Búnaðarrit - 01.01.1998, Síða 80

BÚNAÐARRIT 1998
Ráðunautarnir eru landsráðunautar, hver
á sínu sviði, og hafa ásamt fagráðum
búgreinanna forystu um stefnumótun og
framkvæmd leiðbeininga í viðkomandi
greinum. Helstu viðfangsefni þeirra á árinu
koma fram í umfjöllun um búgreinarnar hér
að framan.
Útgáfa
Bændasamtökin gefa út Bændablaðið sem
flytur fréttir, skilaboð og leiðbeinandi efni
og er vettvangur daglegra skoðanaskipta um
landbúnaðarmál. Einnig gefa Bændasam-
tökin út Frey sem er faglegt tímarit. Á árinu
1998 kom út 21 tölublað af Bændablaðinu
og 14 tölublöð af Frey. Önnur útgáfa er m.a.
Handbók bænda og ýmis sérrit um búrekst-
ur og búfjárrækt.
Tölvudeild
Starfið í tölvudeild skiptist í skýrsluhalds-
þjónustu, forritun og þjónustu vegna forrita
sem samtökin dreifa til búnaðarsambanda
og bænda.
Af skýrslum eru fyrirferðarmestar kyn-
bótaskýrslur í búfjárrækt en einnig eru
skráðar og gerðar upp forðagæsluskýrslur
fyrir allt landið.
Á síðustu árum hefur verið lögð aukin
áhersla á þróun nýrra tölvuforrita og
aðlögun erlendra forrita, ýmist til notkunar
hjá bændum eða héraðsráðunautum. For-
ritin eru á sviði jarðræktar, búfjárræktar og
búrekstrar og þjóna þeim tilgangi að auð-
velda bændum ákvarðanatöku og yfirsýn
yfir búreksturinn og bæta árangur í rekstri.
Á árinu var sett á markað Windows-
útgáfa af Einka-Feng og hlaut nafnið
Islandsfengur. Auk þess að þjóna innlendum
hrossaræktendum og áhugamönnum um
hrossarækt er forritinu nú einnig beint inn á
erlenda markaði til að efla markaðsstarf
hrossabænda og styrkja stöðu íslands sem
upprunalands íslenska hestsins.
Byggingaþjónustan
Byggingaþjónusta BÍ hannar og teiknar
hvers kyns landbúnaðarbyggingar. Á undan-
78