Fréttablaðið - 01.04.2011, Side 29

Sölufulltrúar: Jóna María Hafsteinsdóttir jmh@365.is 512 5473 Þórdís Hermannsdóttir thordish@365.is 512 5447
Ljósmyndakaffi Ljósmyndasafns Reykjavíkur
verður haldið í dag klukkan 12 í Tryggvagötu. Þar
munu ljósmyndararnir Guðmundur Ingólfsson, Bára
og Sissa spjalla við Leif Þorsteinsson um ljósmyndun.
Í
tilefni Hestadaga í Reykja-
vík verða á boðstólum steikt
tryppaeistu að enskum
hætti í gamla söluturninum
á Lækjartorgi í dag. Tryppaeistu
eru heimskunnur frygðarauki en
Íslendingum fágætt hnossgæti.
„Ég hef nú sjálfur verið að
laumast í að borða þetta í gegn-
um árin og alltaf fengið nokkrar
kúlur undir borðið til að föndra
við í eldhúsinu, en auðvitað er
orðið löngu tímabært að fleiri
njóti þessa áhrifamikla sælkera-
fæðis sem fersk tryppaeistu eru
í raun,“ segir Úlfar Eysteinsson
matreiðslumeistari á Þremur
frökkum þar sem hann eldsteikir
tryppaeistu með grænpiparsósu
og káli. Verkefnið er að sönnu
óvenjulegt en sérpantað í tilefni
hátíðarinnar Hestadaga í Reykja-
vík sem nú stendur yfir.
„Tryppaeistu eru eftirsóknar-
vert hráefni og í þessu tilviki,
af því ég þarf vænan skammt
ofan í miðbæjargesti, varð ég að
hafa samband við Árna Mathie-
sen dýralækni sem einmitt var
að taka inn stóð frá bónda, og
fékk hjá honum 26 væn eistu úr
þrettán tryppum,“ upplýsir Úlfar
sem framreiðir herlegheitin með
brúnni sósu sem hægt er að dýfa
pungsneiðunum í. „Það tekur
svona mestan ótta úr fólki þegar
japlað er á pungunum.“
Í sumum löndum í Asíu eru
tryppaeistu alþekkt frygðarlyf
en þar eru þau þurrkuð og mulin
niður í kynorkuaukandi drykki.
„Bragðið minnir talsvert á
hrútspunga, en áferðin er grófari,
enda stórgerðari eistu,“ útskýr-
ir Úlfar sem ætíð hefur farið
ótroðnar slóðir í hráefnanotk-
un og prófað ýmislegt í gegnum
tíðina.
„Fyrir þorrablót sjóstangveiði-
manna nýverið sauð ég og setti
í súr 36 gimbrarpíkur sem allar
voru étnar þótt þær væru ekk-
ert sérstaklega góðar. Tryppa-
eistun eru aftur á móti hnoss-
gæti og enginn svikinn með þau
í munni,“ segir Úlfar sem ætlar
að bjóða upp á krásirnar seinni
partinn í dag, eða á meðan birgð-
ir endast í gamla söluturninum á
Lækjartorgi. thordis@frettabladid.is
Úlfar Eysteinsson stendur í ströngu í dag þegar hann matbýr gómsæt tryppaeistu fyrir gesti og gangandi.
FRÉTTABLAÐIÐ/VALLI
Aðalstræti 2 | 101 Reykjavík | Sími: 517 4300
www.geysirbistro.is
OPIÐ ALLA DAGA
FRÁ KL. 11.30
Hneggjandi
gott lostæti