Árbók Háskóla Íslands - 31.12.1999, Síða 136

Vatnaverkfræðistofa
Straumfræði vatnakerfa og hafs. umhverfisverkfræði og fráveitutækni eru meðal
rannsóknasviða vatnaverkfræðistofu. Stofan hefur m.a. unnið að bestun á hönnun
vatnsaflsvirkjana. Gerð hafa verið kort fyrir fimm ára úrkomu á öllu landinu, enn
fremur sérstök kort fyrir höfuðborgarsvæðið. Reykjanes og Suðurland. sérstak-
lega ætluð til notkunar við fráveituhönnun.
Þátttaka stofunnar í atþjóðlegu samstarfi er veruleg, haustið 1999 sá hún t.d. um
alþjóðlega ráðstefnu á íslandi um vatnafræði á norðurslóðum.
Ýmis verkefni
Meðal annarra verkefna sem unnið er að á Verkfræðistofnun eru rannsóknir á
efniseiginleikum samsetninga. titrings- og bilanagreining á vélum og burðarvirkj-
um, ásamt hönnun og svokallaðri erfðafræðilegri bestun. Árið 1996 var tekinn í
notkun álagsbúnaður til þess að mæla álag. bæði tog- og þanþol efna. en slíkt
tæki er mikilvægt við rannsóknir í efnisfræði. Á sviði Ijóstækni er tilraunaaðstaða
við stofnunina. Einnig eru stundaðar fræðilegar rannsóknir á sviði gæðastjórnun-
ar með tilliti til mismunandi atvinnuvega.
Viðskiptafræðistofnun
Almennt yfirlit og stjórn
Stjórn Viðskiptafræðistofnunar var þannig skipuð árið 1999: Runólfur Smári Stein-
þórsson dósent. formaður. Árni Vilhjálmsson prófessor. Esther Finnbogadóttir
stud.oecon. og Þráinn Eggertsson prófessor, meðstjórnendur. Forstöðumaður
stofnunarinnar er Kristján Jóhannsson lektor. Við Viðskiptafræðistofnun starfa
fastir kennarar viðskipta- og hagfræðideildar. stúdentar og sérfræðingar. Starfs-
menn þessir eru allir ráðnir á verkefnagrunni. Viðskiptafræðistofnun nýtur ekki
fastra styrkja eða fjárveitinga heldur starfar fyrir sjálfsaflafé.
Rannsóknir árið 1999
Viðskiptafræðistofnun tók þátt í víðtækri rannsókn á starfsskilyrðum smáfyrir-
tækja á íslandi og viðhorfi stjórnenda til mikilvægra málaflokka sem snerta rekst-
ur stíkra fyrirtækja. Verkefnið var samstarfsverkefni Viðskiptafræðistofnunar, Afl-
vaka hf.. Þjóðhagsstofnunar og viðskipta- og iðnaðarráðuneytis. Niðurstöðurnar
hafa verið gefnar út af Aflvaka hf. Kristján Jóhannsson lektor sá um þátt stofnun-
arinnar í þessu verkefni.
Viðskiptafræðistofnun Háskóla Islands vann að gerð viðamikillar viðskiptaáætlun-
ar fyrir Landssíma íslands hf. sumarið 1999. Á vegum stofnunarinnar unnu Run-
ólfur Smári Steinþórsson dósent og Ólafur Jónsson ráðgjafi frá Hugverki verkefn-
ið.
Útgáfustarfsemi
Eftirtalin rit voru gefin út 1999 af Viðskiptafræðistofnun og Bókaklúbbi atvinnulífs-
ins:
• Hlutabréfamarkaðurinn eftir Einar Guðbjartsson.
• Verkefnastjórnun eftir Trevor L. Young.
• Stjórnandinn og viðskiptaumhverfið eftir Leonard R. Sayles.
• Ávinningur viðskiptavinarins eftir Karl Albrecht.
• Greining ferla í fyrirtækjum eftir Eugene H. Melan.
• Starfsánægja eftir Ingunni Björk Vilhjálmsdóttur og Jóhönnu Gustavsdóttur.
Örverufræðistofa
Örverufræðistofa ertil húsa á 3. hæð í Ármúla 1A. en þangað flutti hún vorið 1990
úr Sigtúni 1. Þarna er rými fyrir verklega kennslu í örverufræðinámskeiðum.
bæði í framhaldsnámskeiðum og fjölmennum grunnnámskeiðum. en einnig er
hægt að kenna minni semínarhópum. Stúdentar af mörgum sviðum Háskóla ls-
lands sækja námskeið í húsnæðið. t.d. stúdentar í líffræði. matvælafræði. lífefna-
fræði. lyfjafræði lyfsala, læknisfræði og hjúkrunarfræði. Uppbygging aðstöðunnar
132