Búnaðarrit - 01.01.1998, Blaðsíða 74

BÚNAÐARRIT 1998
Hlunnindi
Æðarrækt. Vorið 1998 var tíðarfar æðar-
varpi og dúntekju eins hagstætt og hugsast
getur um allt land, nema á Norðaustur- og
Austurlandi þar sem árferði var í meðallagi.
Dúntekja og varpnýting var því mjög góð en
dálítið bar á ungadauða á stöku stað. Onnur
áföll voru í lágmarki og í heild var vorið
æðarvarpi eitt það hagstæðasta sem um
getur. Sala æðardúns gekk hægt á árinu. Alls
voru flutt út 1.681 kg og var meðal fob-verð
52.029 kr/kg sem er 20% lækkun frá árinu
1997. Tafla 60 sýnir útflutt magn og fob-
útflutningsverð á æðardúni árin 1994-1998.
Lax- og silungsveiði. Sumarið 1998 var
laxveiði á stöng mun meiri en árið 1997
þegar hún var í tæpu meðallagi. Alls
veiddust 37.460 Iaxar á stöng (laxar sem
sleppt er aftur ekki taldir með), en árið 1997
veiddust 27.082 laxar og er aukningin því
rúm 28%. Netaveiðar á laxi fara minnkandi
og hefur víðast verið hætt í kjölfar kaupa eða
leigu á netaveiðirétti. Engin netaveiði er
lengur á laxi í sjó. Silungsveiði gekk einnig
allvel og í heild var lax- og silungsveiði með
betra móti sumarið 1998. Tafla 61 sýnir
veiði skv. veiðiskýrslum á laxi og silungi árin
1994-1998.
Tafla 60. Útflutningur á æðardúni 1994-1998.
Tonn Þús. kr./kg
1994 3,8 26
1995 3,0 35
1996 3,5 54
1997 2,6 65
1998 2,1 52
Heimild: Hagstofa íslands.
72