Ægir - 01.05.1997, Qupperneq 21

bátum árið 1995 og hafði fækkað um
39 báta milli ára. Hins vegar fækkaði
opnum bátum á skrá Siglingastofnunar
ekki nema um 19, voru 1.553 árið
1995, en urðu 1.534 árið 1996 og
höfðu verið 1.639 árið 1994.
Fjöldi skipa segir nokkra sögu en
stærð skipa skiptir verulegu máli. Af
þeim 800 skipum, sem skráð voru um
síðustu áramót, var 121 togari eða um
15% af fjölda skipa í flotanum og hafði
togurum fjölgað um 7 frá síðasta ári.
Mesti fjöldinn er í minnsta flokknum
þ.e. undir 12 rúmlestum en þeir eru
310 talsins eða um 39% af heildarfjöld-
anum og hafði þessum bátum fækkað
um 31 frá fyrra ári. Bátar á bilinu 13 til
50 rúmlestir að stærð eru nú 123, en
voru 121 á síðasta ári. Tveir hafa því
bæst við. Bátar á bilinu 51 til 200
rúmlestir em 162 i ár en voru 166 á sí-
öasta ári. Skip, önnur en togarar 200
rúmlesta og stærri em 84 nú en voru
83 í fyrra og fjölgaði um þrjú skip í yfir
500 rúmlesta flokki en fækkaði um tvö
í flokknum 201 til 500 rúmlestir. Al-
mennt má segja að hreyfingin sé í
stóru skipunum og togurunum og svo
aftur í smábátunum.
Fiskiskipaflotinn hefur bæði stækk-
að í brl. og eins hefur afl aðalvéla auk-
ist frá síðasta ári. Eins og áöur sagði em
fiskiskipin nú mæld 130.944 brl. , en
var 123.367 brl. á síðasta ári, er þetta
aukning um 7.577 brl. eða um 6% . Afl
aðalvéla er mælt í kílówöttum og var
heildarafl íslenskra fiskiskipa 432.701
kw um síðustu áramót og hafði aukist
um 17.362 kw eða um 4%. Það er ljóst
að fiskiskipaflotinn hefur aldrei verið
stærri mældur í brúttórúmlestum og
öflugri mældur í kílówöttum.
Meðalaldur fiskiskipaflotans hefur
hækkað um eitt ár og er nú 19,3 ár í
stað 18,3 ár á síðasta ári og jafnframt
er meðalsmíðaár flotans 1977. Þá er
miðtala flotans sú sama, þ.e 1977. Til
útskýringar á hvað miðtala þýðir, þá
eru jafnmörg skip smíðuð fyrir og eftir
1977. Þetta þýðir að engin endurnýjun
hefur átt sér stað eða að skipin sem
komu inn á skrána vom gömul, þ.e.
álíka gömul og þau sem fóru út á móti.
ægir 21