Fréttablaðið - 02.10.2010, Side 48

2. október 2010 LAUGARDAGUR2
Jólaþorpið í Hafnarfirði er löngu orðið
sígilt. Undirbúningur er þegar hafinn og eru
þeir sem hafa hug á þátttöku beðnir um að
skrá sig á www.visithafnarfjordur.is
„Ég þekki ekkert annað en að búa
í Hafnarfirði en ég vann um sex
ára skeið í Reykjavík og það var
ótrúleg kjarabót að komast aftur í
Fjörðinn því það kostar bæði tíma
og peninga að keyra á milli. Nú hef
ég vinnustofuna, hina vinnuna og
heimilið í sama bæjarfélagi,“ segir
Steindóra Bergþórsdóttir ánægju-
leg og heldur áfram. „Hér fæ ég
líka allt sem mig vanhagar um.
Ég fer í Kringluna eða
Smáralind einu sinni á
ári – í mesta lagi.“
Steindóra er gler-
listakona sem á tvær
einkasýningar að baki
og margar samsýning-
ar. Hún rekur Gallerí
Klett að Helluhrauni
16, ásamt tveimur
öðrum. Eftir Mynd-
lista- og handíðaskól-
ann fór hún að kenna
myndmennt í skólum
og byrjaði þar að gera
tilraunir með gler.
„Ég varð alveg heilluð
af glerinu og vil helst
ekkert gera annað en
vinna úr því,“ segir
hún brosandi. Hún
kveðst nota sér-
stakt listgler sem
sé þeirri nátt-
úru gætt að litir
í því gangi saman
enda hafi þeir sama
þenslustig.
„Ég hef líka
verið að búa til
verk úr bræddu gleri
og kopar,“ bætir hún við.
„Það er spennandi.“
„Hin vinnan“ hjá
Steindóru reynist vera
launaútreikningur hjá
hafnfirsku fyrirtæki,
hönnun á auglýsing-
um og hinu og þessu.
Þar kemur listaeðlið að
notum líka.
Steindóra er gift
Sæmundi Stefánssyni,
kennara við Iðnskólann í
Hafnarfirði, sem einnig
er Gaflari í húð og hár.
Þau hjón hafa vitað hvort
af öðru síðan í
grunnskóla, lentu
í sama bekk í
Flensborg, fóru
bæði í Mennta-
skólann í Reykja-
vík og hafa fylgst
að síðan. Búskap-
inn byrjuðu þau í
húsi við Krosseyrar-
veg sem var sextíu
fermetrar í allt, á tveimur
hæðum. „Við þurftum eiginlega
að fara út á tröppur til að skipta
um skoðun,“ rifjar Steindóra upp
hlæjandi. „En ég segi nú Sæmundi
í gríni að hann sé ekki jafn ekta
Hafnfirðingur og ég, því hann hafi
fæðst á Landspítalanum. Ég var
hins vegar barn númer 100 sem
fæddist á Sólvangi. Þar var bæði
elliheimili og fæðingardeild um
tíma og það var ósköp krúttlegt.
Dóttir okkar, Björg, kom í heim-
inn þar 1975 en deildin var lögð
niður fljótlega á eftir og síðan fæð-
ast engin börn í Hafnarfirði nema
í heimahúsum.“ gun@frettabladid.is
Barn númer hundrað
sem fæddist á Sólvangi
Listakonan Steindóra Bergþórsdóttir er borinn og barnfæddur Hafnfirðingur og býr nú í jaðri Víðistaða-
túns. Hún vinnur og verslar í heimabænum og krækti sér vitaskuld í hafnfirskan eiginmann.
Konungurinn í skóginum er
úr gleri og koparþynnum.
Skál eftir Steindóru úr Bulls-
eye-listgleri.
„Ég varð alveg heilluð af glerinu og vil helst ekkert annað gera en vinna úr því,“ segir Steindóra, sem hér er við iðju sína í Gallerí
Kletti. FRÉTTTABLAÐIÐ/ANTON
Hinar vinsælu broste Copenhagen vörur eru komnar aftur !
Fást í næstu blóma – og gjafavöruverslun. Heildsöludreifing Danco.
Full búð af flottum skóm
kr. 13.995
kr. 13.995 kr. 15.995
kr. 16.995
kr. 18.995
Firði Hafnarfirði S: 555-4420
S K Ó H Ö L L I N
HAFNARFJÖRÐUR