Tímarit lögfræðinga - 01.09.1995, Qupperneq 46

AÐALFUNDUR LÖGFRÆÐINGAFÉLAGS ÍSLANDS 1994
Aðalfundur Lögfræðingafélags íslands var haldinn í stofu 102 í Lögbergi,
Háskóla Islands miðvikudaginn 26. október 1994 kl. 19:30.
A dagskrá voru aðalfundarstörf samkvæmt félagslögum. A fundinum lágu
frammi: skýrsla stjórnar, reikningar félagsins og reikningar Tímarits lögfræð-
inga. Formaður félagsins Gunnlaugur Claessen, hæstaréttardómari setti fund-
inn. Fundarstjóri var kosinn Þórunn Guðmundsdóttir, hrl., og Ingvar J. Rögn-
valdsson, skrifstofustjóri var tilnefndur fundarritari.
Dagskrá fundarins var með hefðbundnum hætti samkvæmt samþykktum
félagsins og verður hér getið þess helsta.
Formaður félagsins flutti skýrslu fráfarandi stjórnar og vísast til efnis hennar
á öðrum stað hér í tímaritinu. Rétt er þó drepa á nokkur atriði í framsögu for-
manns. Fræðafundir voru níu talsins. Aðsókn var viðunandi og góð á stundum.
Kjölfestan í hópi fyrirlesara voru lögmenn, dómarar og háskólakennarar. Breyt-
ing hafði þó orðið á vali fundarefna og var sjöundi fundurinn nýbreytni, þ.e. Jón
St. Gunnlaugsson, hrl. flutti sjálfvalið efni sem hann nefndi „Dagur í lífi lög-
manns“. Leitað var og víðar að frummælendum, þannig var leitað út fyrir raðir
félagsmanna og var tilkvaddur Vilhjálmur Arnason, dósent.
Formaður vék nokkrum orðum að málþingi félagsins og taldi að enginn vafi hafi
leikið á því að efni þess hafði næga skírskotun. Framsöguerindi voru vönduð og
undirbúningur góður. Farin vai' fjölskylduferð í Viðey undir leiðsögn Sigurðar
Líndal. Þátttakendur voru 45 og tókst ferðin hið besta enda hið fegursta veður.
Formaður vék síðan að rekstri félagsins. Nýr framkvæmdastjóri hóf störf í
byrjun starfsársins, Helga Jónsdóttir lögfræðingur, og þakkaði formaður henni
góð störf, en hún hefði sagt starfi sínu lausu frá 1. janúar 1995 og hefði þetta
verið stutt lota en snörp.
Tímarit lögfræðinga væri gefið út í hefðbundnu formi og væri fjárhagur góð-
ur. Kristín Briem, hdl. hefði verið framkvæmdastjóri á starfsárinu, en starfið
væri annasamt og umsvif mikil, t.a.m. hefði orðið að flytja lager tímaritsins
einn ganginn enn. Ritstjórum tímaritsins þeim Friðgeiri Björnssyni, dómstjóra
og Steingrími Gauti Kristjánssyni, héraðsdómara voru þökkuð vel unnin störf.
Friðgeir annast nú einn ritstjórn, en Steingrímur hafði óskað lausnar á árinu.
Formaður vék síðan að útgáfu Lögfræðingatalsins, en IV. bindið væri í
vinnslu og stefnt væri að útgáfu þess á næsta ári.
Varðandi samstarf við félög á Norðurlöndum væri það helst að framkvæmda-
stjóri félagsins hefði sótt aðalfund samtaka systurfélaganna.
Fundarstjóri gaf síðan orðið laust til gjaldkera félagsins og framkvæmdastjóra
tímaritsins.
Endurskoðaðir ársreikningar félagsins voru skýrðir af gjaldkera Sigríði Ingvars-
dóttur, héraðsdómara. Tekjur alls voru kr. 3.176.953, gjöld alls kr. 2.496.622 og
hagnaður kr. 680.331, en eigið fé félagsins í lok reikningsárs þ.e. pr. 30. sept-
ember 1994 kr. 6.190.874.
232