Tímarit lögfræðinga - 01.11.1988, Side 19

í námsskrá lagadeildar Háskóla íslands. Það er raunar athyglisvert,
að það er í samræmi við námsskrár í lagadeildum norrænna háskóla.
Ég ætla að leyfa mér að setja fram þá skoðun að þetta áhugaleysi eigi
m.a. rætur sínar að rekja til inntaks skandinavísku raunhyggjunnar.
Staðreyndin er sú að öðrum þræði má túlka skandinavísku raunhyggj-
una, að svo miklu leyti sem unnt er að tala um hana sem sérstaka
stefnu í réttarheimspeki, sem tilraun til að ganga af allri réttarheim-
speki dauðri. Sá sem trúir því að þeir menn sem þar koma við sögu
hafi haft rétt fyrir sér þarf ekki að hugsa meira um réttarheimspeki.
Hin linnulausa gagnrýni sem fulltrúar skandinavísku raunhyggjunn-
ar beindu að eldri kenningum í réttarheimspeki, þ.e. náttúruréttar-
kenningum og pósitívisma, hafa m.ö.o. haft þau áhrif að norrænir lög-
fræðingar taka þær yfirleitt ekki mjög alvarlega og virðast hafa lít-
inn áhuga á þeim.2 Fyrrnefndar stefnur innan réttarheimspekinnar
eru afgreiddar sem frumspekilegur heilaspuni. Sá sem er tilbúinn til
að taka undir skoðanir af þessu tagi hefur ekki áhuga á að halda slíku
að nemendum sínum.
Þeim sem ætlar að fjalla um skandinavísku raunhyggjuna sem sér-
staka stefnu innan réttarheimspekinnar er ávallt nokkur vandi á hönd-
um, þar sem skoðanir einstakra manna sem við stefnuna eru orðaðir
eru mismunandi í ýmsum veigamiklum atriðum. Það sem réttlætir að
um þá sé fjallað undir þessu greinimarki er einkum tvennt. I fyrsta
lagi er um að ræða viss samkenni á heimspekilegri afstöðu þeirra til
2 Sjá t.d. Garðar Gíslason: Náttúruréttur i nýju Ijósi, (fjölrit). Fyrirlestur haldinn á veg-
um Félags áhugamanna um heimspeki 1981, Reykjavík 1981.
Davíð Þór Björgvinsson lauk B.A.-prófi frá heim-
spekideild Háskóla íslands 1982 og embættis-
prófi í lögfræði frá lagadeild sama skóla 1985.
Hann starfaði síðan sem fulltrúi á lögmanns-
stofum Ólafs B. Árnasonar á Akureyri og Ás-
geirs Thoroddsen ( Reykjavik. Hann lauk meist-
araprófi í lögum frá Duke University School of
Law í N-Carolina í Bandaríkjunum 1987. Davíð
Þór starfar nú sem fulltrúi yfirborgardómarans
í Reykjavík, jafnframt því að sinna stunda-
kennslu við lagadeild Háskóla íslands. Hann
hefur verið settur dósent við deildina frá 1.
janúar 1989.
149