Tímarit lögfræðinga - 01.06.2004, Page 52

H 1981 1390 (Ford Taunus)
Bifreið var á bifreiðasölu auðkennd þannig að hún væri með nýrri vél sem kaupandi
skildi þannig að vélin væri nýupptekin eða skiptivél. Skoðun bifreiðarinnar á verk-
stæði eftir kaup leiddi í ljós að vélin var „algerlega útkeyrð". Upplýst var að viðgerð
hafði verið framkvæmd á vélinni áður en bifreiðin var seld en sú viðgerð var svo
ófullkomin að engin trygging var fyrir því að hún dygði til langframa. Var talið að
vélin hefði verið stórgölluð við söluna miðað við þá eiginleika sem af hálfu seljanda
var ábyrgst að hún hefði og var seljandi talinn ábyrgur gagnvart kaupanda vegna
tjóns hans af þessurn sökum.
H 1988 1477 (Chevrolet Chevy)
Bifreið var seld í desember 1984 og í afsali sagði að seljandi ábyrgðist að bifreiðin
væri veðlaus og að „vél og kassi sé í lagi“. I byrjun janúar 1985 bilaði gírkassinn.
Kaupandi krafði seljanda um greiðslu viðgerðarkostnaðar og byggði mál sitt á því að
yfirlýsing seljanda í afsalinu hefði verið ábyrgðaryfirlýsing. Seljandi studdi sýknu-
kröfu sína þeim rökum að ástæður bilunarinnar hefðu verið slæmt aksturslag kaup-
anda, en enginn galli hefði verið á sjálfskiptingunni eða óeðlilegt slit. Hæstiréttur
staðfesti héraðsdóm og taldi að seljandinn hefði ekki leitt í ljós neitt það sem leysti
hann undan ábyrgð eftir yfirlýsingu þeirri sem hann gaf í afsalinu.
Samhljóða ákvæði er í 2. málsl. 3. mgr. 18. gr. nkpl. Þar kemur fram að
seljandi beri einnig ábyrgð á galla þegar seljandi hefur með ábyrgðaryfirlýsingu
eða öðrum hætti ábyrgst að hluturinn hafi tiltekna eiginleika eða að hlut megi
nota með venjulegum eða sérstökum hætti tiltekinn tíma eftir afhendingu. I 3.
málsl. 3. mgr. 18. gr. nkpl. segir að ábyrgðaryfirlýsing sé bindandi fyrir yfirlýs-
ingargjafann með þeim skilyrðum sem fram koma í ábyrgðaryfirlýsingunni og
í auglýsingum tengdum henni. Sambærilegt ákvæði og 3. málsl. 3. mgr. 18. gr.
er ekki í kpl., en ákvæðið er í samræmi við 1. mgr. 16. gr. Evróputilskipunar um
neytendakaup. Samkvæmt 2. málsl. 2. mgr. 20. gr. fkpl. ber seljandi í fasteigna-
kaupum ábyrgð á göllum sem koma í ljós eftir það tímamark sem miðað er við
í 1. mgr. 20. gr. ef seljandi hefur með ábyrgðaryfirlýsingu eða öðrum hætti
tekist á hendur ábyrgð á eiginleikum eða öðrum kostum fasteignar í tiltekinn
tíma.74
6.3.4 Sex mánaða regla í neytendakaupum
Þriðja tilvikið er að finna í 2. mgr. 18. gr. nkpl. Þar er regla sem ekki á sér
hliðstæðu í kpl. en byggir á 3. mgr. 5. gr. Evróputilskipunar um neytendakaup.
Segir í ákvæðinu að sannist annað ekki skuli galli sem upp kemur innan sex
mánaða frá því tímamarki þegar áhættan af söluhlut fluttist yfir til neytanda
talinn hafa verið til staðar á því tímamarki þegar áhættan af söluhlut fluttist yfir
til neytanda. Þetta gildir þó ekki þegar telja verður að það geti ekki á nokkum
hátt samrýmst eðli gallans eða vörunnar.
74 Um skýringu þessa ákvæðis fkpl. sjá Alþt. 2001-2002, A-deild, bls. 1465.
236