Valsblaðið - 01.05.2000, Page 62

+
Baldur Steingrímsson
fæddup 21. júní 1904 - dáinn 5. september 2000
Þann 5. september s.l. lést í Reykjavík Baldur Steingrímsson,
fyrrverandi skrifstofustjóri, 96 ára að aldri. Hann hafði lengst
af, frá því hann fluttist til Reykjavíkur norðan úr Þingeyjarsýslu
þar sem hann var fæddur, búið á Skeggjagötu 6, í mikilli nálægð
við Hlíðarenda. Baldur var við góða heilsu fram undir það síð-
asta og gekk daglega á milli heimilis síns og Droplaugarstaða
þar sem hann borðaði gjaman hádegisverð hin síðari ár, en kona
hans Margrét Símonardóttir lést árið 1989.
Með Baldri er genginn maður sem átti að baki mikið starf fyr-
ir Knattspyrnufélagið Val og var vel þekktur meðal eldri félags-
manna. Hann var gjaldkeri Vals samfleytt í 20 ár frá 1940 tii
1960 og þegar hann lét af störfum hafði enginn maður setið
lengur í stjóm félagsins frá upphafi. Ekki hefur verið kannað
hvort það afrek hefur verið slegið síðan, en það verður að teljast
ólíklegt. I grein í Valsblaðinu árið 1959, þar sem greint er frá
kjöri hans í 20. sinn, er sérstaklega vikið að því að Baldur hafi
verið einn hinna öruggustu og traustustu starfsmanna Vals.
„Hann nýtur óskoraðs trausts, ekki aðeins innan Vals, heldur og
íþróttahreyfingarinnar í heild hér í bænum,“ segir ennfremur í
blaðinu.
Baldur kom sem áhugamaður í Val, ekki til að taka þátt í leik,
heldur til að takast á við félagsstörf innan Vals. Auk þeirra starfa
sat hann í stjórn og framkvæmdastjóm íþróttabandalags Reykja-
víkur frá stofnun þess 1944 til ársins 1947. Ekki þarf að efa að
mikið amstur fylgdi því að vera gjaldkeri Vals í tuttugu ár enda
var á þeirn árum ráðist í verulegar framkvæmdir á svæðinu að
Hlíðarenda. Að mörgum þeim framkvæmdum búum við enn að
í dag og erum ánægðir með.
I minningargreinum, sem ritaðar voru um Baldur, kom fram
að hann var þeirra kynslóðar sem ekki eyddi um efni fram, barst
ekki á en leið heldur aldrei skort. Ekki er að efa að félagið hefur
notið þess ríkulega að hafa gjaldkera við stjómvölinn sem hafði
þessi lífsviðhorf.
Knattspymufélagið Valur stendur í þakkarskuld við Baldur
Steingrímsson og sendir sonum hans og fjölskyldum þeirra inni-
legar samúðarkveðjur
Reynir Vignir, formaður
+
Benedikt Þ. Jakobsson
fæddur 29. maí 1920 - dáinn 5. nóvember 2000
Við andlát Benedikts Þ. Jakobssonar fækkaði um einn í dyggum
hópi stuðningsmanna Knattspymufélagsins Vals. í þeim hópi
hafði hann verið frá unga aldri og sýnt félaginu ræktarsemi og
áhuga alla tfð. Benedikt var ekki eini meðlimur fjölskyldu sinn-
ar sem fylgdi félaginu að málum því þrír af fjórum sonum hans
og Svandísar konu hans iðkuðu íþróttir í Val frá bamæsku og til
fullorðinsára og urðu þekktir afreksmenn innan félagsins í fleiri
greinum en einni.
í viðtali sent birtist í Valsblaðinu árið 1969 sagði Benedikt frá
því að hann hefði byrjað að taka syni sína með sér á völlinn
mjög unga og taldi ekki óhugsandi að það hafi haft áhrif á
áhuga þeirra á íþróttum og Val. „Þegar ég varð svo verulega var
við áhuga þeirra hvatti ég þá til að fara á Valsvöllinn og leika
sér þar og þegar þeir fóru að ná þeim árangri að vera valdir í
keppnislið fór ég að fylgjast með þeiin og horfa á leiki þeirra,"
sagði hann líka í sama viðtali.
Þannig kynntumst við, sem vorum samtíma sonum hans í Val,
Benedikt fyrst. Hann fylgdist dyggilega með kappleikjum okkar
hvort sem þeir voru að Hlíðarenda eða annars staðar í Reykja-
vík. Hann kom oftast gangandi á völlinn og þótt hann léti ekki
mikið fyrir sér fara leyndi stuðningur hans sér ekki og þétt
handtakið að leik loknum sagði okkur meira en mörg orð.
Benedikt fylgdist með leikjum Vals alla tíð og alltaf þegar hann
sá okkur félagana á vellinum heilsaði hann kumpánlega og það
var gaman að hitta hann.
Ekki brást það að hann mætti á Hlíðarenda í afmæliskaffið
11. maí ár hvert og hans verður saknað þann dag á næsta ári
þegar félagið heldur upp á 90 ára afmæli sitt. Benedikt sóttist
ekki eftir stjórnarstörfum eða vegtyllum innan Vals en hann var
til staðar, greiddi sitt félagsgjald og unni félaginu. Hann var
einn þeirra manna sem hverju íþróttafélagi er nauðsynlegur og
stuðningur hans og hvatning til sona hans og félaga þeirra skil-
aði félaginu miklu á sínum tíma.
Fyrir hönd þessara félaga og annarra Valsmanna flyt ég
Svandísi konu hans, sonum þeirra og fjölskyldum innilegar
samúðarkveðjur.
Reynir Vignir, formaður
62
Valsblaðið 2000