Fréttablaðið - 27.11.2010, Side 51

Hjálparstarf kirkjunnar 5
Hvað breyst á þínum starfstíma?
Hjálparstarfið hefur mikið breyst á
þessum tuttugu árum. Menn hafa
lært mikið síðan þá. Einkum það
að mæta fólki þar sem það er.
Koma ekki inn með miklar
nýjungar sem engin hefð er fyrir
eða þekking á. Öll okkar verkefni
eru til dæmis afar einföld í sniðum.
Að pumpa vatni upp úr oft
handgröfnum brunnum, að rækta
matjurtir í litlum görðum, að reka
skepnur til og frá og hafa af þeim
nyt. Það er misskilningur að alltaf
sé hægt að koma inn með eitthvað
sem þykir gott hjá okkur en þekkist
ekki þar. Hugarfarið skiptir svo
miklu máli og er oft erfiðast að
breyta því. Það hefði mátt halda að
fólk myndi borða bragðvont
fiskimjöl út á grautinn sinn ef það
veit að það er hollt. En fólk gerir
það ekki þótt það eigi á hættu að
deyja úr hungri því mjölið er svo
framandi. Þess vegna eru fræðsla
og það að fá fólk til þátttöku í
verkefnum nú orðin svo stór þáttur
í þróunaraðstoð. Við virkjum
leiðtoga í hverju samfélagi því þeir
eru fólki fordæmi og þeir veita
fræðslu og hvatningu. Við virkjum
konur og munaðarlaus ungmenni,
fatlaða og til dæmis HIV-smitaða
til að hjálpa þeim að koma sínum
skoðunum og þörfum að þegar
takast á við breytingar og
framfarir. Með reynslunni verða
fagleg vinnubrögð í geiranum líka
sífellt meiri. Við höfum þurft að
laga okkur að því og það hefur
verið mjög spennandi að vinna
hlutina á þann hátt frekar en fara
eftir einhverju innsæi eða ekki
innsæi eins og tíðkaðist meira
áður. Þá hefur góðgerðahugsunin
ráðið meira ríkjum á móti
réttindahugsuninni núna. Nú
fylgjum við algildum
mannréttindum og fræðum fólk
um rétt sinn og hjálpum þeim sem
bera skyldurnar til að mæta
þessum réttindum – eins og hægt
er í fátækum löndum. Þetta er
miklu árangursríkara. Þá virkjar
fólkið sjálft stofnanir og innviði og
gerir hjálparstofnanir vonandi
smátt og smátt óþarfar.
Hvernig fara í þig þau erfiðu mál
sem Hjálparstarf kirkjunnar
glímir við í verkefnum sínum,
hvernig hleður þú batteríin?
Ég hef náttúrulega harðan skráp,
búinn að koma mér honum upp.
Áður en ég hóf störf hjá
Hjálparstarfinu var ég kristniboði í
Eþíópíu í 12 ár. Þar kynntist ég
skepnufelli og hungursneyð, stóð í
sjúkraflutningum og kom að þar
sem átti að fórna börnum til að
losa þorp undan bölvun. Trúin
hefur styrkt mig í þessum
aðstæðum og gefið mér krafta til
að leggja allt mitt í að milda
aðstæður fólks. Svo er ég duglegur
að bóna bílinn. Það kunna margir
að tengja gamaldags karlaímynd
en mér finnst það kyrra hugann
ótrúlega mikið. Ég hjóla mikið,
fékk einmitt nýtt hjól í afmælisgjöf
í sumar. Svo má ekki gleyma því
að ég er ekki einn á vaktinni núna.
Smám saman hefur stofnunin
stækkað og fleira fólk komið til
starfa. Það hefur allt verið mikill
fengur fyrir starfið. Nú erum við
sjö. Við vinnum mikið saman og
deilum þar með álaginu sem
vissulega getur verið mikið á
köflum. En árangurinn af starfi
okkar er alveg greinilegur hverjum
sem vill kynna sér það. Maður
grípur alltaf til þess þegar svartsýni
sækir á mann, þegar neyðar- og
hjálparbeiðnir berast sem aldrei
fyrr og manni finnst ekki sjá högg
á vatni. Þá þarf maður að minna
sig á þá einstaklinga sem maður
hefur hitt, þá gjörbyltingu sem
varð á þeirra lífi við að fá aðstoð
frá Íslandi. Þá veit maður að
verkin eru ekki unnin fyrir gýg.
Hvað er þér efst í huga núna
fyrir jólin?
Mig langar að fá að koma hér að
þakklæti til allra sem hafa stutt
Hjálparstarf kirkjunnar í gegnum
árin. Án þeirra hefði náttúrulega
ekkert verið gert. Ég er þakklátur
fyrir að hafa haft hjálparstarf að
starfsvettvangi og fengið að starfa
með góðu fólki. Ég vona að
stuðningsmenn okkar sjái líka
þennan árangur sem náðst hefur
og ég nefndi áðan. Um hann eru
líka dæmi í blaðinu okkar og á
vefsíðunni help.is. Nú er aðventan,
tími sem við eigum að verja til
þess að endurmeta gildi okkar og
gerðir. Taka ný mið ef þörf er á. Ég
vona að sem flestir taki afstöðu
með náunganum og leggi jóla-
söfnun Hjálparstarfsins lið eða
leggi sig á annan hátt fram um
að vera samferðamönnum til
blessunar.
LÆGSTA VERÐIÐ Á DEKKJUM
samkvæmt Neytendastofu
Neytendastofa framkvæmdi verðkönnun á dekkjum hjá 28 hjólbarðaverkstæðum.
Dekkjahöllin var með lægsta verðið í 11 af 12 tilvikum. Sjá nánar á dekkjahollin.is
eða á heimasíðu Neytendastofu.
TEMPRA WINTERQUEST
WILD SPIRIT
Marangoni heilsársdekk eru
framleidd úr mjúku gúmmíi, sem
inniheldur þúsundir agnarsmárra
kristalla. Kornin á yfirborði
dekksins auka grip þess. Síðan
þegar kornin detta úr, þá verða
eftir örlitlar holur, sem virka eins
og sogskálar