Uppeldi og menntun - 01.01.2009, Page 88

Uppeldi og menntUn/icelandic JoUrnal of edUcation 18(1)/200988
„Þetta er spennandi... og gefUr mikla mögUleika“
Mat kennara á markmiðum í aðalnámskrá grunnskóla
Flestir kennaranna telja að þeim beri ekki að kenna notkun tækninnar í myndlistar-
kennslu því að það standi mjög lítið um notkun tölvu- og upplýsingatækni í aðalnám-
skrá grunnskóla. Þeir virðast ekki allir hafa áttað sig alveg á þeirri tengingu sem er á
milli myndlistarhluta og upplýsingatæknihluta í aðalnámskrá. Flestir þeirra telja að
lítið sé fjallað um notkun tækninnar í myndlistarkennslu og tveir þeirra fullyrða að
ekki séu gerðar kröfur um það í námskránni að þeir kenni nemendum að vinna með
tölvur og upplýsingatækni í myndlistarkennslu. Meirihluti kennaranna hefur jafnvel
ekki lesið eða kynnt sér námskrá upplýsinga- og tæknimenntar og taka af þeirri ástæðu
ekki tillit til skráðra markmiða í þeim hluta námskrárinnar við undirbúning kennslu.
Þeir líta þá einungis til myndlistarhluta námskrárinnar, huga ekki að Tölvunotkun í
grunn skóla, Upplýsingamennt eða Nýsköpun og hagnýtingu þekkingar.
Aðalnámskrá gerir ráð fyrir samþættingu námsgreina. Sú kennsla á tölvur sem
skipulögð er í öllum skólunum fer fram undir leiðsögn tölvukennara sem á, sam-
kvæmt markmiðum aðalnámskrár, að hafa samvinnu við myndlistarkennara um
verkefna vinnuna. Þar er gert ráð fyrir að myndlistarkennarinn undirbúi og sjái um
innihald kennslunnar en tölvukennarinn það sem snýr að tæknilegri framkvæmd
vinnunnar (Aðalnámskrá grunnskóla. Upplýsinga- og tæknimennt, 1999). Slíkt sam-
starf er ekki fyrir hendi hjá neinum af þeim kennurum sem heimsóttir voru. Það er því
ekki um það að ræða að nemendur fari í tölvuverið til að vinna að myndlistar verkefni
sem upplýsingatæknikennarinn leiðbeinir þeim við.
Myndlistarkennararnir vita vel að upplýsingamennt er kennd í skólanum en vita
ekki hvort kennslan er þannig byggð upp að hægt sé að nýta sér þá þekkingu í öðrum
námsgreinum, eða hvort nemendur vinna í myndvinnslu forritum og nota kennslufor-
rit sem tengjast myndlistarkennslunni. Svipaðar niður stöður hafa komið fram í fleiri
rannsóknum á notkun tækninnar í mynd listar kennslu og samþætt ingu námsgreina
(Wood, 2004).
Hugmyndafræði aðalnámskrárinnar um notkun tölvu- og upplýsinga tækni í
kennslu virðist ekki hafa náð inn í myndlistar kennsluna. Þannig er þetta, þrátt fyrir
þá yfirlýstu stefnu stjórnvalda að brýnt sé að náms greinar þróist í takt við breytingar
í samfélaginu svo að vinnubrögð nemenda séu eins og þau gerast best á hverjum tíma
í þjóðfélaginu (Menntamálaráðuneytið, 1996).
Kennararnir segjast átta sig vel á ástæðum þeirrar stefnumörkunar stjórn valda,
að leggja mikla áherslu á notkun tölvu- og upplýsingatækni í skólastarfi, en telja þó
sumir að ekki hafi verið hugað nægilega vel að framkvæmdahlið kennslunnar þegar
markmið um notkun tölvu- og upplýsingatækni voru sett inn í aðalnámskrá grunn-
skóla. Það sé ekki alltaf gott að fá fyrirmæli að ofan, auk þess sem þróun taki tíma.
Kennararnir segjast ekki vita um marga kennara sem noti tölvur og upplýsingatækni í
myndlistarkennslu. Óljóst er hvort það er vegna þess hve þeir eru fáir eða að það fari
hljótt. Það vekur þó athygli að í skólunum skuli ekki hafa verið fylgt betur eftir mark-
miðum og áherslum aðal námskrár varðandi notkun tækninnar í myndlistarkennslu.