Fréttablaðið - 27.11.2010, Page 118

86 27. nóvember 2010 LAUGARDAGUR
HVAÐ? HVENÆR? HVAR?
Laugardagur 27. nóvember
➜ Tónleikar
16.00 Nemendur við Tónlistarskól-
ann í Reykjavík flytja rómantísk verk í
Þjóðmenningarhúsinu í dag. Tónleikarn-
ir hefjast kl. 16.
16.00 Hljómsveitin Orphic Oxtra verð-
ur með tónleika í Havarí í dag kl. 16.
23.00 Á Faktorý koma í kvöld fram
7Berg, Diddi Fel, Emmsjé Gauti og
Introbeats. Tónleikarnir hefjast kl. 23 og
er aðgangseyrir 1000 krónur.
➜ Opnanir
15.00 Sýning þeirra Áslaugar
Thorlacius, Finns Arnars Arnarsson-
ar, Salvarar, Kristjáns, Hallgerðar og
Helga Finnsbarna verður opnuð í dag
kl. 15 í Ásmundarsal í Listasafni ASÍ.
17.00 Rakel McMahon og Snorri
Ásmundsson opna sýninguna Blow me
(pott)- Bloody beauty, ókei? í dag kl. 17
í Crymo við Laugaveg.
Jón Henryson hefur opnað sýninguna
Mýndabók mannlegra skepna í litum í
sýningarsal Íslenskrar grafíkur í Tryggva-
götu 17 (hafnarmegin).
➜ Fundir
16.00 Minningarfundur um heiðurs-
félaga MÍR, þá Nikolas Kúdrjavtsev og
Valeríjs Berkov, í félagsheimili MÍR á
Hverfisgötu 105. Minningarfundurinn
hefst kl. 16.
➜ Málþing
13.00 Málþing í Þjóðminjasafni Íslands
í tengslum við sýningu Einars Fals Ing-
ólfssonar, Í fótspor W.G. Collingwoods.
Málþingið stendur frá 13-15 í fyrirlestrarsal
Þjóðminjasafns Íslands. Aðgangur ókeypis.
14.00 Haustþing AkureyrarAkademí-
unnar verður haldið í dag í Gamla Hús-
mæðraskólanum við Þórunnarstræti 19
á Akureyri frá 14-17. Yfirskrift þingsins er
Menningin og monníngurinn. Aðgangur
ókeypis og allir velkomnir.
➜ Samkoma
14.50 Ljósin verða tendruð á jóla-
trénu á Akureyri í dag kl. 14.50 við
Ráðhús Akureyrar.
Sunnudagur 28. nóvember
➜ Tónleikar
15.00 Bjöllukór Tónstofu Valgerðar
spilar í Borgarbókasafni/Ársafni í dag
frá kl. 15.
17.00 Aðventutónleikar Schola cant-
orum í Hallgrímskirkju í dag. Tónleikarn-
ir hefjast kl. 17 og er aðgangseyrir 2.500
krónur, 1.500 krónur fyrir listvini.
20.00 Í Hafnarborg verður Tríó
Reykjavíkur með tónleika í dag. Tón-
leikarnir hefjast kl. 20 og er miðaverð
2.400 krónur.
➜ Listasmiðja
14.00 Opin listsmiðja fyrir börn og full-
orðna í Viðeyjarstofu í dag frá kl. 14-
16. Ferjutollur og þátttökugjald er 1000
krónur fyrir fullorðna og 500 krónur
fyrir börn.
➜ Útivist
11.00 Ferðafélag Íslands ásamt Góu
efna til Konfektgöngu á Esjuna kl. 11.
Þátttaka er ókeypis og allir velkomnir.
➜ Samkoma
14.00 Félagsvist verður spiluð í Breið-
firðingabúð, Faxafeni 14, í dag kl. 14.
Allir velkomnir.
Upplýsingar um viðburði sendist á
hvar@frettabladid.is
Tónleikar ★★★★
Verk eftir Sibelius, Prókofíev
og Mendelssohn.
Sinfóníuhljómsveit Íslands lék
undir stjórn James Gaffigan. Ein-
leikari: Helga Þóra Björgvinsdóttir.
Hann var óvenju músíkalskur,
stjórnandinn á tónleikum Sinfóní-
unnar í Háskólabíói á fimmtudags-
kvöldið.
