Morgunblaðið - 29.11.2008, Síða 8

8 FréttirINNLENT
MORGUNBLAÐIÐ LAUGARDAGUR 29. NÓVEMBER 2008
Eftir Sigrúnu Ásmundsdóttur
sia@mbl.is
TIL að liðka fyrir sölu nýrra bíla
þarf að festa gengið í samhengi við
það á hvaða gengi þeir eru í upphafi
keyptir af framleiðendum, að mati
Özurar Lárussonar, framkvæmda-
stjóra Bílgreinasambandsins. Hann
segir mjög erfitt um vik að senda
nýja bíla úr landi aftur eftir að þeir
hafa verið keyptir. Bílar eru gjarnan
pantaðir með sex mánaða fyrirvara,
umboðin greiða strax fyrir þá, og
það gefur augaleið að fyrir sex mán-
uðum var gengi íslensku krónunnar
allt annað en það er í dag. Nýir bílar
eru leystir úr tolli miðað við toll-
gengi þess dags sem þeir eru leystir
út, burtséð frá því á hvaða gengi þeir
voru keyptir. Þetta hækkar bílverð
gríðarlega. 4-5.000 bílar bíða nýrra
eigenda niðri á hafnarbakka hjá
skipafélögunum.
„Það sem okkur fyndist eðlilegt er
að stjórnvöld festu tollgengið miðað
við eðlilega dagsetningu, t.d. þann
tíma sem flestallir þessir bílar komu
til landsins, sem var um mitt sum-
ar,“ segir Özur. Bílgreinasambandið
hefur óskað eftir fundi með fjár-
málaráðherra um málið.
„Öll bílaumboðin hafa reynt að
flytja út og selja það sem þau geta,“
segir Özur. „Við höfum verið í sam-
bandi við erlenda bílasala og til að
mynda var hjá okkur danskur bíla-
sali í síðustu viku,“ upplýsir hann.
Markaðurinn svo gott sem lok-
aður
Sá sagði Özuri að markaður fyrir
nýja bíla í Evrópu væri svo gott sem
lokaður. „Þetta er orðið þannig t.d. í
Þýskalandi að menn eru farnir að
bjóða tvo fyrir einn í sumum til-
fellum.“ Özur segir þó enn hægt að
koma út notuðum bílum þó að mögu-
leikinn á slíku minnki hratt.
Danann segir Özur vera einn af
mörgum sem hafi hug á að kaupa
hér notaða bíla til að selja erlendis.
„Það er bara vegna þess að gengið
á krónunni er eins og það er,“ segir
hann, „það er hægt að bjóða þessa
bíla á mun betra verði heldur en
gengur og gerist núna.“
Mælt hefur verið fyrir frumvarpi
um endurgreiðslu vörugjalda og
virðisaukaskatts á Alþingi. Özur
segir frumvarpið koma mjög til góða
að sumu leyti. „Það eina sem ég
hefði viljað sjá öðruvísi í þessu frum-
varpi er tímalengdin. Þegar bílar
eru orðnir fimm ára gamlir eru þeir
að fullu afskrifaðir. Það er nátt-
úrlega heilmikið af fimm ára göml-
um bílum hérna sem eru dýrir í aug-
um þeirra sem eiga þá,“ segir Özur.
Takmarkað við fimm árin
„Þarna er búið að takmarka þetta
við fimm ára aldurinn. Útflutning-
urinn miðast fyrst og fremst við eins
til þriggja ára gamla bíla.“ Með
þessu telur Özur að ekki sé gætt
jafnræðis. Özur vill sjá frumvarpið
komast til framkvæmda ekki seinna
en strax. „Þó svo að við sjáum enn
tækifæri til að flytja notaða bíla út
er sá gluggi að lokast líka. Það er
nefnilega ekki bara kreppa á Ís-
landi,“ segir hann.
Betur horfir með útflutning at-
vinnutækja og þegar hefur tekist að
selja mörg slík úr landi og enn eru
menn að því. Aðrar reglur gilda um
þau, t.d. eru ekki sömu gjöld á þeim
og nýjum bílum. Helst eru það ein-
staklingar og verktakafyrirtækin
sjálf sem standa að útflutningi á at-
vinnutækjum.
Tveir fyrir einn í Þýskalandi
 Festa þarf tollgengi til að liðka fyrir sölu nýrra bíla  Umboðin panta
með sex mánaða fyrirvara  Erfitt um vik að selja nýja bíla aftur úr landi
Morgunblaðið/Ómar
Bílamergð Fjöldi nýrra bifreiða er óleystur úr tolli enda eftirspurnin sama
og engin. Umskiptin eru mikil frá síðustu árum sem hafa verið góð í sölu.
Í HNOTSKURN
»Gengishrun krónunnarveldur því að fýsilegt er
orðið að flytja notaðar bifreið-
ar héðan til markaða erlendis.
»Sala á nýjum bifreiðumhefur víðast hvar dregist
mikið saman.
