Ægir - 01.02.1999, Blaðsíða 33

SAMLEIÐ MEÐ ÍSLENSKUM SJÁVARÚTVEGI
stuttnefshrygnu á Suðausturmiðum og
í ágúst veiddi Hrafn Sveinbjarnarson
GK stuttnef á 769-1153 m dýpi vestan
Víkuráls. Er það sennilega lengsti fisk-
ur þessarar tegundar sem veiðst hefur
á íslandsmiðum. Hann mældist 138
cm.
Norræna gulldepla (Maumlicus muelleri)
í janúar veiddi Hrafn Sveinbjarnarson
eina 6,5 cm langa norræna gulldeplu í
botnvörpu á 458-750 m dýpi suður af
Vestmannaeyjum.
Þráðskeggur (Melanostomias bartonbeani)
Um miðjan apríl veiddist 26 cm þráð-
skeggur í flotvörpu á 659-677 m dýpi
vestan við Reykjaneshrygg. Annar 26
cm veiddist í desember á 824 m dýpi í
Grænlandshafi vestur af Reykjanesi
Togarinn Snorri Sturluson RE veiddi
báða þessa fiska.
Alls munu hafa veiðst 7 fiskar þess-
arar tegundar á íslandsmiðum til þessa
og sá fyrsti árið 1991.
Uthafsangi (,,Maulisia"microlepis)
Rs Bjarni Sæmundsson RE. veiddi í
maí einn 13 cm langan úthafsanga í
flotvörpu á 650 m dýpi í utanverðu
Grindavíkurdjúpi.
Fagurserkur (Beryx splendens)
Tveir slíkir veiddust í byrjun apríl í
flotvörpu á 403 m dýpi suðvestur af
Reykjanesi
Þeir voru 23,5 og 35 cm langir. Þá
veiddist einn í júní 27,5 cm langur í
flotvörpu á 549 m dýpi rétt við 200
sjómílna mörkin vestan við Reykja-
neshrygg. Togarinn Snorri Sturluson
RE veiddi alla þessa fiska. Loks veidd-
ist einn 49 cm langur í ágúst í botn-
vörpu Brettings NS sunnan við Litla-
djúp.
Marsilfri (Diretmus argentus)
Snorri Sturluson RE veiddi í apríl einn
marsilfri í flotvörpu á 732 m dýpi á
Reykjaneshrygg Hann var 2,5 cm.
langur.
Silfurbrami (Pteiycombus brama)
Fjórir silfurbramar veiddust á ár-
inu. í maí veiddist 47 cm silfurbrami
í flotvörpu Vigra RE á 550-730 m
dýpi á Reykjaneshrygg.
Hólmaborg SU veiddi einn í sept-
ember í kolmunnavörpu á 330 m
dýpi í Rósagarði. Sá var 39,5 cm
langur.
Tveir veiddust í október í kol-
munnaflotvörpu á Rósagarði. Þeir
voru 39 og 44,5 cm langir og var það
Bjarni Ólafsson AK sem veiddi þá.
Stóri földungur (Aiepisaurus ferox)
Tveir fiskar af tegundinni stóri föld-
ungur veiddust á árinu, einn 146 cm
langur í flotvörpu Snorra Sturlusonar í
apríl á 631 m dýpi á Reykjaneshrygg.
Annar 140 cm veiddist í lok sept-
ember í flotvörpu Höfrungs II AK á
586-695 m dýpi suðvestur af Faxa-
djúpi. Þá fréttist af nokkrum sem
japönsk túnfiskveiðiskip voru að veiða
á línu djúpt undan Suðurlandi.
Lýr (Pollachius pollachius)
í aprílbyrjun veiddi Snætindur ÁR
fjórtán ára gamla hrygnu af lýrateg-
und, 82 cm langa, 6,25 kg á þyngd og
alveg komna að hrygningu, í net á
110 metra dýpi á Selvogsbanka
Gapaldur (Eurypharynx pelecanoides)
Fyrri hluta árs veiddi Hrafn Svein-
bjarnarson GK einn 54,5 cm langan á
732-915 m dýpi vestan Víkuráls.
Hafáll (Conger conger)
í byrjun nóvember veiddist einn
hafáll, 122 cm langur, á línu út af
Grindavík.
Guðlax (Lampris guttatus)
Tveir guðlaxar veiddust í ágúst á ár-
inu, annar kom í botnvörpu Víðs EA
ál30-155 m dýpi í Skeiðarárdjúpi,130
cm og 46 kg.
Hinn vóg 28 kg og veiddist í botn-
vörpu Sunnutinds NS á Þórsbanka.
Þá veiddu japönsk veiðiskip all-
marga guðlaxa við túnfiskveiðar sínar
innan íslenskrar lögsögu sumarið og
haustið 1998.
Vogmær (Trachipterus arcticus)
í mars veiddi Hamar SH 107 cm vog-
mær í botnvörpu á 80 m dýpi út af
Patreksfirði
Önnur, 110 cm löng veiddist í apríl
í grásleppunet Þorleifs EA á 27m dýpi
austan Grímseyjar.
Þá rak eina á fjörur í Dynjandisvogi
í Arnarfirði í byrjun september. Hún
mældist 174 cm.
Loks veiddist ein í október í botn-
vörpu Snorra Sturlusonar út af Látra-
grunni. Hún var 146 cm.
Dökksilfri (Diretmoides parini)
Tveir dökksilfrar veiddust á árinu, í
maí veiddist einn 39 cm í botnvörpu
Gullvers NS á 455-475 m dýpi utan
við Papagrunn. Þá veiddi Snorri
Sturluson annan, 29 cm langan, í flot-
vörpu á 732 m dýpi og við 4°C vestan
við Reykjaneshrygg
Ennisfiskur (Piatyberyx opalescens)
Tveir ennisfiskar veiddust á árinu,
einn 22 cm langur veiddist í febrúar í
botnvörpu Brettings Ns í Rósagarði.
Annan, 25,5 cm langan, veiddi Snorri
Sturluson RE í apríl á 631 m dýpi í
flotvörpu á Reykjaneshrygg.
Kistufiskur (Scopelogadus beanii)
Einn kistufiskur veiddist í apríl á 631
m dýpi í fiotvörpu Snorra Sturlusonar
-----------------------AGIR 33