Fréttablaðið - 27.05.2010, Síða 62

27. maí 2010 FIMMTUDAGUR
Landkynningarátak ferða-
málafyrirtækja og iðnaðar-
ráðuneytisins vegna eld-
gossins er smám saman að
taka á sig endanlega mynd.
Vefsíðan inspiredbyiceland.
com verður opnuð í dag og
nú er verið að leggja loka-
hönd á óhefðbundna auglýs-
ingu.
Umrædd auglýsing skartar erlend-
um ferðamönnum í íslensku lands-
lagi þar sem þeir tala um upplifun
sína af íslenskri náttúru. Í sumum
tilvikum hefur Ísland svo mikil
áhrif að þeir stíga trylltan dans
undir laginu Jungle Drum eftir
Emilíönu Torrini.
Reynir Lyngdal er leikstjóri
myndbandsins, tökumaður er Berg-
steinn Björgúlfsson en höfundur-
inn er Bragi Valdimar Skúlason
hjá Fíton. Bragi segir auglýsinguna
hugsaða til dreifingar á netinu, hún
eigi eiginlega að dreifa sér sjálf og
flokkast því sem svokallað „viral
video“. Reynir segir það hafa verið
gríðarlega skemmtilegt að vinna
auglýsinguna, þeir hafi farið hring-
inn í kringum landið og tekið við-
töl við túrista sem flestir hafi verið
bergnumdir af náttúrufegurðinni.
„Auglýsingin á fyrst og fremst að
vera skemmtileg, þetta eru mynd-
brot af fallegum stöðum í höfuð-
borginni og svo úti um allt land,“
segir Reynir en stórsveitin Útidúr
er meðal þeirra sem birtist í auglýs-
ingunni, hún leikur af sinni alkunnu
snilld á Austurvelli í blíðskapar-
veðri. Meðal annarra sem koma við
sögu er kór Öldutúnsskóla en aðal-
áherslan er lögð á frásagnir ferða-
mannanna. freyrgigja@frettabladid.is
Túristar dansa við Jungle
Drum í íslenskri náttúru
MIKIÐ STUÐ Hljómsveitinni Útidúr bregður fyrir í ímyndarauglýsingu fyrir Ísland þar sem hún leikur af sinni alkunnu snilld í veður-
blíðunni á Austurvelli. Tökur á auglýsingunni, sem flokkast sem „Viral Video“, fóru fram í vikunni. FRÉTTABLAÐIÐ/GVA
„Þú veist að þú
elskar einhvern
þegar þú vilt
ekkert frekar
en að hinn
aðilinn sé
hamingju-
samur, jafnvel
þótt þú sért
ekki hluti af
þeirri ham-
ingju.“
JULIA ROBERTS
þegar hún var
spurð út í ást án
skilyrða.
„Vinsældir leikara
eru hverfular. Þær eru
hér einn daginn og farn-
ar þann næsta.“
HARRISON FORD
um frægðina.
„Ég held það sé mikill munur á því að vera
heimskur og kjánalegur. Heimsk mann-
eskja veit ekkert. Það að vera kjánalegur er
að hafa hugrekki til að spyrja um það sem
maður ekki veit.“
JESSICA SIMPSON
hefur oft verið talin undir meðaltali þegar kemur að
greind.
folk@frettabladid.is
„Ég er að safna heimildum. Þetta
er, held ég, einstakur viðburður í
Íslandssögunni,“ segir leikstjór-
inn Gaukur Úlfarsson sem fylg-
ir grínistanum og frambjóðanda
Besta flokksins, Jóni Gnarr, eins
og skugginn þessa dagana. „Ég
fékk leyfi til að mynda allt þetta
ferli. Það er ótrúlega gaman að fá
að fylgjast með þessu. Þetta er
líka mjög upplýsandi fyrir fólkið
í landinu að sjá hvernig þetta allt
fer fram.“
Gaukur, sem byrjaði að taka
upp í desember, er ekki búinn að
ákveða hvað hann ætlar að gera
við myndefnið, en nýlega mynd-
aði hann uppistand Jóns í Land-
námssetrinu. „Ég er ekki búinn að
hugsa það langt. Ég á bara fullt í
fangi með að eltast við Jón út um
allar trissur,“ segir hann. „Þetta
er frábært efni sem ég hef náð,
enda er maðurinn einstakur snill-
ingur. Hann stoppar aldrei, hvort
sem hann er að segja skemmtileg-
ar sögur eða hugsa upphátt. Hann
er ekki bara fyndinn heldur er
hann mikill hugsjónamaður.“
Gaukur hefur sjálfur unnið
fyrir Besta flokkinn. Spurður
hvort eingöngu jákvæð mynd
verði dregin upp af Jóni segir
Gaukur að hann hafi ekki enn
rekist á neina óvænta, neikvæða
hlið á Jóni. „Ég held að þjóðin hafi
ákveðna hugmynd um hver hann
er en svo er hann töluvert mikið
öðruvísi en það. Hann er mikið
meiri andans maður og hugsuð-
ur en ég hefði látið mér detta í
hug. En hann er auðvitað fyndn-
asti hugsjónamaður sem ég hef
kynnst.“ - fb
Fylgir Jóni eins og skugginn
GAUKUR ÚLFARSSON Safnar heimild-
um um framboð Jóns Gnarr fyrir Besta
flokkinn.
VILTU
VINNA
EINTAK? 10. HVERVINNUR!
Á DVD OG BLU-RAY
MEÐ ÍSLENSKU TALI!
Vinningar afhentir í ELKO Lindum. 199 kr/skeytið.
Með því að taka þátt ertu kominn í SMS klúbb.
FULLT AF AUKAVINNINGUM
TÖLVULEIKIR • DVD MYNDIR • GOS
OG MARGT FLEIRA!
SENDU SMS SKEYTIÐ
EST SKV Á NÚMERIÐ
1900 OG ÞÚ GÆTIR
UNNIÐ EINTAK!