» Í Bandaríkjunum er útlitfyrir að heildarsalan í árs-
lok verði rétt rúmlega 13
milljónir bifreiða, um 3 millj-
ónum færri en 2007.
ALMA Guðmundsdóttir, sem býr í
Grindavík, ætlaði ekki að trúa sínum
eigin eyrum þegar Morgunblaðið til-
kynnti henni að
hún hefði hlotið
fyrsta, stóra vinn-
inginn í nýstofn-
uðum Mogga-
klúbbi
áskrifenda. Vinn-
ingurinn er
tveggja vikna
sigling með
stærsta skemmti-
ferðaskipi heims í
Karíbahafinu í vor og er fullt fæði
innifalið. „Ég ætla að bjóða mann-
inum mínum, Kára Guðmundssyni,
með en hann hefur dreymt um svona
ferð í 10 ár,“ segir Alma sem er ný-
orðin áskrifandi að Morgunblaðinu á
ný eftir sumarhlé.
Alma verður 35 ára í febrúar og er
því eiginlega um einskonar afmæl-
isferð að ræða. ,,Ég hafði lagt allar
áætlanir um utanlandsferð á hilluna
vegna efnahagsástandsins,“ segir
hún og bætir því við að hún ætli svo
sannarlega að njóta lífsins á
skemmtiferðaskipinu Freedom of
the Seas sem er fimm stjörnu lúx-
ushótel. Alma og eiginmaður hennar
eiga þrjú börn og gerir hún ráð fyrir
því að ættingjar verði fúsir til þess að
gæta þeirra meðan foreldrarnir sigla
um Karíbahafið. ingibjorg@mbl.is
Á leið í
Karíba-
hafið
Alma
Guðmundsdóttir
Fékk stóra vinning-
inn í Moggaklúbbi
TRYGGINGASTOFNUN ritaði í
byrjun mánaðarins bréf til allra
systurstofnana sinna á Norðurlönd-
unum til að gera grein fyrir stöðu
mála hér á landi og hugsanlegum
vandræðum hjá íslenskum lífeyr-
isþegum sem þar búa. Jafnframt var
óskað eftir liðsinni þeirra við að
stuðla að því að þeir sem þurfa að
leita aðstoðar opinberra aðila þar fái
eins góða þjónustu og mögulegt er.
Tryggingastofnun hefur fengið
fyrirspurnir frá lífeyrisþegum sem
búsettir eru erlendis. Þeir hafa
áhyggjur af afkomu sinni vegna
efnahagsástandsins og erfiðleika
með gjaldeyrisviðskipti. Trygg-
ingastofnun hefur birt upplýsingar
um nokkur atriði á vef sínum og tek-
ur fram að hún muni senda lífeyr-
isþegum búsettum erlendis bréf með
upplýsingum strax eftir helgi.
Fram kemur að stofnunin greiðir
lífeyri mánaðarlega inn á banka-
reikninga á Íslandi. Það er því í
höndum viðkomandi lífeyrisþega
hvort og hvenær hann yfirfærir líf-
eyrinn í erlenda mynt.
Viðmiðunargengi endurskoðað
Við útreikning á tekjum lífeyr-
isþega erlendis notar Trygg-
ingastofnun sem viðmiðunargengi
meðaltal fyrstu tíu mánaða ársins, ár
hvert. Áformað er að endurskoða
þetta viðmiðunargengi í samráði við
félags- og tryggingamálaráðuneytið,
í ljósi aðstæðna.
Lífeyrisþegar
hafa áhyggjur
MIÐAÐ við eðlilegt árferði er lag-
erinn af bílum hér á landi eðlileg-
ur. Vonast er til að eitthvað af bíl-
um seljist hér á komandi ári,
jafnvel allt að þrjú til fimm þús-
und bílar, en þó ekkert í líkingu
við það sem verið hefur und-
anfarin ár.
Í síðustu viku voru seldir 13 ný-
ir bílar á Íslandi. Miðað við sömu
viku í fyrra er samdrátturinn
96,4%.
Bílaumboðin halda því að sér
höndum í pöntunum og berjast í
bökkum eins og staðan er í dag.
Özur bendir á að um 1.000
manns starfi hjá átta bílaumboð-
um bara á höfuðborgarsvæðinu.
Bílgreinin skapar þúsundir
starfa á landinu öllu og á árunum
2005-2007 skilaði hún um 13%
af heildartekjum þjóðarbúsins.
„Þetta er grein sem skiptir gríð-
arlega miklu máli, en hefur þurft
að búa við erfitt starfsumhverfi,“
segir Özur.
13% af tekjunum
STJÓRN Íbúasamtaka Bústaða-
hverfis mótmælir harðlega fyr-
irhugaðri lokun vinstri beygju af
Bústaðavegi inn á Reykjanesbraut.
Í fréttatilkynningu segir að þessi
breyting muni óhjákvæmilega stór-
auka umferð um Réttarholtsveg
sem nú þegar sé allt of þung og
hröð. Borgarstjórn verði að leið-
rétta þau mistök borgarráðs að
samþykkja lokunina.
Mótmæla lok-
un harðlega