Árbók Háskóla Íslands - 31.12.1999, Side 69

Rannsóknir
Rannsóknir hafa haldið áfram að eflast við námsbrautina. Unnið er að rannsókn-
um á ýmsum sviðum sjúkraþjálfunar og tengdum sviðum, t.d. hreyfistjórn. stjórn-
un jafnvægis hjá öldruðum, lífaflafræði fóta, heilsu. þreki og hreyfingu almenn-
ings. högum hjartaskurðsjúklinga o.fl. Upplýsingar um rannsóknaverkefni ein-
stakra kennara má sjá á heimasíðu námsbrautarinnar, www.physio.hi.is
Kynningarstarfsemi
í samvinnu við Félag íslenskra sjúkraþjálfara var haldið málþing um menntunar-
mál sjúkraþjálfara í febrúar. Nemendur og kennarar unnu saman að því að kynna
námsbrautina á námskynningu í apríl. Á haustmánuðum tók hollvinafélag náms-
brautarinnar einnig þátt í sameiginlegri kynningu á öllum heilbrigðisgreinunum
ásamt hollvinafélögum hinna heilbrigðisgreinanna.
Annað
Um vorið flutti starfslið sig í kennslustofur á 2. hæð í húsnæði námsbrautarinnar
á meðan unnið var að því að endurbæta og breyta skrifstofum þess á 1. hæð. Þær
voru svo tilbúnar um það leyti sem kennsla hófst á ný og voru þessar fram-
kvæmdir til mikilla bóta.
Raunvísindadeild
Stjórn deildarinnar og almennt starf
Forseti raunvísindadeildar frá ársbyrjun og til upphafs haustmisseris var Jóhann
P. Malmquist en þá tók Gísli Már Gíslason við. Bragi Árnason tók við starfi vara-
forseta af Gísla Má á sama tíma.
Skorarformenn á árinu 1999
Stærðfræðiskor: Jón Ingólfur Magnússon uns Sven Þ. Sigurðsson tók við á haust-
misseri. Eðlisfræðiskon Ari Ólafsson uns Örn Helgason tók við á haustmisseri.
Efnafræðiskor: Baldur Símonarson. Líffræðiskon Þóra Ellen Þórhallsdóttir uns
Eva Benediktsdóttir tók við á haustmisseri. Jarð- og landfræðiskor: Áslaug Geirs-
dóttir. Tölvunarfræðiskor: Ebba Þóra Hvannberg uns Halldór Guðjónsson tók við á
haustmisseri. Matvælafræðiskor: Sigurjón Arason.
Starfsemi deildarinnar var með svipuðu sniði og síðasta ár. Eins og þá voru það
fjármálin sem tóku mestan tíma deildarráðs. Deildin var rekin á núlli á árinu með
miklu aðhaldi. Þá hefur skerfur deildarinnar af fjárveitingu til almennra tækja-
kaupa og ritakaupa verið skertur mikið.
Starfandi fastanefndir við deildina voru: fjármálanefnd. mats- og framgangsnefnd.
kennsluskrárnefnd. rannsóknanámsnefnd og vísindanefnd.
Með nýjum lögum um Háskóla íslands var tekin upp ný skipan í háskólaráð og
var Guðmundur G. Haraldsson kosinn fulltrúi raunvísindadeildar og verkfræði-
deildar í háskólaráði á sameiginlegum fundi þeirra 27. apríl. Á sama fundi var
Valdimar K. Jónsson kosinn fyrsti varafulltrúi og Gísli Már Gíslason annar vara-
fulltrúi deildanna í háskólaráði.
Á deildarfundi 13. október voru Bragi Árnason, Rögnvaldur Ólafsson og Gunn-
'augur Björnsson kosnir fulltrúar raunvísindadeildar á fyrsta háskólafundi.
Kennslumál
A deildarfundi 6. apríl voru samþykktar nýjar reglur um rannsóknanám við deild-
'na. samkvæmt tillögu nefndar. Boðið er upp á meistara- og doktorsnám við atlar
sjö skorirnar. Fyrstu doktorsnemarnir. fimm talsins, hófu nám við deildina haustið
1999.