Árbók Háskóla Íslands - 01.01.1929, Blaðsíða 26

24
þar á spítala og kynnast ýmsum nýjungum Iæknisfræð-
innar. Auk þessa er boðið einum kennara læknadeildar
sem foringja fararinnar. Fór forseti fram á 200 kr. styrk
handa hverjum stúdent í farareyri og allt að 1500 kr. fyrir
kennarann. Tillaga kom fram um það, að verja 1 kandídata-
styrk, er falla myndi til læknadeildar — 2000 kr. — til þess
að styrkja þessa stúdenta til fararinnar og var hún sam-
þykkt. Enn fremur var samþykkt að veita 1500 kr. af óviss-
um útgjöldum þessa árs og næsta til utanfarar kennarans.
Boð til Kielar. Þá var á fundi 15. desbr. lagt fram bréf
frá forsætisráðherra, dags. 11. desbr., ásamt afriti af bréfi
frá Dr. h. c. Dr. Schifferer um vísinda- og listavikuna í Kiel
á komanda sumri. Málinu hafði verið skotið til háskóla-
deildanna, en heimspekideild ein bent á mann til fararinnar,
próf. Ágúst H. Bjarnason, og samþykkti háskólaráð að fela
honum förina.
Ferðastyrkur stúdenta til Kielarmótsins. Formaður
Iþróttafélags stúdenta sótti í bréfi, dags. 14. febr., um 1000
kr. styrk fyrir 10 manna sveit, sem ætlar að sýna íslenzka
glímu á fyrirhuguðu móti í Kiel. Yar samþykkt á fundi
2. apr. að veita þeim þessar 1000 af óvissum útgjöldum
Sáttmálasjóðs.
Stúdentaskifti við Þýzkaland. Á fundi 8. marz las rektor
bréf frá Níels P. Dungal dócent, dags. 26. febr., þar sem
farið er fram á, að háskólaráðið kjósi 3 menn í nefnd, helzt
háskólakennara, til þess að annast stúdentaskifti við þýzka-
land. Tilnefndir voru af háskólaráðsins hálfu þeir dr. Alex.
Jóhannesson og dócent Níels P. Dungal, en stúdentaráð til-
nefni þriðja mann.
Stúdentaskifti við háskólann í Leeds. Á fundi 2. apríl
skýrði próf. Sigurður Nordal frá, að háskólinn í Leeds á
Englandi byðist til að taka við íslenzkum stúdentum til