Búnaðarrit - 01.01.1998, Side 78

BÚNAÐARRIT 1 998
4. Yfirlit um starfsemi
Bændasamtaka Islands 1998
Bændasamtök Islands voru stofnuð í árs-
byrjun 1995 með sameiningu Búnaðarfélags
íslands og Stéttarsambands bænda. Grunn-
einingar samtakanna eru annars vegar 15
búnaðarsambönd, sem eru þverfagleg lands-
hlutasamtök bænda, og hins vegar 13 sam-
tök einstakra búgreina.
Hlutverk
Bændasamtökin gegna fjölþættu hlutverki
sem fagleg hagsmunasamtök allra bænda í
landinu. Meðal helstu verkefna þeirra eru:
• Að vera málsvari bændastéttarinnar og
beita sér íyrir bættum kjörum hennar.
• Að taka þátt í að móta stefnu í málefnum
bænda og landbúnaðarins í heild.
• Að veita forystu leiðbeiningaþjónustu á
sem flestum sviðum landbúnaðar og
standa fyrir margvíslegri útgáfustarfsemi,
fræðslu og faglegri þróun.
• Að vinna að hvers konar framförum í
landbúnaði er varða ræktun, tækni,
rekstur og gæðamál.
• Að vera stjórnvöldum til ráðuneytis.
• Að hafa með höndum framkvæmd mála
er Alþingi eða ríkisstjórn felur þeim.
Stjórn og starfsfólk.
Æðsta vald samtakanna er í höndum
búnaðarþings sem kemur saman einu sinni
á ári og er skipað 39 fulltrúum. Þeir eru
kosnir til þriggja ára í senn, 28 á vegum
búnaðarsambandanna og 11 frá búgreina-
félögunum. Búnaðarþing kýs samtökunum
sjö manna stjórn til þriggja ára í senn. Ný
stjórn var kjörin árið 1998 og er hún þannig
skipuð:
76