Valsblaðið - 01.05.2000, Page 56

læðingi foreldra og Valsmenn sem hafa
áttað sig á því að þeir geta gert félaginu
heilmikið gagn. Nú verða menn að snúa
bökum saman, og vinna vel úr hlutunum.
Við höfum afmælisár árið 2001 til að
hjálpa okkur með félagsstarfið."
Hvenær verða félagsmönnum sýndar
þær hugmyndir sem liggja fyrir um
framtíðarskipulag þess landssvæðis
sem tilheyrir Val?
Reynir Vignir: „Um er að ræða varaplan
sem átti að grípa til ef viðræðumar við
Fjölni færu út um þúfur. Formaður
mannvirkjanefndar og saminganefnd úr
aðalstjóminni hafa varpað fram ákveðn-
um hugmyndum sem eru til fyrstu skoð-
unar hjá Reykjavíkurborg. Viðbrögð hafa
verið jákvæð. Ef þær ná fram að ganga
yrði bylting hér á Hlíðarenda. Ég reikna
með að við getum sýnt félagsmönnum
þessar tillögur í lok janúar 2001.“
Það liggur í augum uppi að hand-
knattleiksdeild Vals hefur alið af sér
mun efnilegri leikmenn en knatt-
spyrnudeildin undanfarin ár og menn
eins og Boris Abkachev og Óskar
Bjarni Óskarsson hafa verið leiðtogar
í handboltaþjálfun.
Hefur knattspyrnuna hreinlega ekki
vantað nýjan Róbert Jónsson sem er
kannski síðasti unglingaleiðtoginn á
knattspyrnuvelli Vals?
Reynir Vignir: „Ég held að það sé alveg
ljóst. Ég þekki ekki nógu vel hvenær
unglingastarfið breyttist en í því hafa
verið miklar sveiflur. í fljótu bragði man
ég eftir Þorláki Amasyni sem var mjög
virkur þjálfari en þó hefur enginn slagað
upp í þá ímynd sem maður hefur af
Robba Jóns.“
Geir: „Ég hef á tilfinningunni að það sé
orðið langt síðan Valur gerði stóra hluti
þar. Ef við bemm handbolta og fótbolta
saman, með það í huga hvar þú getur
borið meira úr býtum fjárhagslega, ættu
flestir að velja fótboltann. Af hverju hafa
þá fleiri góðir handboltamenn skilað sér
en fótboltamenn? Ég tel að það sé vegna
þess að handboltinn í Val hefur verið
meira í sviðsljósinu en knattspyman, þar
eru fleiri fyrirmyndir sem gerir það að
verkum að krakkana langar frekar að
spila handbolta.
Markús Máni var til að mynda 8 eða 9
ára þegar sigurganga Vals hófst í hand-
boltanum árið 1988 og hann og fleiri
góðir tóku handboltann fram yfir fótbolt-
ann vegna góðs gengis meistaraflokks.
Þeir hefðu hæglega getað orðið feikna-
góðir knattspymumenn. Síðan getum við
rætt um hvort það tengist þjálfuninni,
hverjir völdust til verka og svo framveg-
is. Okkur vantar fleiri fyrirmyndir að
Hlíðarenda, það er mergur málsins og
við ættum að brydda upp á nýjungum í
þeim efnum.“
Grímur: „Það sem handboltinn hefur
haft fram yfir fótboltann síðastliðin ár er
þjálfari eins og Boris. Hann hefur alið
upp flesta framtíðarleikmenn meistara-
flokks í handbolta. Við bindum sömu
vonir við Zeljko sem við erum nýbúnir
Yngstu iðkendur Vals eiga bjarta framtíð að Hlíðarenda ef framtíðarskipulagið nœr
fram að ganga. 1 rœðustóli er Elísabet Gunnarsdóttir þjálfari.
að ráða til starfa sem yfirþjálfara yngri
flokkanna en tíminn á eftir að leiða í ljós
hver árangurinn af starfi hans, og ann-
arra þjálfara, verður.
Það sem hefur líka vantað hjá okkur er
að móta almennilega afreksstefnu í
knattspymunni þar sem menn vinna
markvisst og í einhverju samhengi. Það
hefur í sumum tilfellum verið alltof lengi
við lýði hjá okkur að hreinlega redda því
að það sé einhver að þjálfa flokkana án
þess að markviss uppbygging eða
markmiða setning sé höfð að leiðarljósi.
Það dugar ekki að brúa endalaust eitt-
hvert bil. Hin metnaðarfulla sýn hefur
ekki verið fyrir hendi lengi. Það er
forsenda þess að við séum samkeppnis-
hæf að ráða eingöngu menntaða og hæfa
þjálfara. Foreldrar vilja vitanlega að
bömin þeirra fái bestu hugsanlegu þjálf-
un og bestu aðstæður sem völ er á.
Iþróttafélögin em komin í þá stöðu að
þurfa að svara kröfum samfélagsins sem
þeim er oft ókleift að uppfylla."
Geir: „Meðal annars vegna þess að
margir foreldrar telja að íþróttir eigi að
vera ókeypis. Svo finnst þeim kannski
sjálfsagt að fimleikar, eða tónlistamám,
kosti heilmikið."
Grímur: „Ég er ekki alveg sammála
þessu og tel að foreldrar hafi skilning á
málinu. Þó er alltaf sama harkið að inn-
heimta æfingagjöldin. En fólk er farið að
kyngja þeim rökum að borga fyrir góða
þjálfun og aðstöðu.
Því miður hafa margir andstæðingar
okkar reynt að sverta ímynd Vals, kastað
rýrð á sögu félagsins og glæsta sigra
þess. Því miður hafa alltof margir Vals-
menn kikknað undan umræðunni og nei-
kvæðni og vanmáttarkennd hefur grafið
um sig hjá félagsmönnum.
Vissulega þarf að bæta ímynd Vals á
þessum tímapunkti. Það er löngu orðið
tímabært að að berja menn saman í eina
liðsheild með góðu eða illu. Við eigum
að vera flottastir og bestir. Þannig skal
það vera.
Valur mun taka flugið innan skamms
og þá verður ekki aftur snúið."
VERÐBREFASTOFAN
Suðurlandsbraut 18, Reykjavík, sími 570 1200, www.vbs.is
56
Valsblaðið 2000