Ægir - 01.02.1999, Blaðsíða 35

SAMLEIÐ MEÐ ÍSLENSKUM SJÁVARÚTVEGI
kenni stóra sogfisks nema stærðin var
miklu meiri en þekkst hefur hingað til
á fiskum þessarar tegundar.
Tunglfiskur (Mola mola)
í júlílok fannst 60 cm og tæplega 16
kg tunglfiskur í Stokkseyrarhöfn.
Síðar á árinu barst okkur í hendur
98 cm tunglfiskur og um 25 kg þungur
sem Guðbjörg ÍS hafði veitt í rækju-
vörpu á 311 m dýpi á Flæmingja-
grunni í október.
Lúsífer (Himantolophus groenlandictis)
í febrúar veiddist 30 cm lúsífer í botn-
vörpu á 641 m dýpi á Reykjaneshrygg
og í apríl veiddust fjórir 21,5 til 37 cm
langir í flotvörpu á 732 m dýpi á eða
vestan við Reykjaneshrygg.
Snorri Sturluson RE veiddi þessa
fiska.
í maí veiddi Snætindur ÁR einn 40
cm langan í humarvörpu á 165-183 m
dýpi í Skeiðarárdjúpi og í júní og júlí
veiddust sjö 21-40 cm langir í flot-
vörpu Snorra Surlusonar á 732-860 m
dýpi SV af Reykjanesi. í október veiddi
Snorri Sturluson einnig tvo 27 og 43
cm langa í flotvörpu á 824 m dýpi
vestur af Jökli.
Litli lúsífer (Himantolophus nmitli)
í apríl veiddist einn 24 cm langur og í
júní annar 24,5 cm á 732 m dýpi á
Reykjaneshrygg. í júlí veiddist einn 16
cm langur á 732 m dýpi vestan við
Reykjaneshrygg. Togarinn Snorri
Sturluson RE veiddi alla þessa fiska í
flotvörpu.
Ymir (Himantolophus melanophus)
í júní veiddist einn 22 cm langur í
flotvörpu Snorra Sturiusonar RE rétt
við 200 sjómílna mörkin á Reykjanes-
hrygg Þetta mun vera annar fiskur
þessarar tegundar sem veiðist á Is-
landsmiðum. Sá fyrsti fannst í júlí árið
1995 á grálúðuslóð vestan Víkuráls.
Drekahyrna (Chaenophryne draco)
í janúar veiddi Hrafn Sveinbjarnarson
GK eina 13 cm langa drekahyrnu í
botnvörpu á 549-796 m dýpi sunnan
Vestmannaeyja.
í apríl veiddust fimm 10-13 cm
langar í flotvörpu Snorra Sturlusonar
RE á 732 m dýpi og vestan við Reykja-
neshrygg og aftur fimm 10-13,5 cm
langar vestan Reykjaneshryggs í júní.
Slétthyrna (Chaenophryne longiceps)
í apríl veiddi Snorri Sturluson RE tvær
12 og 15,5 cm slétthyrnur í flotvörpu
á 732 m dýpi á og vestan við Reykja-
neshrygg
Svarthyrna (Oneirodes eschrichtii)
Ein svarthyrna veiddist í apríl í flot-
vörpu Snorra Sturlusonar RE á 732 m
dýpi vestan við Reykjanes. Lengd 15,5
cm.
Sædjöfull (Ceratias holboelli)
í febrúar veiddi Breki VE einn 43 cm
langan Sædjöful í botnvörpu á 640-
730 metra dýpi á Reykjaneshrygg.
í apríl veiddust sex 22-108 cm lang-
ir í flotvörpu á 732 m dýpi vestan við
Reykjaneshrygg og í júní veiddust þrír
í flotvörpu á 732 m dýpi vestan við
Reykjaneshrygg. Þeir voru 44, 64 og
86 cm langir. Loks veiddist einn 64 cm
að sporði í október vestur af Látra-
grunni. Alla þessa fiska veiddi Snorri
Sturluson RE.
Surtur (Cryptopsaras couesi)
Hrafn Sveinbjarnarson Gk veiddi tvo
18 og 29 cm langa surti í janúar í
botnvörpu á 458-750 m dýpi sunnan
Vestmannaeyja.
Surtla (Linophryne lucifer)
Tvær 19 og 23 cm langar surtlur
veiddust í apríl í á 732 m dýpi á og
vestan við Reykjaneshrygg og ein 17
cm í júní vestan við Reykjaneshrygg.
Allar veiddust þær í flotvörpu Snorra
Sturlusonar RE.
Auk framangreindra fisktegunda
veiddist slangur af öðrum tegundum,
ekki eins sjaldséðum en engu að síður
athyglisverðum. Þetta eru tegundirnar
Gíslaháfur (Apristurus laurussonii), Jensens-
háfur (Galeus murinus), rauðháfur
(Centrophorus squamosus), svartháfur
(Centroscyllium fabricii), Þorsteinsháfur
(Centroscymnus crepidater), loðháfur, (Et-
mopterus spinax), pólskata (Raja fyllae), ber-
haus (Alepocephalus agassizii), gjölnir (Al-
epocephalus bairdii), bersnati (Xenodermicht-
hys copei), græðisangi (Holtbymia anomala),
marangi (Holtbyrnia macrops), Njarðarangi
(Maulisia mauli), sæangi (Normichthys operos-
us), ránarangi (Sagamichthys schnakenbecki),
Bretahveðnir
(Scliedopliilits medusophagus)
Alls voru mældir 37 bretahveðnar
á tímabilinu frá apríl til desember og
fréttist af fleirum. Þessir fiskar voru
31-50 cm á lengd og veiddust flestir
á svæðinu frá norðanverðum Rósa-
garði vestur með suðurströndinni í
Grindavíkurdjúp. Einnig veiddist
bretahveðnir vestan við Reykjanes
og vestan Látragrunns. Sá lengsti
þeirra, sem mældist 50 cm, mun vera
sá lengsti sem hér hefur veiðst.
Þau skip sem veiddu þessa fiska
voru rs. Árni Friðriksson RE, Gull-
ver NS, Hólmaborg SU, Hrafn
Sveinbjarnarson GK, Sléttanes ÍS og
Snorri Sturluson RE.
Það má því segja að árið 1998 hafi
verið mikið bretahveðnisár á ís-
landsmiðum en ekki er vitað til þess
að svo margir hafi veiðst hér á einu
ári. Þetta virðist vera meiri afli en
veiðst hefur hér frá því að hann
fannst fyrst árið árið 1905 og fram til
ársins 1998.
Mm 35