Frjáls verslun - 01.03.2002, Blaðsíða 93

VÍNUIVIFJÖLLUN SIGMflRS B.
vinsæll. Þarna má fá góð frönsk vín og vín vlða annars staðar
úr heiminum.
Juveniles 47 Rue de Richelieu, sími 42 97 4649, er með vinsæl-
ustu vínbörum Parísarborgar. Þetta er mjög franskur staður og
sérlega fallegur. Starfsfólkið er þó allt enskumælandi og fræðir
gestina gjarnan um vínin.
L’Ecluse er keðja vínbara sem nokkrir frægir matreiðslu-
menn í París eiga. Ekki er mikið úrval vína í boði á þessum
stöðum en á þeim er hægt að fá glas af frönskum vínum í
háum gæðaflokki, einkum frá Bordeaux. Meðal góðra staða í
L’Ecluse eru: L’Ecluse Bastille 13 Rue de Roquette, sími 48
05 1912. Þá er L’Ecluse 15 Place de la Madeleine, sími 42 65
3469, mjög miðsvæðis. A þessum stöðum sem nefndir hafa
verið er hægt að fá einfaldar en góðar máltíðir á sanngjörnu
verði, en vissara er að panta borð.
Vínbúðir otj aðrar áhugaverðar verslanir Hér koma heimilisföng
á nokkrum áhugaverðum vínbúðum í París:
Le Repaire de Bacchus 12 Rue Rambuteau
Ma Boutique 1 Rue d'Armaille
Le Comptoir du Terroir 5 Rue Etienne Marcel
Þá er rétt að geta þess að öll hverfi Parísar hafa sinn markað
og oftast eru markaðirnir einhverja ákveðna daga vikunnar. A
sunnudögum er stór og skemmtilegur markaður rétt fyrir
ofan Bastillutorgið. Þar selja nokkrir vínframleiðendur
afurðir sínar, oftast á mjög hagstæðu verði. Einn þeirra er
Jean Paul Ruet sem er vínframleiðandi í Beaujolais. Vínin frá
Ruet eru einstaklega fersk, bragðmikil með ljúfu þrúgu- og
ávaxtabragði. Sem kunnugt er passa góðir ostar og vín vel
saman. Það er því kjörið að kaupa nokkra osta og taka með
heim. Góð ostabúð í París er
Le Ferme Saint Hubert 21 Rue Vignon
fl meðan Við biðum... Á meðan við bíðum eftir að komast til
Parísar er um að gera að fá sér ílösku af góðu frönsku vini og
skipuleggja Parísarferðina. Meðal góðra franskra vína á sann-
gjörnu verði er Fleurie G. Duboeuf á 1.280 krónur. Þetta er ein-
staklega indælt Beaujolais vín, þægilega kryddað og ilmríkt og
frábært að drekka eitt og sér á fögru vorkvöldi. Bourgogne vínið
Bouchard Aine Mercurey á 1.690 krónur er létt og ljúft vin með
mikinn þokka. Rhonar vínið frá Paul Jaboulet Crozes Hermitage
les Jalet á 1.590 krónur er kraftmikið og öflugt vín sem er frábært
með glóðarsteiktu lambakjöti. Alsace-hvítvínið Tokay Pinot Gris
Vendange Tradive á 3.523 krónur er stórkostlegt vín - vissulega
ekki ódýrt en hver dropi er þó peninganna virði. Bragðið er
hálfsætt ávaxta- og þrúgubragð með mildu kryddbragði, vinið er
smjörkennt á bragðið með mikla fyllingu og af vininu er ljúf
blómaangan. Frábært vín eftír hressilegan göngutúr í Heiðmörk-
inni eða annars staðar úti í náttúrunni þar sem náttúran er að
vakna af dvala vetrarins.
GÓð ráð Þegar til Parísar er komið ættu allir að kaupa litla bók
sem í eru kort af París, eitt eða fleiri kort af hverju hverfi. Bókin
Frönsk vín og vorkomunni fagnað.
heitir Plan du Paris. Þá er nauðsynlegt að kaupa bækling sem
heitir Pariscope, en þar er að finna mikið magn upplýsinga um
það sem um er að vera í París auk upplýsinga um ýmislegt ann-
að sem áhugavert er að vita um París. Þegar lent er í París er
ódýrast, fljótlegast og þægilegast að taka svokallaðan Roissybus
inn til borgarinnar. Að lokum er rétt að rifja upp orð skáldsins
sem sagði: „Þeim sem leiðist í París leiðist lífið.“ S3
Sigmar B. Hauksson mælir með eftirtöldum frönskum vínum
Hvítvín
Tokay Pinot Gris Vendange Tradive á 3.523 krónur
Rauðvín
Fleurie G. Duboeuf á 1.280 krónur
Bouchard Aine Mercurey á 1.690 krónur
Crozes-Hermitage les Jalet á 1.590 krónur
93