Fréttablaðið - 27.11.2010, Síða 128

27. nóvember 2010 LAUGARDAGUR96
sport@frettabladid.is
NONNI MÆJU , Jón Ólafur Jónsson, úr Snæfelli, fékk flest atkvæði í kosningu á byrjunarliðsmönnum í Stjörnuleik KKÍ sem fram
fer 11. desember. Í liði Landsbyggðarinnar eru líka Snæfellingarnir Sean Burton og Ryan Amaroso, Páll Axel Vilbergsson (Grindavík)
og Hörður Axel Vilhjálmsson (Keflavík). Pavel Ermolinskij (KR) fékk flest atkvæði í liði Höfuðborgarinnar en aðrir í liðinu eru Ægir Þór
Steinarsson (Fjölni), Marvin Valdimarsson (Stjarnan, Jovan Zdravevski (Stjarnan) og Fannar Ólafsson (KR).
HANDBOLTI Síðari leikur Hauka og
þýska úrvalsdeildarliðsins Gross-
wallstadt, sem landsliðsmaðurinn
Sverre Andreas Jakobsson spilar
með, fer fram á Ásvöllum klukk-
an 17.00 í dag. Íslandsmeistararn-
ir eiga raunhæfan möguleika á að
komast áfram eftir að hafa tapað
fyrri leiknum ytra með aðeins
tveggja marka mun.
„Þetta verkefni leggst vel í
okkur. Það er alltaf gaman að
mæta svona sterkum liðum. Við
höfum mætt mörgum af sterk-
ustu liðum Evrópu á síðustu árum
og það er alltaf jafn gaman. Þess-
ir Evrópuleikir eru eins og lands-
leikir fyrir marga okkar,“ segir
hinn harðskeytti hornamaður
Haukanna, Freyr Brynjarsson.
Hann segir Haukana hafa hitt á
mjög góðan leik ytra.
„Það var okkar besti leikur í
vetur. Vörnin var virkilega góð
hjá okkur í þeim leik. Þeir voru
eflaust að vanmeta okkur eitthvað
á sama tíma og við duttum á góðan
leik. Grosswallstadt datt samt úr
bikarnum um daginn, tapaði fyrir
liði í 2. deild, og þeir eiga því til að
brotna. Ef við náum vörn og mark-
vörslu aftur þá er allt hægt. Sér-
staklega ef við fáum fullt hús og
góðan stuðning. Við hvetjum fólk
til þess að mæta,“ segir Freyr
ákveðinn en frítt er á leikinn.
„Þátttaka í Evrópukeppnum
hefur oft hjálpað okkur í deildinni
heima. Við steinlágum einu sinni
fyrir Val og lögðum síðan hið gríð-
arsterka lið Fotex Veszprém í kjöl-
farið. Leikurinn úti sýndi okkur
hvað við getum. Við munum selja
okkur dýrt í þessum leik og ef allt
smellur hjá okkur er aldrei að vita
hvað gerist.“
Það er ekki ókeypis að taka þátt
í Evrópukeppni og Haukarnir eru
þegar komnir í mínus vegna þátt-
tökunnar í ár. Þeir eru samt dug-
legir að afla fjár og verða meðal
annars með sjávarréttakvöld eftir
leikinn þar sem leikmenn beggja
liða mæta.
„Það eru enn lausir miðar á
sjávarréttakvöldið og þeir verða
seldir á leiknum. Við höfum einn-
ig farið hefðbundnari leiðir til að
afla fjár og meðal annars selt
klósettpappír og þorskhnakka.
Við munum svo gera eitthvað
fleira eftir áramót. Bóna bíla og
svo var líka hugmynd að gefa út
dagatal. Við gerum eitthvað snið-
ugt,“ segir Freyr Brynjarsson
léttur. henry@frettabladid.is
Auglýsa eftir stuðningi
Haukar ætla að selja sig dýrt gegn þýska liðinu Grosswallstadt í dag er liðin mæt-
ast í EHF-bikarnum. Haukarnir þurfa að vinna upp tveggja marka forskot. Þátt-
takan í keppninni kostar mikið og Haukar safna með því að selja þorskhnakka.
ÞAÐ ER ALLT HÆGT Freyr Brynjarsson verður í lykilhlutverki hjá Haukum í dag er þeir
mæta Grosswallstadt í EHF-bikarnum. FRÉTTABLAÐIÐ/VILHELM
FÓTBOLTI Stórleikur helgarinnar
í enska boltanum er viðureign
Spurs og Liverpool á White Hart
Lane. Man. City á erfiðan útileik
á Britannia og Chelsea þarf
að rífa sig upp á St. James´
Park.
