Valsblaðið - 01.05.1991, Qupperneq 22

YNGRIIÐKENDURNIR
Texti: Atli Hilmarsson
EGILL
ARNARSSON
Leikmaður 5. flokks
í fótbolta
Egill er 11 ára og byrjaði 7 ára að æfa
fótbolta með Þrótti en ári seinna plataði
vinur hans hann með sér í Val og hefur
hann verið í Val síðan. Egill er í Lang-
holtsskóla eins og þrír aðrir strákar úr
Val. Þeir voru stundum keyrðir en hjól-
uðu líka á æfingarnar í sumar. Egill verð-
ur áfram í 5. flokki og segir að þeir verði
með gott lið næsta sumar.
„í sumar voru fáir strákar á eldra árinu
en samt náðum við takmarkinu sem við
settum okkur, að halda sæti okkar í A-
riðli. Við lentum í 5. sæti í íslandsmótinu
en fjögur efstu liðin fóru í úrslitin. Við
æfðum þrisvar sinnum í viku í sumar og
nú í vetur erum við tvisvar sinnum í viku
innanhúss. Þjálfarinn okkar heitir Birgir
Össurarson og mér líkar mjög vel við
hann. Mér finnst skemmtilegast að leika
á miðjunni en hef líka leikið í vörninni og
á hægri kanti.“
Egill æfir líka handbolta með Val og
badminton með TBR og segist ómögu-
lega geta gert upp á milli íþróttanna,
„Þetta er allt jafn skemmtilegt. Ég hef
mikinn áhuga á skák og ég er líka ákveð-
inn í að einbeita mér að náminu af fullurn
krafti í framtíðinni."
— Áttu þér einhvern uppáhaldsleik-
mann?
„Það er erfitt að velja en mér finnst t.d.
Guðni Bergsson og Sigurður Jónsson
mjög góðir,“ sagði Egill að lokum.
GUÐRÚN
ANNA
GUNNARS-
DÓTTIR
Leikmaður 4. flokks
í fótbolta.
Guðrún er 10 ára og stundar nám í
Ártúnsskóla. Hún var í 5. flokki í sumar
en fluttist upp í 4. flokk nú í haust. „Ég
byrjaði að æfa fótbolta fyrir einu og hálfu
ári og hef alltaf verið í Val af því að það er
besta liðið. Okkur gekk vel í sumar, við
unnum Gull- og silfurmótið, lentum í 3.
sæti á Pæjumótinu í Eyjum og í 4. sæti á
Haukamótinu. Við æfðum þrisvar í viku í
sumar en núna erum við tvisvar í viku
innanhúss. Það voru oft 30 stelpur á æf-
ingum og mjög gaman. Við höfðurn líka
góðan þjálfara, hana Ragnhildi Skúla-
dóttur. Ég spilaði alltaf á hægri kantinum
í sumar og líkaði það mjög vel.“
— Finnst þér ekkert langt að fara á
æfingar?
„Jú, en við erum sex stelpur úr Ártúns-
skóla sem erum í Val og erum oft keyrðar
eða förum saman í strætó — það er allt í
lagi-“
Guðrún æfir ekki aðrar íþróttagreinar
og segist ætla að einbeita sér að fótboltan-
um sem er hennar aðaláhugamál. Hún
sagði þær stelpurnar hittast oft fyrir utan
æfingarnar til að spjalla saman og gera
eitthvað skemmtilegt. Hún sagðist ekki
geta nefnt neinn sérstakan uppáhalds-
leikmann, það væru svo margir sem
kæmu til greina.
BJARKI
HINRIKSSON
Leikmaður 4. flokks
í handbolta
Bjarki er 13 ára og er á fyrra ári í 4.
flokki. Hann er í Seljaskóla og hefur æft
handbolta með Val frá því í 6. flokki og
líkar mjög vel hjá félaginu. Bjarki, sem
leikur í stöðu skyttu vinstra megin fyrir
utan, segir að 4. flokkurinn í ár sé mjög
sterkur. „Við erum með Valdimar
Grímsson sem þjálfara þriðja árið í röð
sem er mjög gott fyrir okkur. Undir stjórn
Valdimars urðum við íslandsmeistarar í
5. flokki og við ætlum okkur að verða
meistarar aftur í ár. Það er ein umferð
búin af íslandsmótinu þar sem við unnum
alla leiki okkar. I Reykjavíkurmótinu er-
um við komnir í undanúrslit án þess að
tapa leik. Pað verða örugglega FH-ingar
og KR-ingar sem verða helstu andstæð-
ingarnir í vetur. Við æfum þrisvar í viku,
það finnst mér alveg nóg.“
— Ertu í einhverjum öðrum íþróttum?
„Já, ég æfi fótbolta með Fram og svo
hef ég aðeins æft frjálsar, aðallega 60 m
og 800 m hlaup og langstökk. Ég hef líka
gaman af að fara á skíði.“
— Hvaða íþrótt finnst þér skemmtileg-
ust?
„Það er mjög erfitt að segja til um það
og ég á eftir að lenda í miklum vandræð-
um þegar ég þarf að velja á milli íþrótt-
anna.“
Bjarki segir að þeir félagarnir í Val fari
oft saman eitthvað eftir „túrneringarnar"
og að góður andi ríki í hópnum.
22