19. júní - 19.06.1988, Side 7

« • • • »«l*«ll»» • *!?;.
^•••momn*

(SteV!
r /#"****,
:/**** »,„7
Jóhanna Sigurðardóttir fclagsmálaráðhcrra á skrifstofu sinni. „Strákarnir geta ekki án mín verið . . .“
starf á Alþingi verið meira gefandi en
hitt og þá er mér hugsað sérstaklega
til þess tíma þegar árangur sést af
puðinu.
Tíminn frá síðustu stjórnarmyndun
hefur á margan hátt verið erfiður og
ég neita því ekki að á stundum valdið
mér miklum vonbrigðum. Ég verð þó
að segja að ég vildi ekki hafa misst af
honum, því ég hef lært meira um inn-
viði stjórnmálanna á þessum fáu mán-
uðum en öll árin til samans sem ég hef
setið á Alþingi. Ætli ég hafi ekki bara
orðið nægan efnivið í bók sem gæti
borið heitið: „Dyr stjómarráðsins
opnaðar eða „Bak við byrgða glugga
stjórnarráðsins. “
Hvernig yrðu inngangsorðin í
þeirri bók, liggur beinast við að
spyrja, en ráðherrann svarar um hæl
að upphaf þeirrar bókar sé leyndar-
mál.
„Hvað varðar andrúmsloftið í ríkis-
stjórninni og hvort ég telji að það væri
öðruvísi ef fleiri konur ættu þar sæti
vil ég segja þetta. Ég held að það
verði ekkert fram hjá því litið að kon-
ur, líka þær sem velja sér vettvang hjá
hefðbundnu stjórnmálaflokkunum,
hafa sýnt að þær leggja aðrar áherslur
og forgang á mál en karlar.
Konur eru helmingur þjóðarinnar
og það á og verður að endurspeglast
betur í valda- og stjórnunarstöðum í
þjóðfélaginu. Fjölgun kvenna í ríkis-
stjórn myndi vafalítið hafa í för með
sér breytt viðhorf og aðrar áherslur
við landsstjórnina.
En hinu má þó aldrei gleyma að
það sem skiptir mestu máli við lands-
stjórnina er hvaða hugarfar og við-
horf til þjóðfélagsins og manneskj-
unnar það fólk hefur sem skipar ríkis-
stjórnina.
Hver eru baráttumál og stefna
þeirra sem sitja í ríkisstjórn, situr ráð-
herrann í ríkisstjórn fyrir fólkið eða
sjálfan sig, situr í ríkisstjórn félags-
hyggjufólk eða frjálshyggjufólk, situr
þar fólk sem er tilbúið til að standa
eða falla með eigin gjörðum?
Svo má líka spyrja, hverra hags-
muna gætir það fólk sem skipar ríkis-
stjórnina, er það fólk sem vill jafn-
rétti, fólk sem vill jafna tekjuskipting-
una, þetta eru líka grundvallaratriði
sem skipta máli, ekki síður en jafn-
ræði milli kynja.“
Stór áform
Þessi ríkisstjórn hefur vissulega
í stjórnarsáttmálanum niörg
og stór áform í fjölskyldu- og
jafnréttismálum og við skulum
vona að henni endist líf og heilsa til
þess að koma þeim öllum í fram-
kvæmd,“ heldur Jóhanna áfram,
áhuginn á málefnunum leynir sér ekki
í fasi ráðherrans.
„Svo dæmi sé nefnt þá á að gera
átak til að koma á jafnrétti kvenna og
karla með sérstakri áherslu á launa-
jafnrétti. Það er kveðið á um að end-
urmeta störf kvenna og stuðla að jafn-
rétti í launakjörum og hlunninda-
greiðslum hjá ríkinu.
I starfsáætluninni kemur líka fram
að lagt verður kapp á að gefa foreldr-
um færi á að fá launalaust leyfi vegna
umönnunar barna þegar sérstaklega
stendur á. í skatta- og lífeyrismálum
og almannatryggingum á að taka
meira tillit til heimavinnandi fólks.
Það á að gera áætlun í samráði við
sveitarfélög um átak til að bæta heim-
ilisþjónustu og vistunaraðstöðu fyrir
aldraða og fatlaða. Og það er lögð
áhersla á uppbyggingu sambýla fyrir
fatlaða og verndaða vinnustaði.
Nú, það á að vinna að því að koma
á samfelldum skóladegi og skólamál-
tíðum fyrir börn á grunnskólaaldri.
Og það á að vinna að því að gera átak
til að stytta vinnutímann án þess að
tekjur skerðist.
Vissulega eru þetta allt góð og gild
markmið og mikið af þessum málum
eru í athugun í nefndum, bæði sér-
7