Árbók Háskóla Íslands - 01.01.1929, Page 16

14
einna helzt draga úr aðsókninni að embættadeildunum,
en veita straumi menntamanna inn í aðrar stéttir, er
þarfnast þess á margan hátt, að völ sé vel menntaðra
manna.
t*á er nefndin hafði lokið störfum sinum, var málinu
aftur skotið til almenns kennarafundar í háskólanum, en
þar voru eftir nokkrar umræður samþykktar eftirfarandi
tillögur:
1. að stofna sérstakan gagnfræðaskóla í Reykjavík, og skyldi
Menntaskólanum samtímis breytt i samfelldan lærðan
skóla.
2. að takmarka svo aðgang að embættadeildum háskólans,
að ekki fái fleiri aðgang en sþarfir þjóðfélagsins leyfa«.
3. að stofna verzlunardeild og kennaranámsskeið við há-
skólann, þannig að próf frá kennaradeild veiti aðgang
að kennslu og forstöðu fyrir barnaskólum og alþýðu-
skólum.
4. að háskólaráðið undirbúi lög um þetta undir þingið.
Samtimis kom fram beiðni frá nemendum lagadeildar um
tilsögn í bókhaldi.
Öllum þessum tillögum var nú skotið til háskólaráðs, en
spurningunni um takmörkun á inntöku i deildirnar til deild-
anna hverrar í sinu lagi.
Leitað var og þegar álits sérfræðinga um, hvað námsskeið
i bókfærslu myndi kosta, og voru það einar 400 kr., sem
það var talið að kosta. Samt taldi kennslumálaráðherra sér
ekki fært að svo stöddu að veita upphæð þessa, en var því
meðmæltur, að þetta kæmist á síðar með fleiri umbótum.
Svör deildanna við fyrirspurninni um takmörkun á að-
streymi stúdentanna að deildunum lágu fyrir háskólaráðs-
fundi 27. jan. og voru á þá leið, að guðfræðideild, lagadeild
og heimspekideild vildu enn sem komið var engar hömlur
hafa; en fjölsóttasta deildin, læknadeild, var meðmælt höml-
um með nánari skilyrðum.
Samþykkt var i háskólaráði (með 3 : 2) svohljóðandi breyt-
ing á 17. gr. háskólalaganna: