Tímarit lögfræðinga - 20.12.1990, Síða 58

Tryggvi Axelsson lauk embœttisprófi í lögfrœði frá
Háskóla íslands vorið 1986. Hann hefursíðan starfað
í viðskiptaráðuneytinu og á sæti í framkvœmdastjórn
nefndar um verklag í viðskiptum (ICEPRO)
Tryggvi Axelsson:
LÖGLEG UNDIRSKRIFT OG STAÐFESTING LÖG-
GERNINGS - ERU TÍMAMÓT FRAMUNDAN?
Ör tækniþróun og nýjungar af ýmsu tagi á sviði vísinda eru orðnar næsta
daglegt brauð. Ýmsar nýjungar sem koma fram hafa ekki áhrif samstundis,
áhrifanna tekur oft ekki að gæta fyrr en allmörgum árum eftir að fjölmiðlar
fluttu fréttir af uppgötvun þeirra vísindamanna sem að henni stóðu. Þau áhrif
sem tækniþróunin hefur á líf okkar, er lifum þær breytingar sem hér eru gerðar
að umtalsefni, kunna að vera margvísleg. Þannig kann mönnum að verða gert
kleift að framkvæma ýmsa þá hluti sem áður voru taldir óframkvæmanlegir.
Frjóvgun eða myndun mannslífa utan mannslíkamans eru nýleg dæmi um þetta.
Tækninýjungar krefjast oft á tíðum að þjóðfélagið bregðist við þeim á
viðeigandi hátt, meðal annars með því að breyta löggj öf sinni, ef ástæða þykir til.
í þessari grein er ekki ætlunin að ræða tækninýjungar á sviði fósturfræðinnar,
heldur er framangreint dæmi aðeins tekið til þess að minna okkur á, hvernig
fjarlægar vonir verða að veruleika, og fyrr en varir, næstum hversdagsbrauð.
Tilefni greinarinnar er að ræða í fáum orðum þá þróun sem nú á sér stað við
hagnýtingu tölvutækninnar sem orðin er verulega útbreidd meðal tæknivæddra
þjóða.
Aukin þekking og tækninýjungar sem miða að öflugri nýtingu tölvunnar, sem
miðils í almennum viðskiptum í nútímaþjóðfélagi, munu án efa á næstu árum
verða þess valdandi að íslenskir lögfræðingar verða að skoða löggjöf okkar með
sérstöku tilliti til þess að tölvur og tölvuskjöl, en ekki pappír og penni, verði
viðskiptamiðill framtíðarinnar.
256