Búnaðarrit - 01.01.1998, Qupperneq 71

BÚNAÐARRIT 1998
Ferðaþjónusta
Tekjur í ferðaþjónustu eru annars vegar af
sölu gistingar og veidnga í tengslum við
hana en hins vegar af sölu annarrar þjón-
ustu, svo sem afþreyingar, minjagripa o.fl.
Samkvæmt verðmætaáætlun Framleiðslu-
ráðs landbúnaðarins fyrir árið 1998 gáfu
tekjur af sölu gistingar og veitingasölu
tengdri henni 67% af tekjum í greininni en
sala annarrar þjónustu 33%. Verðmæti
seldrar þjónustu og vara hjá ferðaþjónustu
voru samkvæmt sömu heimild 4,7% heild-
arverðmæta landbúnaðarframleiðslunnar
árið 1998.
Árið 1998 var gott hjá ferðaþjónustu-
bændum. Aukning á komu erlendra ferða-
manna til landsins skilaði sér í fjölgun gisti-
nátta á landsbyggðinni. Vegna eindæma
veðurblíðu á Suðurlandi varð aukningin þar
enn meiri en í öðrum landshlutum.
Mikil aukning var í komu ferðamanna frá
Frakklandi og Ítalíu og má þakka það aukn-
um áhuga í þessum löndum á Islandi og
greiðari samgöngum til landsins yfir sumar-
mánuðina. Einnig er gisting á sveitabæjum
vel þekkt í þessurn löndum.
I kynningarstarfi Ferðaþjónustu bænda
hefur verið lögð áhersla á afþreyingu sem er
í boði hjá bændum. Ein mikilvægasta ástæða
þess að gestir dvelja lengur en eina nótt er að
áhugaverð afþreying er í boði á staðnum eða
í næsta nágrenni. Ferðamenn gera sífellt
meiri kröfur um gæði þjónustunnar. Þar er
ekki aðeins átt við betri herbergi heldur
einnig að samræmi sé á þjónustunni hvar
sem gist er og að verðlagning sé hin sama
fyrir sömu þjónustu. Mikilvægt er að bænd-
ur standi þétt saman og geri gistingu á
bóndabæjum áhugaverðari og persónulegri
en gistingu á hefðbundnum hótelum.
Árið 1998 auglýstu 120 ferðaþjónustu-
bæir þjónustu sína í bæklingi Ferðaþjónustu
bænda en það er svipaður fjöldi og árið á
undan. Gistirými sem skráð er í bæklingi
Ferðaþjónustu bænda nam um 2.500 rúm-
um sem er svipaður fjöldi og árið áður.
Talsvert var um fyrirspurnir á árinu frá
aðilum sem óska aðildar að Ferðaþjónustu
bænda og gera má ráð fyrir aukningu á
framboði á gistirýmum á árinu 1999.
69