Tímarit lögfræðinga - 01.06.2004, Síða 104

manna og sé því nauðsynlegt að fram fari mat á hagsmunum annars vegar
atvinnurekanda á því að vinnsla persónuupplýsinga eigi sér stað og hins vegar
á rétti starfsmanns til friðhelgi um einkamálefni sín.
Ljóst er að ákvæði 7. greinar persónuverndarlaganna um málefnaleg mark-
mið og yfirlýstan, skýran og málefnalegan tilgang verða að vera uppfyllt.
Þannig er óheimilt skv. 2. mgr. 7. gr. að vinna með persónuupplýsingar sé til-
gangurinn með vinnslunni annar og ósamrýmanlegur þeim tilgangi sem upp var
gefinn. í þessu sambandi verður einnig að nefna þá fræðslu- og upplýsinga-
skyldu sem á atvinnurekanda hvílir, að upplýsa m.a. um þann tilgang og þau
markmið sem hann hyggst ná með því að viðhafa rafrænt eftirlit á vinnustað, og
verður vinnsla persónuupplýsinga að rúmast innan þess yfirlýsta tilgangs sem
starfsmönnum hefur verið gert kunnugt um.
Telja verður eðlilegt að samráð sé haft á vinnustað við fulltrúa starfsmanna
eða starfsmenn sjálfa áður en rafrænt eftirlit er tekið upp, enda kemur fram í
leiðbeiningarreglum Persónuverndar um eftirlit vinnuveitenda með tölvupósts-
og netnotkun starfsmanna að starfsfólki skuli gefinn 15 daga frestur til að koma
athugasemdum á framfæri. Þótt umræddar leiðbeiningarreglur taki samkvæmt
efni sínu einungis til vinnslu upplýsinga um tölvupóst og netnotkun verður að
telja þessar reglur veita leiðbeiningar um hvernig standa skuli að annars konar
rafrænni vinnslu persónuupplýsinga um starfsmenn. Þá segja ákvæði laga um
trúnaðarmenn og öryggistrúnaðarmenn fyrir um þátttöku þeirra í fyrirhuguðum
breytingum sem áhrif geta haft á starfsaðstæður í fyrirtækjum.
Að endingu má segja að vafi geti leikið á því hvort það markmið eitt og sér
að auka afköst starfsmanna sé „málefnalegt" markmið og vísast í því sambandi
sérstaklega til umfjöllunar um eftirlit með tölvupósts- og intemetnotkun og með
eftirlitsmyndavélum, þar sem öryggis- og almannahagsmunir eru allt að því hið
eina sem sýnist réttlæta slíka vöktun.
HEIMILDIR:
Andersen, Lars Svennig: Funktionærret. 2. útg. Jurist- og 0konomforbundets
forlag. Kaupmannahöfn 1998.
Blume. Peter og Kristiansen, Jens: Databeskyttelse pá arbejdsmarkedet. Jurist-
og 0konomforbundets Forlag. Kaupmannahöfn 2002.
Guðbjörg Linda Rafnsdóttir: Hér liggur flskur undir steini. Um vinnuumhverfi
og líðan starfsfólks í fiskvinnslu. Sjávarútvegsstofnun Háskóla Islands.
Reykjavík 2000.
Lára V. Júlíusdóttir: Stéttarfélög og vinnudeilur. Alþýðusamband Islands. Reykja-
vík 1995.
Nielsen, Ruth: Persondata og arbejdsgiverens ledelsesret. Julebog. Jurist- og
0konomforbundets Forlag. Kaupmannahöfn 2000.
Opinion 8/2001 on the processing of personal data in the employment context.
Article 29 - Data Protection Working Party. 5062/01/EN/Final WP 48. Evrópu-
sambandið 2001.
288