Búnaðarrit - 01.01.1998, Side 82

BÚNAÐARRIT 1998
5. Yfirlit um starfsemi
Framleiðsluráðs landbúnaðarins 1998
Framleiðsluráð landbúnaðarins var stofnað
með sérstakri lagasetningu frá Alþingi sem
tók gildi 1. júlí 1947 og starfar nú
samkvæmt búvörulögum nr. 99/1993 um
framleiðslu, verðlagningu og sölu á bú-
vörum með síðari breytingum. I Fram-
leiðsluráði sitja 1 5 fulltrúar skipaðir til eins
árs í senn. Stjórn Bændasamtaka fslands
tilnefnir fjóra fulltrúa í ráðið, búgreina-
samtök átta og samtök sláturleyfishafa og
mjólkursamlaga sinn fulltrúann hvort. Þá
skipar landbúnaðarráðherra fimmtánda
fulltrúann.
I 6. gr. búvörulaganna er kveðið er á um
verkefni Framleiðsluráðs en þar segir m.a.:
Verkefni Framleiðsluráðs eru, auk þess
sem mælt er fyrir lögum þessum eftirfar-
andi:
1. Að stuðla að því að framleiðsla og
vinnsla búvara verði í samræmi við
ákvæði 1. gr.
2. Að annast stjórn búvöruframleiðslunnar
eftir því sem nánar er mælt fyrir í lögum
þessum og fyrirmælum sem sett eru á
grundvelli þeirra.
3. Að annast verðskráningu búvara og
auglýsa verð þeirra.
4. Að gera áætlanir um framleiðslu og sölu
búvara.
5. Að vera umsagnaraðili um skipulag
vinnslu búvara og hafa eftirlit með því að
starfsemi afurðastöðva sé sem hag-
kvæmust.
6. Að halda skýrslur um framleiðslu og sölu
búvara og að gefa út ársrit um þróun og
hag landbúnaðarins.
80