Ægir - 01.03.1996, Síða 18

mundir og lætur ekki vel af því en segir
fátt til ráöa.
„Það væri auðvelt að leysa þessi mál
með því setja lög um hámarksleiguverð,
t.d. 30-40 krónur og selja allan kvóta á
einum stað. En það má ekki þó megi setja
lög um flest annað. Frekar vilja sjó-
mannasamtökin og útgerðarmenn sitja
vikum saman á fundum og rífast um
þessi mál og það kemur ekkert út úr því.
Ekki nokkur skapaður hlutur.
Ég þakka Guði fyrir meðan hægt er að
fá kvóta leigðan því um leið og það hætt-
ir þá erum við bátamenn í vandræðum."
Aðalsteinn segir að það séu togaraút-
gerðir sem leigi frá sér kvóta og sendi
skipin á veiðar utan landhelgi og utan
kvóta. Bátar eins og Hringur hafi ekki að-
stöðu né búnað til þess að sækja í teg-
undir utan landhelgi og fátt sé um væn-
legar tegundir sem ekki er kvóti á.
„Keilan var fljót að urgast upp. Það er
stutt síðan að hægt var að sækja á línuna
30 til 40 tonn í róðri af keilu og löngu
hérna austur með, en það er liðin tíð.
Þorskgengdin virðist vera miklu meiri
núna en undanfarin ár. Það er enginn
vafi á því en það er heldur enginn vafi á
því að aðrar tegundir en þorskur eru í
stórri hættu og þab hefur verið sótt alltof
fast í þær."
Verið að útrýma úthafskarfanum
Aðalsteinn telur að óhætt hefði verið
ab bæta við í veiði 10-15 þúsund tonn-
um af þorski vegna aukinnar fiskgengdar
en átelur togara fyrir ofveiði á karfa.
„Það er til skammar fyrir togaramenn
hvernig er verið að útrýma úthafskarfan-
um með stórvirkum tækjum eins og
Gloríutrollinu. Þetta sjá allir og margir,
meira að segja togaramenn, hafa bent á
þetta en enginn hlustar.
Verst er að fiskifræðingar hlusta ekki á
aðvaranir sjómanna heldur virðast taka
meira mark á veiðarfærasérfræðingum
sem eru með stjörnur í augunum yfir
þessu frábæra veiðarfæri."
Annars segir Aðalsteinn að fiskifræð-
ingar hafi traust sitt á mörgum svibum
og segir að Jakob Jakobsson sé merkasti
fiskifræbingur í heimi. Sjómenn og fiski-
fræðingar hafa deilt um þær vísbending-
ar sem felast í aukinni þorskgengd en
Hafrannsóknastofnunin hefur ekki talið
ástæðu til að endurskoöa leyfilega veiði.
„Það er siæmt ef kerfiö er svo ósveigj-
anlegt að aldrei megi breyta neinu en það
er sjálfsagt að láta þorskinn njóta vafans.
Það er öllum til góbs ab stofninn vaxi. En
það má samt ekki ganga algjörlega frá
hinum stofnunum á meban. Þá endum
við í verri málum.
Ég óttast að það sé ekki horft á heildar-
myndina heldur of mikið á friðun ein-
stakra tegunda.
En það er ekki von á góðu þegar allir
þykjast hafa vit á sjávarútvegi og sjó-
menn eru aldrei þátttakendur í umræð-
unni. Það eru alls konar spekingar ab tala
um kvótasvindl og kvótabrask en sjó-
menn eru aldrei spurbir.
Það eru auðvitað vafasamir menn í
hópi sjómanna og útgeröarmanna en
það er í öllum greinum."
Hvað er þetta kvótabrask
Afli Hrings er lagður upp hjá eigin
verkun í Hafnarfirði. Hvernig eru samn-
ingarnir við sjómennina?
„Við borgum 75 krónur fyrir kilóið af
þorski. Með því að leigja kvótann þá
stendur þaö í járnum."
Má þá segja að þínir sjómenn taki þátt
i kvótakaupum?
„Nei, þeir gera þab ekki en gera það
samt. Þab má segja að öll útgjöld útgerð-
arinnar komi niður á afkomu áhafnar-
innar. Ég skil ekki þetta orð; kvótabrask.
Okkar verð er þaö sem algengt er, hvorki
lægra né hærra en almennt er. Þab eru
alls konar verð í gangi."
18 ÆGIR