Uppeldi og menntun - 01.01.2009, Qupperneq 80

Uppeldi og menntUn/icelandic JoUrnal of edUcation 18(1)/200980
„Þetta er spennandi... og gefUr mikla mögUleika“
háttað í myndlistar kennslu, með tilliti til stefnu mörkunar stjórn valda sem fram kem-
ur í áherslum og markmiðum aðalnámskrár grunnskóla frá 1999.
Í þessari grein verður sagt frá stefnumörkun stjórnvalda um notkun tölvu- og
upplýsinga tækni í skólastarfi grunnskóla og fjallað er um áherslubreytingar í aðal-
námskrá í kjölfar þeirrar stefnumörkunar. Gerð verður nokkur grein fyrir áherslum
á tölvunotkun í aðalnámskrá um myndlistar kennslu og sameiginlegum markmiðum
myndlistarkennslu, tölvunotkunar í grunnskóla, upplýsinga menntar og nýsköpunar
og hagnýtingar þekkingar. Einnig verður sagt frá aðferðum við gagnaöflun og fram-
kvæmd rannsóknarinnar. Niðurstöður verða kynntar og ræddar með það í huga að
svara spurningum rannsóknarinnar um aðstöðu til að nota tæknina í myndlistar-
kennslu, mat kennara á markmiðum aðalnámskrár grunnskóla, markmið í skóla-
námskrám og notkun tækninnar í kennslustofunni.
staða þEkkingar og stEfnumörkun stjórnValda
Um það bil áratugur er liðinn frá því að stjórnvöld settu á fót nefnd til að marka
stefnu um notkun tölvu- og upplýsingatækni í skólastarfi grunnskóla. Sú stefna kom
fyrst fram í ritinu Í krafti upplýsinga (Menntamálaráðuneytið, 1996). Þar segir að mikil-
vægt sé að námsgreinar þróist í takt við þær breytingar sem verða í samfélaginu og
að skólinn beiti vinnubrögðum eins og þau gerast best á hverjum tíma, endurskoði
viðfangsefni sín og samspil námsgreina, að námsgögn muni breytast og aðgangur að
ýmiss konar sérhæfðum forritum, kennsluforritum, margmiðlunarefni og Neti muni
að nokkru leyti taka við af prentuðum upplýsingum (Menntamálaráðuneytið, 1996).
Árið 2001 kom út verkefnaáætlun menntamálaráðuneytisins í rafrænni menntun,
Forskot til framtíðar 2001–2003, sem fjallaði m.a. um nýjar leiðir til náms og kennslu.
Þar segir m.a. að upplýsingatæknin bjóði upp á fjölbreytt tækifæri í skólastarfi, opni
áður óþekktar leiðir til náms og muni smám saman verða hluti af öllu námi (Mennta-
málaráðuneytið, 2001). Í endurskoðaðri stefnu ríkisstjórnar innar um upplýsingasam-
félagið 2004–2007, Auðlindir í allra þágu, segir m.a. að náðst hafi verulegur árangur sem
fylgja þurfi eftir, þó að á nokkrum sviðum hafi þróunin ekki orðið eins hröð og vænt-
ingar stóðu til. Leiðar ljós stefnumörkunarinnar sé einstak lingur inn, tækifæri hans og
velferð í samfélaginu. Kennurum verði tryggð ráðgjöf, stuðningur og þjálfun við nýt-
ingu stafræns námsefnis og enn fremur gert átak í gerð námsefnis sem taka skuli mið
af nýjum hugmyndum um notkun upplýsinga tækni á sviði menntunar (Forsætisráðu-
neytið, 2004).
Árið 2005 lagði menntamála ráðuneytið enn fram áherslur um nýtingu upplýsinga-
tækni í menntun, Áræði með ábyrgð (Menntamálaráðuneytið, 2005), og mótaði stefnu
til 2008. Þar er lögð áhersla á aðgang að upplýsinga samfélaginu, tækni og fjarskipti,
stafrænt efni, breytta starfshætti og siðferði á Netinu. Þar segir m.a. að í þjóðfélaginu
sé þekking sú auðlind sem mestu varði og upplýsingatækni sé snar þáttur í þekking-
aröflun þeirrar kynslóðar sem er að vaxa úr grasi og hefur alist upp við tölvur, kynslóð
sem líti á það sem sjálfsagðan hlut að fá að nota Netið og samskiptatækni í menntun.
Mikilvægt sé að skólar nýti tölvur- og upplýsinga tækni á virkan hátt í starfsgrein-
unum mynd- og tónmennt (Mennta mála ráðuneytið, 2005).