Tímarit lögfræðinga - 20.12.1990, Síða 65

VI. Almennir félagsfundir
Almennir félagsfundir hafa verið þrír á starfsárinu, allir haldnir á Hótel Holti,
Reykjavík.
Hinn 28. desember flutti Stefán Már Stefánsson, prófessor erindi um gerðar-
dóma.
Hinn 4. apríl flutti dómsmálaráðherra Óli Þ. Guðbjartsson erindi um
húsnæðismál dómstólanna við gildistöku aðskilnaðarlaganna 1992.
Hinn 27. september flutti Rainer Voss dómari frá Diisseldorf í Þýskalandi
erindi um hlutverk Alþjóðasambands dómara og evrópudeildar þess. Ennfrem-
ur fjallaði hann um uppbyggingu og starf vesturþýska dómarafélagsins.
VII. Fundur stjórna norrænu dómarafélaganna
Eins og kunnugt er var norræna lögfræðingaþingið haldið í Reykjavík
síðastliðið sumar. Daginn áður en þingið hófst eða 21. ágúst var haldinn fundur
stjórna norrænu dómarafélaganna á Hótel Sögu, en veg og vanda af undirbún-
ingi hans hafði Dómarafélag íslands. Dómsmálaráðherra Óli Þ. Guðbjartsson
ávarpaði fundinn. Umræðuefni fundarins voru tvö, endumenntun dómara og
tími sá er meðferð einkamála tekur. Gustav Möller Finnlandi, flutti aðalfram-
sögu um fyrra umræðuefnið. Aðrir framsögumenn voru Kurt Haulrig Dan-
mörku, Oskar Arild Eidesen Noregi, Gunnar Dyhre Svíþjóð og Allan V.
Magnússon íslandi.
Um síðara efnið flutti framsögu Olav T. Laake Noregi.
Fundurinn var hinn fróðlegasti og umræður ágætar. Fundarmenn voru um
þrjátíu talsins. Að fundinum loknum þáðu fundarmenn boð dómsmálaráðherra
Óla Þ. Guðbjartssonar á Hótel Sögu.
VIII. Heimsókn Rainer Voss
Rainer Voss landsréttardómari í Dusseldorf var hér á landi í boði Dómarafé-
lags íslands dagana 26.-30. september. Rainer situr í stjórn Alþjóðasambands
dómara, er formaður evrópudeildar þess og varaformaður þýska dómarafélags-
ins. Tilgangur heimsóknarinnar var fyrst og fremst sá að afla fróðleiks um stöðu
mála að því er dómara varðar vegna hinna öru breytinga í Evrópu. Fyrr er getið
hádegisverðarfundar þar sem Rainer flutti erindi. Einnig flutti hann erindi um
stöðu og ábyrgð dómara í Evrópu eftir 1992 á námsstefnu Lögfræðingafélags
íslands í Viðey um evrópurétt, sem haldin var 28. september.
Rainer heimsótti einnig Hæstarétt íslands, Borgardóm Reykjavíkur og
lagadeild Háskóla íslands. Þá var honum boðið í ferðalag til merkisstaða á
Suðurlandi.
Þessi heimsókn var hin gagnlegasta og má fullyrða að hún hafi náð tilgangi
sínum. Þá var mjög fróðlegt að heyra lýsingar Rainers á því starfi sem þýska
263