Valsblaðið - 01.05.2000, Blaðsíða 26

ir
Fair play
11
Erindi séra Friðriks Friðrikssonar
viö vígslu fotboltasvæðis KFUM þann 6. ágúst 1911
Vakið, standið stöðugir í trúnni, verið
karlmannlegir, verið styrkir. Allt hjá yður
sé í kœrleika gjört. (I. Kor. 16.13)
I dag erum vér komnir hér saman, með-
limir í báðum fótboltafélögum KFUM til
þess að vígja þetta svæði, sem vér höfum
rutt og fengið leyfi fyrir hjá heiðraðri
bæjarstjóm vorri. Nú höfum vér þá ágætt
leiksvæði og tvö fótboltafélög innan
KFUM. Ef einhver kynni nú að spyrja
hvort þessi félög séu samrýmanleg anda
og starfsemi félagsins þá segjum vér hik-
laust „já“. Allar íþróttir, útileikir o.s.frv.,
allt það sem í daglegu tali er kallað sport,
það getur vel samrýmst anda og tilgangi
félagsins, ef þess aðeins er gætt að það
verði ávallt hið annað í röðinni, aldrei
höfuðatriði, aldrei takmark. Allt slíkt á
að styrkja oss til staðfastari baráttu í líf-
inu, og er því ágætt uppeldismeðal.
Á sunnudaginn var talað um að bjöll-
umar á hálsum hestanna ættu að hafa
þessa áritun: helgaður drottni.
Og út af því var lagt svo, að allt sem
vér ættum við í lífi voru og starfi, bæði
stórt og smátt, væri helgað guði, og allt
gjört í hans anda. Nú viljum vér setja
fótboltastarfsemi KFUM bjöllu með
þessari áritun: Helgað drottni! Og er
bjallan kallar oss saman til leiks, þá skal
hún hljóma til vor: helgað drottni - helg-
að drottni.
Vér vinnum allt með því að helga það
guði. Enginn þarf að halda að hann verði
daufingi við það að helga leik sinn eða
íþrótt sína drottni. Öðru nær! Leikurinn
verður fegurri og nautnaríkari. Það er
fagurt að sjá unga menn með stælta
vöðva, fagran limaburð og þrekmikinn
vilja keppa í siðsömum leik. En ef vér
helgum guði þennan vom leik, má ekkert
ósæmilegt eiga sér stað á leikvelli vor-
um. Leikurinn óprýkkar við allt ósæmi-
legt. Hér á þessum velli má aldrei heyr-
ast ljótt orðbragð, ekkert blótsyrði, engin
keksni, engin særandi orð, enginn gár-
ungaháttur né háreysti!
Þér ungu menn, sem standið nú í röð-
um reiðubúnir að ganga inn á hið nýja
svæði til leiks, sýnið að þér getið leikið
með kappi og fjöri og þó sem göfugir,
ungir menn, sem fullkomlega hafið vald
yfir yður. Náið þessu valdi, hvað sem
það kostar. Náið valdi yfir limum yðar.
Æfið augun og sjáið fljótt, hvað gjöra
skal, æfið fætuma til þess að þeir gefi
mátulegt spark eftir því sem augað
reiknar út að með þurfi. Æfið hendurnar
til þess að fálma ekki út í bláinn, til þess
að gjöra þær hreyfingar, sem við eiga.
Látið hendur og handleggi verða svo
sjaldan sem unnt er fyrir knettinum.
Æfið tungu yðar, svo að engin óþarfa orð
heyrist.
Leggið alla stund á að leggja fegurð
inn í leik yðar, látið aldrei kappið bera
fegurðina ofurliði. Látið ekki líkamann
vera í 18 hlykkjum, heldur látið hvem
vöðva vera stæltan og allan líkamann í
þeirri stellingu sem fegurst er. Verið þar
á svæðinu sem yður ber að vera hverjum
samkvæmt skyldu sinni og varast blind-
an ákafa og fum. Allur þjösnaskapur veri
langt frá yður.
Kærið yður ekki um að vinna með
röngu eða ódrengilegu bragði. Þeir sterk-
ari boli aldrei hinum yngri og linari frá
réttum leik. Segið ávallt satt og venjið
yður á að segja til ef yður verður eitt-
hvað á og játa það. Hælist aldrei yfir
þeim sem tapa, og gleðjist líka yfir vel-
leiknu sparki hjá mótleiksmönnum yðar.
Látið aldrei áfagurt pex eða þráttanir
skemma leikinn. Verið fljótir að hlýða
þeim sem leik stjóma, einnig þó að þeir
séu yngri. Leiðréttið og segið til með
hógværð þeim sem óæfðari eru og kallið
engan klaufa þótt örðugt gangi í fyrstu.
Látið aldrei óánægju koma upp hjá
yður, vegna þess hlutverks, sem þér haf-
ið fengið í leiknum. Gætið að því að
hver staða í leiknum er þýðingarmikil og
nauðsynleg. Markvörðurinn og bakverð-
imir eru eins þýðingarmiklir eins og
frumherjamir. Þar er enginn mismunur,
Séra Friðrik Friðriksson stofnandi Vals
og KFUM og KFUK.
hver hefur síns hlutverks að gæta. Sér-
hver yðar leggi þá alúð inn í sitt hlutverk
eins og leikslokin væru undir trú-
mennsku hans ein komin. Munið eftir að
viðhafa aldrei orðskrípi. Nefnið markið
mark en ekki „gull“, sem er afbökuð
enska. Látið aldrei heyrast orðskrípi eins
og t.d. „halfbak“ eða „harðbak" eða
„fúllbak", slíkt er ósæmilegt. Þá fimm
fremstu nefnum vér fmmherja, þá 3 í
næstu röð miðmenn, þá koma þar fyrir
aftan bakverðir og markvörður stendur í
marki.
Öll mikilmennska, mont og yfirlæti sé
langt frá yður, en hógværð og lítillæti sé
prýði og aðalsmerki hinna bestu. Þjón-
ustusemi og veglyndi einkenni alla fram-
komu vora, bæði á leiksvæði og utan
leiks. Leikinn höfum vér oss sjálfum til
hressingar og heilsusamlegrar hreyfing-
ar. Hann á að vera uppeldismeðal til þess
að ná meiru og meiru valdi yfir sjálfum
sér. Hann á að hafa styrkjandi áhrif á lík-
amann og göfgandi áhrif á sálina. Hann
er einn liður í starfi KFUM sem gæðir
og viðheldur félagslífinu á sumrin og á
að gjöra oss færari til þess að þjóna guði
í hreinleika líkama, sálar og anda. Sá
26
Valsblaðið 2000