Tímarit lögfræðinga - 01.06.2004, Side 98

að skoða heildstætt inn á hvaða heimasíður ótiltekinn fjöldi starfsmanna fer eða
hvort heimasíðuheimsóknir ákveðins starfsmanns eru skoðaðar sérstaklega. I
ákvörðun Registertilsynets (sem var forveri Datatilsynets) frá 29. mars 1999
var skólayfirvöldum talið heimilt að fylgjast með intemetnotkun nemenda
vegna gruns um brot á tilteknum reglum skólans, en reglumar bönnuðu söfnun
á ólöglegu efni á borð við klám, efni tengdu kynþáttafordómum o.fl. Þannig er
litið svo á í dönskum rétti að skoðun atvinnurekanda á heimasíðuheimsóknum
einstakra starfsmanna geti verið leyfileg leiki grunur á því að starfsmaður fari
ekki eftir þeim reglum um intemetnotkun sem gilda á vinnustaðnum. Þó verður
að telja að um veruleg eða kerfisbundin brot starfsmanns þurfi að vera að ræða
svo að eftiiiitið verði talið heimilt.26
6. SÍTENGING STARFSMANNA VIÐ TÖLVURITA
Hér er átt við nákvæma rafræna tölvuskráningu þar sem starfsmenn eru
sítengdir tölvurita sem færir inn hvert viðvik í störfum þeirra, jafnvel í
afkastahvetjandi tilgangi. Þess háttar sítenging á sér t.d. oft stað í frystihúsum
þar sem teljari telur hve mörgum fiskum viðkomandi starfsmaður afkastar á
hverjum tíma. A öðrum vinnustöðum er t.d. fylgst með því hve starfsmaður slær
oft á lyklaborð tölvu sinnar eða hve mörg símtöl hann afgreiðir á hverjum tíma.
í áliti Persónuverndar frá 7. maí 2002, í máli nr. 2001/808, var talið að
notkun ökusírita í bifreiðum Landssímans hf. hefði verið heimil með vísan til
7. og 8. gr. laga um persónuvernd og meðferð persónuupplýsinga.
Málavextir voru þeir að Landssíminn hf. fór af stað með eins árs tilraunaverkefni
um notkun ökusírita í bifreiðum fyrirtækisins. Þannig voru ökusíritar settir í tuttugu
bifreiðar en aðrar tuttugu bifreiðar sömu tegundar voru hafðar án ökusírita. Upp-
gefinn tilgangur tilraunaverkefnisins var sá að bera saman rekstrarkostnað bifreið-
anna með og án ökusírita. Þá voru uppgefin markmið rannsóknarinnar einnig þau
að fækka umferðaróhöppum og auka öryggi starfsmanna, lækka rekstrarkostnað
bifreiða og bæta ímynd fyrirtækisins með betra aksturslagi í umferðinni. Fram kom
í málinu að ökusíritinn væri með staðsetningarbúnað sem sýndi akstursleiðir en auk
þess væri hann með búnað sem sýndi ökuhraða, hröðun, hemlun, hraðan akstur í
beygjum og tíma sem bifreiðar væru í akstri. Upplýsingamar út síritunum væru svo
reglulega lesnar inn á tölvur.
í málinu kom fram að kynningarfundur hafði verið haldinn með þeim starfs-
mönnum Landssímans hf. sem fengu umræddar bifreiðar til umráða, þar sem skýrð
voru markmið og framkvæmd verkefnisins.
í áliti Persónuvemdar segir að tilgangurinn með því rafræna eftirliti sem hér um
ræðir, þ.e. hagræðing í rekstrarkostnaði, fækkun umferðaróhappa og aukið öryggi
starfsmanna, sé lögmætur og málefnalegur sbr. 2. tl. 7. gr. pvl. Þá segir að sá
26 Peter Blume og Jens Kristiunsen: Databeskyttelse pá arbejdsmarkedet. Kaupmannahöfn 2002,
bls. 120. Sjá og álit Datatilsynets varðandi fyrirtækið Tryg-Baltica.
282