19. júní - 19.06.1981, Blaðsíða 16

ÍSLENSK FATAHÖNNUN

Fríður Ólafsdóttir
— fatahönnuður
Umsjón og texti: Katrín Pálsdóttir
Kvikmyndin Punktur, punktur,
komma, strik hefur eflaust hjálpað
mörgum til að rifja upp gamla
góða daga. Búningarnir í mynd-
inni skiptu sköpum um hvernig til
tókst að fá rétt andrúmsloft og
færa okkur kvikmyndahúsgesti
um tuttugu ár aftur í tímann.
Það er Fríður Ólafsdóttir fata-
hönnuður, sem á veg og vanda af
búningunum í Punktinum. Hún
varð stúdent frá Menntaskólanum
í Reykjavík árið 1966, en settist
síðan í Kennaraskólann í handa-
vinnudeild. Síðar lá leiðin til
Vestur-Berlínar, þar sem hún
stundaði nám við Listaháskólann
á árunum 1969—1973.
Fríður fékk góðan undirbúning
undir starf sitt við Punktinn, þegar
hún var aðstoðarmaður Ullu Britt,
sem sá um búninga í kvikmyndina
Paradísarheimt. Hún hefur að
mestu starfað sjálfstætt frá því hún
lauk námi og tekur að sér hin f jöl-
breyttustu verkefni. Einnig hefur
hún kennt við Iðnskólann og
Kennaraháskólann.
Lopapeysur hannaðar fyrir Gefjun
14