Búnaðarrit - 01.01.1998, Page 11

BÚNAÐARRIT 1998
2. Starfsumhverfi landbúnaðarins
Ytri skilyrði 1998
Árið 1998 var góðæri í efnahagslífi hér á
landi. Hagvöxtur var um 5% og miðað við
vísitölu neysluverðs hækkaði verðlag um
1,7% milli áranna 1997 og 1998. Kaup-
máttur ráðstöfunartekna jókst um 6% og
atvinnuleysi mældist 2,8% af mannafla og
hefur ekki verið lægra síðan árið 1991.
Samkvæmt bráðabirgðatölum var ríkis-
sjóður rekinn með 6.166 millj. kr. rekstrar-
afgangi en talið er að halli á rekstri sveitar-
félaga hafi numið 3.742 millj. kr. Utlána-
vextir lánastofnana fóru lækkandi á árinu og
sama gilti um vexti húsbréfa og ríkisbréfa. I
heild var þróun efnahagsmála með besta
móti á árinu þó að umtalsverður viðskipta-
halli hafi verið nokkurt áhyggjuefni.
Landbúnaðurinn 1998
Heildarverðmæti landbúnaðarafurða árið
1998 var kr. 18,5 milljarðar samkvæmt
verðmætaáætlun Framleiðsluráðs landbún-
aðarins og jukust þau um 5% frá fyrra ári.
Hafa verður í huga að hluti af hækkunum á
afurðaverði á rætur að rekja til breytinga á
innheimtu sjóðagjalda þannig að nú eru
gjöld sem áður voru innheimt af heild-
söluverði, innheimt af verði til framleið-
enda. Búfjárafurðir aðrar en loðskinn eru
um 76% af framleiðsluverðmætinu og jókst
verðmæti þeirra um 13,5% milli áranna
1997 og 1998. Hlutur landbúnaðar í
landsframleiðslu árið 1998 var 2,0% og
hefur heldur farið lækkandi á undanförnum
árum. Mynd 1 sýnir hlutfallslega skiptingu
9