Tímarit lögfræðinga - 20.12.1990, Page 70

FYLGISKJAL II
ÞING ALÞJÓÐASAMBANDS DÓMARA 1989
Þing Alþjóðasambands dómara var haldið í Macao dagana 23.-27. október
1989. Umræðuefnið á þinginu var „Staða og hlutverk dómarans í nútímaþjóð-
félagi“. Fjárhagsaðstoð portúgölsku ríkisstjórnarinnar og mikil undirbúnings-
vinna portúgalskra dómara í Macao gerðu mögulegt að halda þetta þing. Um
150 manns frá 40 löndum sóttu þingið. Flestir þátttakendur voru dómarar, en
auk þeirra voru nokkrir þátttakenda lögfræðingar og lögmenn.
íslensku þátttakendurnir voru Friðgeir Björnsson yfirborgardómari, Harald-
ur Henrýsson hæstaréttardómari og Valtýr Sigurðsson borgarfógeti.
Umræðum á ráðstefnunni var skipt í þrjá þætti sem ræddir voru í jafnmörgum
nefndum. Þættirnir voru þessir:
a. Ábyrgð dómarans. Hlutverk hans og staða gagnvart öðrum valdhöfum í
ríkiskerfinu og þjóðfélaginu. Sjálfstæði dómsvaldsins og áreiðanleiki þess
gagnvart ríki og einstaklingum. (fyrsta nefnd)
b. Dómarinn og samstarf hans við aðra sem starfa á sviði lögfræði: lögfræð-
inga, lagaprófessora, sérfræðinga og starfsmenn ríkisins. (önnur nefnd)
c. Dómarinn og nokkur þýðingarmikil atriði í nútíma opinberu réttarfari
sérstaklega með tilliti til gæsluvarðhalds og annars sem í þess stað gæti komið.
í öllum nefndunum voru ályktanir samþykktar. Eftirtalin efni voru valin til
umræðu á þingi alþjóðasambandsins 1990:
a. Hvernig á að vernda dómara fyrir utanaðkomandi pólitískum, fjárhagsleg-
um og félagslegum áhrifum og ofbeldi, með sérstöku tilliti til þeirrar virðingar
sem dómstörf og þjófélagsleg staða dómara eiga að njóta? (fyrsta nefnd)
b. Fullnusta dóma. (önnur nefnd)
c. Hraðari meðferð opinberra mála: meðferðin nú og framtíðarmöguleikar.
(þriðja nefnd)
Samþykkt var umsókn Dómarafélags Kanada um aðild að Alþjóðasambandi
dómara. Kanadískir dómarar höfðu átt áheyrnarfulltrúa á dómaraþingunum í
Dyflinni og Berlín.
Á hinum eiginlega aðalfundi Alþjóðasambands dómara var samþykkt að
breyta lögum samtakanna þannig að við 12. gr. þeirra bættist eftirfarandi:
„Svæðissamstarf. Stjórnin getur tilnefnt einn af varaforsetunum til þess að
taka þátt í samstarfi við alþjóðsamtök sem komið verður á fót á ákveðnum
svæðum og til þess að samræma sérstök áhugamál aðildarfélaga á þessum
svæðum.
Varaforsetinn skal starfa að þessum málum með forsetanum og skrifstofu
samtakanna. Skýrslu um þessa starfsemi á að gefa fulltrúaráðinu (Central
Counsil).“
4. Finnsku þátttakendurnir skýrðu frá því að Dómarafélag Finnlands byði til
268