Uppeldi og menntun - 01.01.2009, Page 68

Uppeldi og menntUn/icelandic JoUrnal of edUcation 18(1)/200968
„látUm ÞÚsUnd blóm blómstra“
Sú leið að nota netið sem gagnabrunn við rannsókn sem þessa ryður sér nú til rúms.
Bæði er aðferðin fljótleg og hagkvæm en einnig eru gögn á heimasíðum aðgengileg
fagfólki og almenningi og því líkleg til að hafa töluverð áhrif. Með því að skoða
heimasíður skólanna getum við fengið nokkuð rækilegt yfirlit yfir stefnu og mark-
mið margra skóla. Aðferðin gefur okkur tækifæri til að skoða hvernig skólarnir sjálfir
lýsa stefnu sinni og vinnubrögðum. Foreldrar og forráðamenn barna geta líka notað
þá leið við að afla upplýsinga um stefnu skólanna. Hún er opin og öllum aðgengileg
og getur haft mikil áhrif á skilning okkar á samfélaginu, þekkingu og ákvarðanatöku
(Hausstäter og Takala, 2008). Þó verður að hafa í huga að upplýsingar sem safnað er á
þennan máta varða fyrst og fremst það sem skólarnir segjast gera en ekki endilega það
sem þeir svo framkvæma. Stefna og framkvæmd fara ekki alltaf saman.
Lögð var áhersla á að afla upplýsinga um stefnu skólanna almennt, um það hvort
stefna um skóla án aðgreiningar kemur fram eins og lýst er hér að framan, en einnig
stefnu um sérkennslu og sérdeildir því að þetta tengist á einn eða annan hátt. Þættina
sem við leituðum að má draga saman í þremur rannsóknarspurningum:
Hver er almenn stefna skólans, leiðarljós eða einkunnarorð?1.
Hefur skólinn stefnu um skóla án aðgreiningar?2.
Hvert er stoðkerfi skólans; sérúrræði og sérkennsla?3.
Í ljós kom að skipulag og uppsetning á heimasíðum skólanna er mjög fjölbreytt. Það
var ekki alltaf aðgengilegt að finna svör við spurningum okkar og oft þurftum við að
opna marga tengla til að finna upplýsingar sem við leituðum að. Iðulega fundum við
þær í skjölum sem ætluð eru foreldrum.
Við skoðuðum skjöl eins og skólanámskrá, námsvísa, skólastefnu eða sýn skóla,
einkunnarorð og upplýsingar til foreldra. Aldur gagnanna var mismunandi og voru
sumar skólanámskrár orðnar nokkurra ára gamlar á meðan aðrar eru í mótun. Við
greiningu gagna skoðuðum við orðanotkun, lýsingar og áherslur skólanna eins og
þær koma fram á heimasíðum þeirra, lýsingar á skipulagi og framkvæmd kennslu,
námsmati og samstarfi. Rannsóknin beinist að því að greina stefnuskjölin í ljósi hug-
mynda, laga, reglugerða og stefnuyfirlýsinga um menntun og skóla án aðgreiningar.
niðurstöður
Í þessum kafla gerum við grein fyrir helstu niðurstöðum rannsóknarinnar. Þær eru
settar fram í tveimur hlutum og fyrst fjallað um stefnuskrá sveitarfélaga en síðan skól-
anna.
Stefnuskrár sveitarfélaga
Skólastefna þeirra þriggja sveitarfélaga sem birta stefnuna á heimasíðu sinni var skoð-
uð með það að markmiði að finna út hvort þau ganga út frá hugmyndum um skóla
án aðgreiningar og stefnu menntamálayfirvalda í þeim efnum. Niðurstöður okkar eru
þær að í stefnuskrá eins sveitarfélagsins er lýst stefnu um skóla án aðgreiningar þar