Búnaðarrit - 01.01.1998, Blaðsíða 31

BÚNAÐARRIT 1998
Að því marki sem beinar greiðslur ganga
ekki út eftir uppgjör innan greiðslumarks
skal greitt út á framleiðslu umfram greiðslu-
mark, þó þannig að fyrstu 4% umfram
greiðlumark njóti forgangs.
Nýr samningur um framleiðslu
mjólkur
Hinn 1. september 1998 tók gildi nýr
samningur um framleiðslu mjólkur og gildir
hann til loka verðlagsárs árið 2005. I sam-
ræmi við ákvæði samningsins tók ný
verðlagsnefnd landbúnaðarins sem annast
verðlagningu búvara til framleiðenda og í
heildsölu til starfa og leysti af hólrni fyrri
verðlagsnefnd og fnnmmannanefnd. Þetta
er svipað fyrirkomulag og gilti fyrir breyt-
inguna á búvörulögunum 1985. Nefndinni
er ætlað að ákveða lágmarksverð á mjólk til
bænda út samningstímabilið en fella á niður
verðlagningu í heildsölu eigi síðar en 30.
júní 2001.1 sjálfum samningnum er gert ráð
fyrir að viðskipti með greiðslumark verði
áfram heimil en að þau skuli fara um einn
markað. I breyttum búvörulögum eru hins
vegar engin ákvæði um að viðskipti með
greiðslumark skuli fara um slíkan markað og
hefur engin breyting verið gerð á fyrir-
komulagi viðskipta með greiðslumark
mjólkur. í samningnum er gert ráð fyrir að
stuðningshlutfall ríkis verði óbreytt, 47,1%
og beingreiðslur reiknist af lágmarksverði
mjólkur á hverjum tíma.
Afkoma kúabænda
Hagþjónusta landbúnaðarins gefur út
niðurstöður úr uppgjöri búreikninga á
haustin fyrir næstliðið ár. Þrátt fyrir nokkrar
hækkanir á mjólk til bænda á seinni hluta
ársins 1997 sýndu niðurstöður ársins 1997
eltki að bati hefði orðið á afkomu kúa-
bænda. Framlegð hækkaði þó frá fyrra ári en
á móti hækkuðu afskriftir og fjármagns-
kostnaður. Launagreiðslugeta lækkaði því á
þeim 163 búum sent kornu til uppgjörs
bæði 1996 og 1997. Árið 1997 kornu til
29