Tímarit lögfræðinga - 20.12.1990, Side 4

þing. Enn sem fyrr er full þörf á að allir þeir embættismenn sem vinna að
dómsmálum hafi samráð og samstarf á félagsgrundvelli, og e.t.v. ættu fleiri
erindi í þann hóp. Félag á þessum grundvelli gæti orðið arftaki Dómarafélags
Islands. Jafnframt væri eðlilegt að í meiri eða minni skipulagstengslum við þetta
dómsmálafélag starfaði sérstakt félag dómara, réttnefnt Dómarafélag íslands,
og sérstakt félag þeirra stjórnsýsluembættismanna sem vinna að dómsmálum,
einkum sýslumanna og saksóknara.
Sérstakt álitaefni er hvort ekki eigi fleiri erindi á dómaraþing en þar hafa
setið. Þar má nefna forstöðumann fangelsismálastofnunar og háskólakennara í
réttarfari, en einkum og ekki síst þá lögfræðinga sem starfa að dómsmálastjórn í
dóms- og kirkjumálaráðuneytinu.
Vonandi skilar væntanleg samstarfsnefnd dómarafélaganna góðum tillögum
um þessi mál í tæka tíð fyrir 50 ára afmæli dómarafélagsins í haust.
202