Frjáls verslun - 01.08.2002, Qupperneq 91

Botni hagsveiflunnar náð? „Við sjáum greinileg merki þess að
sú leiðrétting sem hagkerfið þurfi á að halda sé að koma fram.
Því miður þýðir það ekki að erfiðleikar flölda aðila séu að baki.“
Hvað hefur einkennt rekstur fyrirtækis þíns á þessu ári og
telur þú að það nái settum markmiðum? „Sparisjóðurinn
var að búa sig undir formbreytingu yfir í hlutafélag þegar Bún-
aðarbankinn reyndi að yfirtaka rekstur þess. Þetta hefur valdið
sparisjóðnum miklu ijárhagstjóni og truflað þá uppbyggingu
sem stefnt var að. Auknar afskriftir útlána og niðursveifla á
verðbréfamörkuðum hefur leitt til þess að verðbréfaeign spari-
sjóðsins hefur ekki gefið jafn vel af sér og vonir stóðu til. I ljósi
þessa er óljóst hvort rekstrarmarkmiðum verður náð, en unnið
er að breytingum þannig að það takist.“ 33
10
Eimskip árið 2001:
10. stærsta fyrirtækið.
Uelta: 18,4 milljarðar.
Tap f. skatta: -1,5 milljarðar.
Eigið fé: 9,0 milljarðar.
„Ríkari kröfur verða gerðar um
arðsemi fyrirtækja fremur en ofurkapp
á veltu, sem litlu skiptir, ef arðsemi
fylgir ekki með.“
Ingimundur Sigurpálsson, forstjóri Eimskips.
Ingimundur Sigurpálsson
forstjóri Eimskips
Mest á óvart í viðskiptalífinu á árinu? „Aukin beiting hús-
rannsókna af hálfu yfirvalda kemur mjög á óvart. Einnig vil ég
nefna ákvörðun stjórnvalda um lækkun á álagningarhlutfalli
tekjuskatts íyrirtækja. Það var djörf, en að sama skapi mikils-
verð ákvörðun, sem á tvímælalaust eftir að skila sér í eflingu ís-
lensks atvinnulífs."
Forgangsverkefni forstjóra næstu tólf mánuðina? „Eg hef
trú á því, að menn muni í ríkari mæli snúa sér að innri vexti
fyrirtækja í framhaldi af þeirri áherslu, sem lögð hefur verið á
samruna, yfirtöku og uppkaup undanfarin misseri. Samhliða
þvi munu menn gera ríkari kröfur um arðsemi fyrirtækja
fremur en að leggja ofurkapp á veltu, sem litlu skiptir, ef arð-
semi fylgir ekki með.“
STAÐAN í VIÐSKIPTALÍFINU
Botni hagsveiflunnar náð? ,Já, mér sýnist margt benda til
þess, að efnahagslífið sé að taka við sér þessa mánuðina. Fram-
haldið ræðst svo án efa mikið af því, hvaða ákvarðanir verða
teknar um virkjanir og álversframkvæmdir."
Hvað hefúr einkennt rekstur fyrirtækis þíns á þessu ári og
telur þú að það nái settum markmiðum? „Hörð samkeppni
og samdráttur í innflutningi. Starfsmenn Eimskips hafa af
áhuga og krafti mætt því með aukinni hagræðingu og lækkun
kostnaðar. Þar hefur náðst góður árangur, þótt meira þurfi til
svo fullnægjandi árangri verði náð. Allt stefnir þó í það, að við
náum í meginatriðum settum markmiðum." Sli
7
Alcan á íslandi árið 2001:
7. stærsta fyrirtækið.
tlelta: 26,7 milljarðar.
Hagn. f. skatta: 4,1 milljarður.
Eigið fé: 11,5 milljarðar.
„Óvenju margir hafa leitað til okkar
eftir vinnu sem er ótvírætt merki um
þrengsli á atvinnumarkaði.“
Rannveig Rist, forstjóri Alcan á íslandi.
Rannveig Rist
forstjóri Alcan á Islandi
Mest á óvart í viðskiptalífinu á árinu? „Hve miklar breyt-
ingar hafa orðið til hins betra á afkomu íjölmargra fyrirtækja.“
Forgangsverkefhi forstjóra næstu tólf mánuðina? „Þau SÖmu
og vanalega eru efst á baugi; að hafa augun opin fyrir nýjum
tækifærum samhliða stöðugri rýni á hagkvæmni rekstursins
og hvað megi betur fara.“
Botni hagsveiflunnar náð? „Við flytjum ut alla okkar alfram-
leiðslu og erum því frekar háð erlendum sveiflum en innlend-
um. Á hinn bóginn hafa óvenju margir leitað til okkar eftir
vinnu, sem er ótvírætt merki um þrengsli á atvinnumarkaði."
Hvað hefur einkennt rekstur fyrirtækis þíns á þessu ári og
telur þú að það nái settum markmiðum? ,Já, við náum sett-
um markmiðum og gott betur. Mjög lágt álverð hefur hins
vegar haft sín áhrif.“ 33
91