að öðru
leyti lýst hér á eftir. 1 grein Þorgeirs er aðallega fjallað almennt um
þær breytingar, sem setning laga nr. 11/1986 hafði í för með sér, réttar-
þróun bæði á hinum Norðurlöndunum og hér á landi, réttarástand á
þessu sviði á Islandi og ennfremur hvort laganauðsyn hafi borið til
þeirra breytinga, sem voru meginefni laga nr. 11/1986. Að auki er í
grein Þorgeirs Örlygssonar svarað gagnrýni á frumvarp það, sem síð-
ar varð að lögum nr. 11/1986.
I grein þessari er fyrst og fremst ætlunin að skýra einstök efnis-
atriði 36. gr. laga nr. 7/1936, eins og því ákvæði var breytt með lögum
nr. 11/1986, ræða sanngirnishugtak ákvæðisins og fjalla um helztu til-
vik, sem ætla má, að ákvæðið taki til. Jafnframt er ætlunin að fjalla
nokkuð um dómaframkvæmd á grundvelli hliðstæðs ákvæðis í dönsku
samningalögunum, eins og því var breytt 1. júlí 1975.2)
2) Athugasemdir þær, sem fylgdu frumvarpi því, er síðar varð að lögum nr. 11/1986, eru
mjög ítarlegar og verður ekki hjá því komizt að endurtaka ýmislegt af því, sem þar seg-
ir. Þegar vísað er til athugasemda þessara, eru þær hér eftir nefndar - greinargerðin
Að auki skal á það bent, að höfundur þessarar greinar ritaði í 2. tbl. XXXVII. árgangs
Úlfljóts, tfmarits laganema, bls. 53-70 grein undir heitinu: „Nýjungar í norrænum
samningarétti", en þar er að hluta fjallað um sömu efnisatriði og til meðferðar eru
í þessari grein.
Viðar Már Matthíasson lauk lagaprófi vorið
1979. Kandidatsritgerð hans fjallaði um lög-
jöfnun. Hann stundaði framhaldsnám í samn-
ingarétti og kröfurétti við Institutt for Privat-
rett við Háskólann í Oslo frá því í september
1979 fram í júní 1981. Starfaði sem fulltrúi á
lögmannsstofu Arnmundar Backman hrl. árin
1981 til 1985, en rekur nú málflutningsskrif-
stofu í Reykjavík í félagi við Ragnar Aðalsteins-
son hrl. og Sigurð Helga Guðjónsson hrl. Hann
var stundakennari við lagadeild Háskóla ís-
lands á vormisseri 1984, með kauparétt sem
kennslugrein.
169