19. júní - 19.06.1981, Page 52

Ásta Jóhanna
Benediktsdóttir. Kristjónsdóttir.
Skeljanes, hús
Félags einstæðra
foreldra.
Einstæðar mæður í námi
Enda þótt ráð sé gert fyrir því,
að allir sitji við sama borð að því er
tekur til þess að afla sér menntunar,
er alveg augljóst mál, að þar er
verulegur munur. Ástæður eru
margar og ekki þörf að tíunda þær
nema það sem snýr að einstæðum
mæðrum, sem hér er verið að fjalla
um. Iðulega eignast stúlkur börn
meðan þær eru í námi, hafa ekki
stuðning af barnsföður og aðstæð-
ur fjölskyldu geta verið misjafnlega
fallnar til að létta undir. Oft er því
að skólaganga rofnar og þar af
leiðir að viðkomandi stúlka verður
að láta sér duga verr launuð störf
en hefði henni tekizt að afla sér
starfsmenntunar. Við skilnað eða
makamissi stendur konan einnig
oft harla báglega að vígi; hafi hún
til dæmis verið utan atvinnulífsins
um langa hríð getur það orðið
henni hið erfiðasta mál að herða
sig upp til að fara út á atvinnu-
markaðinn á ný, menntun hennar
— ef hún er fyrir hendi — farin að
ryðga, og þar við bætist síðan sú
tvöfalda ábyrgð vegna uppeldis
barna sem nú hleðst á herðar
henni.
Samt hafa einstæðar mæður á
stundum sýnt ótrúlega seiglu að
koma sér í nám. Þær hafa töluvert
sótt í sjúkraliðanám, póstmanna-
skólann og farið á námskeið, í
kvöldskóla, við hinn mesta dugnað.
50
Það er ekki nokkur vafi á því að
samt þarf að koma þarna til liðs.
Námslán eru yfirleitt ekki fyrir
hendi í þeim greinum sem ein-
stæðar mæður hafa tök á að
stunda. Þar sem húsaleiga og al-
mennur framfærslukostnaður í
þessu verðbólguþjóðfélagi okkar
étur upp drjúgan hluta tekna fólks,
þyrfti að vera hægt að aðstoða
einstæðar mæður (foreldra) í námi
— og það á öllum aldri — meðal
annars með útvegun húsnæðis sem
þær gætu dvalið í endurgjaldslaust
meðan nám stendur yfir.
Neyðar/bráðabirgðahúsnæði
Félags einstæðra foreldra sem tók
til starfa í Skeljanesi í vor mun
verða fyrsti vísir þessa. Ætlunin er
að einstæðir foreldrar í námi fái
a. m. k. 2 íbúðir eða herbergi end-
urgjaldslaust í tvö ár og ætti þetta
að geta verið mikill styrkur, þótt
vandi margra verði ekki leystur. En
þar er þó fordæmið komið sem
vonandi gæti orðið til að fleiri að-
ilar kæmu til og léttu undir með
einstæðum foreldrum í námi.
Blaðamaður 19. júní spurði
nokkrar einstæðar mæður hvaða
möguleikar væru á því að afla sér
framhaldsmenntunar og hvað væri
helst til úrbóta til að létta þeim
róðurinn. Fara svör þeirra hér á
eftir.
ELÍN HARÐARDÓTTIR,
matreiðslunemi:
Engin Námslán
Fyrir nokkrum vikum hóf ég
nám sem matsveinn, en ég get ekki
framfleytt mér í því námi öðruvísi
en að flyttja heim til foreldra
minna með son minn.
Ég er gagnfræðingur og miðað
við þá menntun fæ ég ekki náms-
lán. Það þarf að breyta námslána-
kerfinu einstæðum foreldrum í
hag, þannig að þeir njóti námslána
á skikkanlegum kjörum. Þá þarf að
útvega einstæðum foreldrum í
námi leiguhúsnæði og hækka
Elín Harðardóttir.