C h e l s e a h e f u r
tapað þremur af síð-
ustu fjórum leikjum
sínum í deildinni og
þar af hafa tveir síð-
ustu tapast. Þetta er
í fyrsta skipti í fjög-
ur og hálft ár sem liðið tapar
tveim deildarleikjum í röð. Ef
liðið tapar í dag verður það í
fyrsta skipti síðan 1999 sem
liðið tapar þrem leikjum í
röð.
Liverpool vann loks
leik í síðustu umferð en
Spurs hefur unnið tvo í
röð. Harry Redknapp,
stjóri Spurs, hefur ekki
tapað í síðustu fjórum
heimaleikjum gegn
Liverpool.
Liverpool hefur aðeins
unnið einn útileik í vetur.
- hbg
Erfiðir útileikir hjá Chelsea og Man. City og Liverpool sækir Tottenham heim:
Tapar Chelsea þriðja leiknum í röð?
Leikir helgarinnar:
Laugardagur:
Aston Villa - Arsenal
Bolton - Blackpool
Everton - WBA
Fulham - Birmingham
Man. Utd - Blackburn
Stoke - Man. City
West Ham - Wigan
Wolves - Sunderland
Sunnudagur:
Newcastle - Chelsea
Tottenham - Liverpool
ÍS
LE
N
SK
A
/S
IA
.I
S
VI
T
52
51
7
11
/1
0
Aðalfundur Golfklúbbs Reykjavíkur.
Aðalfundur Golfklúbbs Reykjavíkur verður haldin mánudaginn
6. desember og hefst kl.20:00.
Fundarstaður Golfskálinn Grafarholti
Dagskrá aðalfundar:
Í upphafi aðalfundar skal kjósa sérstakan fundarstjóra og ritara
eftir tilnefningu.
1. Skýrsla formanns.
2. Kynning á endurskoðuðum ársreikningi félagsins.
3. Umræður um skýrslu formanns og ársreikning sem síðan skal
borinn upp til samþykktar.
4. Umræður og atkvæðagreiðsla framkominna tillagna skv. 19. gr.
ef einhverjar eru.
5. Afgreiðsla tillagna til lagabreytinga.
6. Ákveðið árgjald og önnur gjöld fyrir næsta starfsár.
7. Kosning stjórnar og varamanna í stjórn.
8. Kosning tveggja endurskoðenda og eins til vara.
9. Önnur málefni ef einhver eru.
Virðingarfyllst
Stjórn Golfklúbbs Reykjavíkur
HANDBOLTI Ólympíumeistarar Nor-
egs sýndu íslenska landsliðinu í
gær hvernig á að spila handbolta.
Þetta besta handboltalið heims fór
algjörlega á kostum í vináttuleik
liðanna og vann yfirburðasigur,
35-14. Staðan í hálfleik var 19-7.
Þetta var fyrsti leikur Íslands á
fjögurra liða æfingamóti.
Norðmenn spiluðu framúr-
skarandi varnarleik og ekki var
markvarslan síðri. Hraðaupp-
hlaupin voru síðan í hæsta gæða-
flokki en Noregur skoraði yfir
20 mörk úr hröðum upphlaup-
um í gær. Íslenska liðið stóð eftir
varnarlaust.
Það breytti engu þótt Norðmenn
skiptu út byrjunarliði sínu í hálf-
leik. Yfirburðirnir voru algjör-
ir. Fyrsta mark Íslands í síðari
hálfleik kom eftir rúmar tíu mín-
útur og lengi vel leit út fyrir að
Ísland myndi ekki rjúfa tíu marka
múrinn.
Stelpurnar gáfu sig allar í
verkefnið fram á lokamínútu en
íslenska liðið er mörgum klössum
fyrir neðan þetta frábæra norska
lið. - hbg
Ísland hafði ekkert að gera í Ólympíumeistarana:
Neyðarlegt tap gegn Noregi
ERFITT Rakel Dögg og félagar komust ekkert áfram í gær. FRÉTTABLAÐIÐ/VALLI
Vináttulandsleikur:
Noregur-Ísland 35-14 (19-7)
Mörk Íslands (skot): Hrafnhildur Ósk Skúladóttir
4 (14/1), Rakel Dögg Bragadóttir 2 (9/1), Harpa
Sif Eyjólfsdóttir 2 (3), Arna Sif Pálsdóttir 2 (2),
Sólveig Lára Kjærnested 2 (3), Karen Knútsdóttir
1 (5), Þorgerður Anna Atladóttir 1 (4). Ásta Birna
Gunnarsdóttir (2), Anna Úrsúla Guðmundsdóttir
(2), Rut Jónsdóttir (3).
Varin skot: Berglind Íris Hansdóttir 7/1, Íris Björk
Símonardóttir 4.