Árbók Háskóla Íslands - 01.01.1929, Page 29

27
starfsmenn stofnunarinnar fái þær aðstæður og nafnbætur,
sem þurfa þykir«. Samþykkt með 3 atkv. gegn 1.
Magnús Jónsson, próf. theol., bókar svolátandi ágreinings
atkvæði:
»Meðan ekki er ætlazt til þess, að við stofnun þessa fari
fram nein kennsla eða fyrirlestrar, tel ég hvorki stofnuninni
né háskólanum neitt gagn að sambandi, né neina ástæðu til
þess, að forstöðumaður hennar eða starfsmenn fái þann
íhlutunarrétt um málefni háskólans, sem þeir myndu fá með
því að hljóta réttindi prófessora og dócenta«.
Málalok þessi voru þvínæst tilkynnt forsætisráðherra með
bréfi dags. 3. sept., að þvi viðbættu, að þau frv. til laga og
aðrar þær framkvæmdir, sem gerðar kynnu að verða í málinu,
yrði lagt fyrir háskólaráð og viðkomandi deild til umsagnar
og álita (sbr. 9. og 12. gr. Reglugerðar fyrir Háskóla íslands).
Lffstíðarábúð á Halldórsstöðum. Á fundi 6. desbr. var
lagt fram bréf frá sýslumanni Þingeyinga, dags. 20. nóvbr.,
þar sem hann biður um úrskurð háskólaráðs á því, hvort
leiguliðar Halldórsstaða skuli fá erfðaábúð fyrir sig og sina
niðja, eins og þeir hafa farið fram á, eða aðeins lífstíðarábúð.
Háskólaráðið ákvað, að byggja jörðina núverandi leiguliðum
aðeins til Iífstiðar. Á fundi 2. nóv. hafði háskólaráðið ákveðið
að birta gjafabréfið fyrir Halldórsstöðum ásamt stuttu ágripi
af æfisögu gefandans (sbr. fundargerð 26. mars 1926).
Árbók háskólans 1926—1927. Á fundi 8. febr. 1929 til-
kynnti rektor, að enn væri nokkuð ósett af árbókinni frá því
háskólaári og stæði aðallega á reiknÍDgi Sáttmálasjóðs, sem
ritari hefði ekki getað lokið við. Rektor var falið að gera
gangskör að þvi, að árbók þessari verði lokið sem fyrst.
Á fundi 8. marz skýrði rektor frá, að enn væri ekki lokið
árbókinni, en von væri um bráða lausn á því máli.
Á fundi 13. april skýrði rektor frá þvi, að árbækurnar
1926—27 og 1927—28 væru nú fullbúnar og allir reikningar
gerðir fyrir 3 siðustu ár.