Morgunn - 01.12.1941, Qupperneq 71

MORGUNN
169
inn og drottninguna; og nú sé ég hóp af mönnum, þeir
eru að myrða konunginn. Drottningin biður sér miskunn-
ar og ég sé ekki hvort þeir myrða hana, en konungurinn
er dáinn. Þetta er hræðilegt! hryllilegt!“ Þetta skeði
20. marz.
Hinn miðillinn, sem var viðstaddur, frú Brenchley að
nafni, staðfesti lýsingu frú Burchell og bætti nokkrum
nánari atriðum við.
Konungshjónin voru myrt í höllinni í Belgrad þ. 10.
júní, eða rúmum hálfum þriðja mánuði eftir að frúrnar
sáu atburðinn fyrir i London.
Tilraunina með miðlana gerði W. Stead að undirlagi
serbneska sendiherrans í London, en hann varð svo grip-
inn af spánni, að hann skrifaði konunginum og bað hann
að vera vel á verði ekki að eins úti, heldur og inni í höllinni.
Sendiherrann minntist á spádóminn í dagbók sinni 24.
marz, svo að ekki var hægt að segja, að sagan hafi verið
búin til eftir dauða konungshjónanna.
Merkileg aðvörun.
Dr. Wolf hét nafnkunnur fræðimaður í Austurlanda-
málunum og víðfrægur fyrir guðræknisrit sín.
Árið 1822 var hann á ferð til Austurlanda og dvaldi um
hríð hjá brezka aðalræðismanninum í Aleppó og Antí-
okkíu, sem hét Barker. Barker sýndi honum dag nokkurn
bréf frá Lady Hester Stanhope, þar sem skrifað var í
apríl 1821 á þessa leið: „Minn kæri herra Barker. Ég
skora á yður að fara ekki til Antíokkíu eða Aleppó, því að
báðar þessar borgir verða lagðar í auðn innan h. u. b. eins
árs. Ég segi yður þetta í nafni spámannsins Lustenau“.