Hann heitir James Gaffigan og
mun hafa stjórnað Sinfóníunni áður.
Ég man reyndar ekkert eftir því. En
tónleikarnir nú verða mér minni-
stæðir. Ballettinn eftir Prokofíev,
Rómeó og Júlía, hefur sjaldan verið
eins magnaður. Strengjahljómurinn
var óvenjulega safaríkur og flottur,
það var hreinn unaður að hlusta á
hljómsveitina spila. Tréblásararnir
voru tærir og nákvæmir, og brass-
ið yfirleitt pottþétt. Aðrir voru líka
með á nótunum. Einhverjir hnökr-
ar voru vissulega greinanlegir, en
túlkunin var bara svo sannfærandi
að manni var alveg sama. Hápunkt-
arnir voru þannig að ég fékk
gæsahúð, og það gerist ekki oft á
sinfóníutónleikum.
Annað á efnisskránni kom einnig
vel út. Hin ábúðarfulla, en innilega
tónsmíð eftir Sibelius, Elskhuginn,
var fallega spiluð. Eins og nafnið
bendir til er tónlistin rómantísk,
reyndar var þetta upphaflega kór-
verk. Sem slíkt fjallar það um ungan
mann sem leitar að ástvinu sinni
yfir fjöll og skóga og finnur hana að
lokum. Kórverkið varð flóknara en
tónskáldið hafði gert ráð fyrir, og á
endanum varð það að tónsmíð fyrir
strengi og slagverk. Frammistaða
strengjasveitar Sinfóníunnar var
glæsileg, spilamennskan fókuseruð,
mjúk og umfram allt tilfinningarík
undir öruggri stjórn Gaffigans.
Einleikari kvöldsins var Helga
Þóra Björgvinsdóttir fiðluleikari.
Hún hefur áður spilað með Sinfóní-
unni, en það var í fiðlukonsert eftir
Martinu fyrir tæpum tveimur árum.
E-moll konsertinn eftir Mendelssohn
er mun aðgengilegri og Helga Þóra
lék hann prýðisvel. Hröð nótnahlaup
voru tær og jöfn, hljómurinn í fiðl-
unni var fagur og túlkunin byggð á
þekkingu og fagmennsku. Einstaka
sinnum hefði maður þó viljað hafa
meira líf í leiknum, meiri spennu.
Helga Þóra virtist ekki taka neinar
sérstakar áhættur, sem gerði verkið
stundum óþarflega litlaust. En hún
er samt fínn fiðluleikari. Með meiri
reynslu á eftir að sópa að henni og
það er örugglega mikils af henni að
vænta í framtíðinni. Jónas Sen
Niðurstaða: Óvanalega sannfærandi
túlkun á Rómeó og Júlíu eftir
Prókofíev. Fiðlukonsertinn eftir Mend-
elssohn var líka fallega spilaður og
Elskhuginn eftir Sibelius var hrífandi.
Gæsahúð á fiðlutónleikum
HELGA ÞÓRA BJÖRGVINSDÓTTIR Lék E-moll konsertinn eftir Mendelssohn prýðisvel
en hefði mátt taka meiri áhættu, segir í dómnum.
Grafarvogskirkju
10. desember kl. 20.00
Miðaverð: 3900 kr.
Sigga Beinteins heldur nú í annað sinn hugljúfa og einlæga
jólatónleika ásamt góðum gestum. 10. desember syngja
Cantabile kór Margrétar Pálmadóttur og Kór Hamraskóla
með Siggu í Grafarvogskirkju. Sérstakir gestir kvöldsins eru
systkinin Páll Óskar og Diddú.
Tónleikarnir hefjast kl. 20.00.
Miðasala á midi.is.
Aðrir tónleikar Siggu fyrir jólin: Keflavíkurkirkja 1. desember,
Digraneskirkja 9. desember og Grafarvogskirkja 10. desember.
Allar nánari upplýsingar á siggabeinteins.is
Þú færð Fréttablaðið á kostnaðarverði
á 120 stöðum um land allt. Nánari
upplýsingar á visir.is/dreifing
Þú getur alltaf lesið Fréttablaðið frítt
á Vísi eða fengið sendan daglegan
tölvupóst með blaði dagsins. Nánari
upplýsingar á: visir.is/dreifing
FRÉTTABLAÐIÐ Á NETINU