Fréttablaðið - 02.10.2010, Qupperneq 80

8 FERÐALÖG
Bernard Delanoi, sósíalisti og borgarstjóri
Parísar, lét árið 2007 þann draum rætast
að gera hjól aðgengileg öllum borgarbúum
gegn vægu gjaldi. Hjólaleigukerfinu Velib
var hleypt af stokkunum um mitt sumar, tíu
þúsund hjól sett í umferð á 750 stöðvum þar
sem pláss er fyrir 15 hjól á hverri og einni.
Nú þremur árum síðar eru hjólin orðin
tuttugu þúsund og stöðvarnar í París sjálfri,
hverfunum tuttugu sem borgin er samsett
úr, eru að nálgast tvö þúsund.
Sú sem þetta ritar hafði rekist á umfjöll-
un um Parísarhjólin og var harðákveðin í
að prófa að hjóla í þessari fornu og fallegu
borg. Á sunnudegi eftir göngutúr um eyjarn-
ar á Signu, Ile St-Louis og Ile de la Cité, var
látið til skarar skríða. Vopnuð kreditkorti
fann ég hjólagrind, sem var auðvelt því þær
eru út um allt. Þar voru nokkur hjól og þegar
ekki gekk að rífa þau laus úr grindinni, þó
að ég veifaði kreditkorti í allar áttir, höfðu
mér næstum fallist hendur. Ég var farin að
svipast um eftir aðstoð þegar þolinmóðari
samferðamaður sá upplýsingaskilti. Þar
reyndist mjög auðvelt að fylgja leiðbeining-
um, eftir að kreditkorti hafði verið stung-
ið í þar til gerða rauf, leiddi eitt af öðru og
hægt var að velja sér hjól. Leigan er lág, 1
evra fyrir daginn, lækkar ef lengri tími er
valinn, fyrsti hálftími er ókeypis en eftir
það kostar klukkutíminn evru. Ef hjólinu er
ekki skilað eru 150 evrur dregnar af kort-
inu. Maður velur sér lykilorð, og fær kvitt-
un með númeri sem maður notar þegar hjól-
inu er skilað, en þetta er allt mjög einfalt í
framkvæmd.
Hjólin sjálf eru mikil gæðahjól, þriggja
gíra þung hjól, með körfu og ljósi, framleidd
af franska fyrirtækinu Mercier í Ungverja-
landi.
Eftir glímuna við að ná í hjólið var lagt
af stað meðfram Signubökkum. Það var frá-
bært að hjóla í rólegheitum en ná samt alla
leið að Eiffelturninum á tiltölulega skömm-
um tíma, komast hratt yfir og njóta útsýn-
isins um leið. Hjólreiðamenn nota göturnar,
enda eru mjög víða sérmerktar hjólareinar á
götunum. Á sunnudegi var umferðin ekkert
sérstaklega mikil og það var mjög auðvelt
að komast leiðar sinnar. Frá Eiffelturnin-
um lá leiðin í Latínuhverfið í gegnum Mont-
parnasse-hverfið. Hjólagrindur Velib voru
á hverju strái þannig að þegar hungur og
þorsti fóru að segja til sín var ekkert mál
að losa sig við gripinn. Fyrir valinu varð
stöð Rue de la Harpe, alveg við St. Germ-
ain-breiðgötuna og þar reyndist vera fyrir-
taks bistró þar sem kræklingur í hvítvíni og
creme brulée urðu fyrir vali ánægðra hjól-
reiðakappa. En það er önnur saga. - sbt
HJÓLAÐ VIÐ SIGNU
Kaupmannahöfn er ekki eina borgin sem þægilegt er að hjóla í eins og Sigríður Björg Tómasdóttir blaðamaður
Fréttablaðsins komst að þegar hún sótti Parísarborg heim á dögunum.
Fínn ferðamáti! Sigríður varð sér úti um gæðahjól í París.
ÞAÐ ER MJÖG AUÐVELT AÐ KOMAST LEIÐAR SINNAR Í PARÍSAR-
BORG. ÞEIR SEM HAFA EKKI ÁHUGA Á AÐ STÍGA Á GRÁAN HJÓLA-
FÁK HAFA ÚR NOKKRUM MÖGULEIKUM AÐ VELJA:
TVEIR JAFNFLJÓTIR Það er mjög þægi-
legt að fara ferða sinna fótgangandi og
þannig er hægt að virða fyrir sér fólk og
mannvirki í mestu makindum. Ferðir á
milli staða taka þó vissulega lengri tíma.
NEÐANJARÐARLEST Neðanjarðar-
lestarkerfi Parísarborgar, metró, er afar
þægilegt og auðskiljanlegt jafnvel mestu
korta- og leiðbeiningaaulum. Stutt er á
milli lestarferða og hægt er að komast
bæjarenda á milli á stuttum tíma. Kort af
metrókerfinu er í flestum ferðahandbók-
um og kortum af París.
STRÆTÓ Fyrir næturhrafna er gott að vita að
þegar metróið hættir að ganga eru nætur-
strætóar á ferðinni (nánari upplýsingar á www.
noctilien.fr). Á daginn eru líka strætóar á
ferðinni, en metrókerfið er einfaldara.
LEIGUBÍLAR Leigubílar eru úti um allt og geta
verið góður kostur fyrir þá sem eru með fangið
fullt af verslunargóssi.
TIL OG FRÁ FLUGVELLINUM Þegar komið er
til Parísar er hægt að taka lestina inn í borg og
sniðugt að fara úr á Gare de Nord þaðan sem
lestir ganga til allra átta. Þessi túr kostar tæpar 9 evrur. Sum hótel
bjóða upp á hótelskutl og er vert að athuga það. Annars kostar leigu-
bíll 55 evrur, sem er ekki mikið dýrara en lest ef margir ferðast saman.
AÐRAR LEIÐIR
TÁKN BORGARASTÉTTAR?
Hjólakerfið Velib hefur reynst
Parísarborg dýrara en talið var í
upphafi. Ástæðan er sú að miklu
fleiri hjólum hefur verið stolið
og fleiri skemmd en gert hafði
verið ráð fyrir. Reiknað hafði
verið með svipuðum afföllum
og í Lyon, þar sem sambærilegt
kerfi er við lýði, en sú varð ekki
raunin. Fyrsta árið var 3.000
hjólum stolið. Í ágúst 2009
höfðu 16.000 ný hjól verið sett
í umferð en kerfið er talið kosta
um 230 milljónir á ári. Fræði-
menn hafa leitt að því líkur að
fátæk ungmenni í úthverfum
Parísar hafi átt töluverðan þátt
í skemmdarverkunum og séu
með því að tjá andúð sína á
borgarastétt Parísar, aðalnot-
endum hjólanna. Heimild: Wikipedia
ROKKTÓBER
FEST 2010
Á SÓDÓMU
30.9 – 2.10
Auglýsingasími