Fréttablaðið - 27.03.2010, Blaðsíða 40
2 vín&veisla
Kassavínin eiga sér stutta sögu á mark-aðinum en þau hafa náð sterkri stöðu í löndum sem ekki eru víngerðarlönd
og ég held ég megi fullyrða að Norðurlanda-
þjóðirnar eigi heimsmet í notkun á þeim,“
segir Gissur. Hann telur Svía duglegasta að
kaupa kassavín en Íslendingar teygja sig í
áttina til þeirra. „En ef þú ferð hins vegar til
landa þar sem vín hafa verið framleidd í ár-
hundruð, til dæmis Ítalíu, Spánar eða Frakk-
lands, þá er fólk þar með flöskuna á lofti,“
tekur hann fram.
Kassavín sem seld eru í ÁTVR eru mis-
munandi að gæðum að sögn Gissurar en
mörg þeirra segir hann prýðisgóð. Hvernig
á almenningur svo að fara að því að velja?
„Við reynum að leiðbeina viðskiptavinum
okkar enda erum við með fólk hér í smökk-
un og gæðamati á vínum alla daga. Svo setj-
um við upp hillumiða með lýsingum á því
sem við finnum í víninu, eiginleikum þess
og bragði, til dæmis hvort það sé ávaxtaríkt,
sætt eða súrt. Einnig setjum við matartákn
á miðana til að gefa hugmynd um með hvaða
mat hvert og eitt vín henti best,“ segir hann
og útskýrir nánar. „Við erum kannski með
tvo kassa af rauðu víni, annað er það bragð-
mikið að gott er að drekka það með nauta-
steik, lambi og einhverju kjöti af grillinu
en svo er hitt lauflétt og hentar í fordrykk
eða með pastaréttum, pinnamat, salati eða
kjúklingi.“
Verðbil milli kassavíntegunda hefur
breikkað en Gissur segir ekki fyllilega hægt
að treysta á að samhengi sé milli gæða og
verðs. Hann bendir líka á að smekkur fólks
sé misjafn og best sé fyrir hvern og einn
að prófa sig áfram. „Það er þó almenn stað-
reynd að enginn heiðvirður framleiðandi
setur bestu vínin sín í pappaumbúðir,“ segir
hann. „Um leið og hann er kominn í betri
hluta framleiðslunnar á hverju ári þá tappar
hann henni á flöskur.“
Kaupendahópur kassavína er alltaf að
stækka því æ meira selst af þeim, eins og
fram kemur í byrjun þessarar greinar.
„Okkar sölukerfi í Vínbúðunum er þannig
að það sem selst fær hillupláss en ef eitt-
hvað hættir að seljast þá kemur annað inn
í staðinn. Við starfsmennirnir í búðunum
skiptum okkur ekkert af vöruvalinu,
viðskiptavinurinn stýrir því alfarið. Ef
keypt er nóg af einhverri tegund þá helst
hún í inni, annars ekki.“
Viðskiptavinir stýra
vöruvali í hillunum
Úrval kassavína er alltaf að aukast hér á landi enda vex sala þess jafnt og þétt. Sú þróun er í
takt við það sem gerst hefur í kringum okkur, að sögn Gissurar Kristinssonar vínfræðings.
VINSÆL VÍN
Tegundum
kassavínflórunnar er
alltaf að fjölga að
sögn Gissurar, sem
er vínfræðingur hjá
ÁTVR og hefur
kennt verðandi
kokkum og þjónum
í Hótel- og
matvælaskólanum í
fjölda ára.
LÉTT OG LJÚFFENG MÁLTÍÐ Ung vín batna við að komast í karöflur og anda áður en þeirra er neytt. NORDICPHOTOS/GETTYIMAGES
FR
É
TTA
B
LA
Ð
IÐ
/P
JE
TU
R
vín&veisla fylgir laugardagsblaði Fréttablaðsins l Útgefandi: 365 miðlar Forsíðumynd: NordicPhotos/Getty
8 KASSAVÍN
LA HABANERA
TEMPRANILLO
Þetta vín hefur legið í 6 mánuði á eik
og er frábært með lambi og grillmat.
Verð í Vínbúðinni: 5.599.
J.P.CHENET CABERNET
SAUVIGNON – SYRAH
Mest útfluttu vín Frakklands og hafa fyrir
löngu sannað gildi sitt hér á landi. Gott eitt
og sér en flott með veislumat af ýmsu tagi.
Verð í Vínbúðinni: 5.799.
SUNRISE CABERNET
SAUVIGNON
Hefur farið sigurför um landið
undan farin ár og ekkert lát virðist
vera á vinsældum þessa
frábæra víns. Ein bestu kaupin í dag.
Verð í Vínbúðinni: 5.599.
CONCHA Y TORO
RESERVA CARMENÉRE
– CABERNET SAUVIGNON
Vín sem kemur skemmtilega á óvart.
Hentar einstaklega vel með kjöti og þá
sér í lagi grillmat. Hágæða vín í kassa.
Verð í Vínbúðinni: 5.999.
MEZZACORONA PINOT GRIGIO
Frábært vín frá Norður-Ítalíu sem hefur
mikinn og frísklegan ávöxt og hentar
afar vel með ýmsum sjávarréttum og
ljósu kjöti.
Verð í Vínbúðinni: 5.999.
J.P. CHENET COLOMBARD
– CHARDONNAY
Snilldar vín frá Frakklandi sem hefur í sér
ferskan sítrus í bland við algjöra ávaxta-
bombu – hentar vel eitt og sér eða með
léttum mat.
Verð í Vínbúðinni: 3.599.
ARTHUR METZ RIESLING
Líflegt vín með frísklegum ávöxtum,
millisætt með ástríðualdin og perum –
alvöru vín frá Alsace í kassa.
Verð í Vínbúðinni: 4.999.
SUNRISE CHARDONNAY
Suðrænir ávextir eru áberandi og vínið
er ferskt með góðri fyllingu. Frábært í
veisluna, vinahópinn eða á veröndina.
Verð í Vínbúðinni: 5.599.