Ægir - 01.03.1996, Page 30

vísitalan lægri en áður. Vísitala veiöi-
stofns hefur sveiflast talsvert en þó
fariö lækkandi yfir tímabilið í heild og
var lægst síðustu 2 ár (12. mynd). Út-
breiðslusvæði blálöngu er aö stórum
hluta utan athafnasvæðis stofnmæl-
ingarinnar. Því ber að túlka stofnvísi-
tölur með varúð.
Keila
Ungfiskavísitala keilu hækkaði mik-
ið fyrstu 5 ár stofnmælingarinnar en
hefur lækkað um nálægt helming síð-
an. Vísitala veiðistofnsins var fremur
há fyrstu árin en hefur verið mun lægri
síðustu árin (13. mynd). Þróun stofns-
ins hefur því verið fremur neikvæð í
heild.
Skarkoli
Ungfiskavísitala skarkola var óvenju
há árið 1985 en hefur verið tiltölulega
jöfn síðan. Síðustu fimm árin hefur
vísitalan þó verið heldur vaxandi.
Vísitala veiðistofnsins var og há fyrstu
tvö árin en hefur lækkað stöðugt á
rannsóknatímanum og ekki verið
lægri en árið 1995 (13. mynd).
Þykkvalúra
Ungfiskavísitala þykkvalúru hefur
verið tiltölulega stöðug og ekki um
vaxandi eða minnkandi tilhneigingu
að ræða. Vísitala veiðistofns hefur á
hinn bóginn lækkað verulega þegar
horft er á tímabiliö í heild (13. mynd).
Langlúra
Ungfiskavísitala langlúru var mjög
há fyrsta árið og heldur hærri fyrstu
árin en verið hefur síðan 1990. Vísi-
tala veiðistofns hefur sveiflast nokk-
uð en farið lækkandi síðustu árin
(14. mynd).
Stórkjafta
Ungfiskavísitala stórkjöftu var til-
tölulega há fyrstu 5 til 6 ár tímabilsins
en lækkaði síðan samfellt og hefur
verið mjög lág síðustu 2 ár. Vísitala
veiðistofns hefur þróast með hliðstæð-
um hætti, en þó ekki lækkað eins mik-
ið á síðustu árum og nýliðunarvísital-
an (14. mynd).
Sandkoli
Ungfiskavísitala sandkola reyndist
allbreytileg fyrstu 3 árin, en hefur ver-
ið minni breytingum undirorpin síð-
an. Vísitalan hefur þó hækkað nokk-
uð síöustu árin. Vísitala veiðistofns
var einnig breytileg fyrstu árin en hef-
ur verið tiltölulega jöfn síðan (14.
mynd).
Skrápflúra
Ungfiskavísitala skrápflúru var
fremur jöfn fyrri helming rann-
sóknatímans en fór síðan hækkandi
allt til ársins 1994. Vísitala veiði-
stofns hefur á hinn bóginn verið til-
tölulega svipuð allt tímabilið (14.
mynd). SMB-vísitala stofnsins lækk-
aöi heldur 1995 miðað við árið 1994,
eða úr 78 þús. tonn í 70 þús. tonn
(10.3%), eftir samfelldan vöxt stofns-
ins frá 1989.
Hrognkelsi
Stofnvísitala grásleppu var tiltölu-
lega jöfn fyrstu sex ár rannsóknatím-
ans en hefur verið talsvert lægri og
breytilegri síðustu ár. Vísitala rauð-
maga hefur sveiflast mun meira allt
tímabilið án sérstakrar tilhneigingar á
einn eða annan veg (15. mynd).
Tindaskata
Ungfiskavísitala tindaskötu hefur
verið tiltölulega há síðustu 2 árin. í
heild hefur vísitalan hækkað á rann-
sóknatímabilinu. Vísitala „veiði-
stofns" (>30 cm) hefur sveiflast nokk-
uð en sýnir þó ekki miklar breytingar
þegar á tímabilið í heild er litið (15.
mynd). □
13. mynd. Stofnvísitölur keilu, skarkola og
þykkvalúni í stofnmœlingu botnfiska 1985-
1995.
14. mynd. Stofnvísitölur langlúru, stór-
kjöftu og sandkola í stofnmœlingu botn-
fiska 1985-1995.
15. mynd. Stofnvísitölur skrápflúni, brogn-
kelsis og tindaskötu í stofnmœlingu botn-
fiska 1985-1995.
30 ÆGIR